Liber Ecclesiasticus, 37
1. omnis amicus dicet et ego amicitiam copulavi sed est amicus solo nomine amicus nonne tristitia inest usque ad mortem
1. Omnis amicus dicet: “Et ego amicitiam copulavi!”; sed est amicus solo nomine amicus. Nonne tristitia appropinquans usque ad mortem:
2. sodalis autem et amicus ad inimicitiam convertentur
2. sodalis et amicus ad inimicitiam conversus?
3. o præsumptio nequissima unde creata es cooperire aridam malitiam et dolositatem illius
3. O praesumptio nequissima, unde creata es cooperire aridam malitia et dolositate illius?
4. sodalis amico coniucundatur in oblectatione et in tempore tribulationis adversarius erit
4. Sodalis amico coniucundatur in oblectationibus et in tempore tribulationis adversarius erit;
5. sodalis amico condolet causa ventris et contra hostem accipiet scutum
5. sodalis amico condolet causa ventris et contra hostem accipiet scutum.
6. non obliviscaris amici tui in animo tuo et non inmemor sis illius in operibus tuis
6. Non obliviscaris amici tui in animo tuo et non immemor sis illius in opibus tuis.
7. noli consiliari cum socero tuo et a zelantibus te absconde consilium
7. Noli consiliari cum eo, qui tibi insidiatur, et a zelantibus te absconde consilium.
8. omnis consiliarius prodit consilium sed est consiliarius in semet ipso
8. Omnis consiliarius prodit consilium, sed est consiliarius pro semetipso.
9. a consiliario serva animam tuam prius scito quæ sit illius necessitas et ipse enim animo suo cogitabit
9. A consiliario serva animam tuam et prius scito quae sit illius necessitas et ipse enim animo suo cogitabit
10. ne forte mittat sudem in terram et dicat tibi
10. ne forte mittat super te sortem et dicat tibi:
11. bona est via tua et stet e contrario videre quid tibi eveniat
11. “Bona est via tua” et stet e contrario videre quid tibi eveniat.
12. cum viro inreligioso tracta de sanctitate et cum iniusto de justitia et cum muliere de ea quæ æmulatur cum timido de bello cum negotiatore de trajecticio cum emptore de venditione cum viro livido de gratiis agendis
12. Noli consiliari cum invido et a zelante te consilium absconde; nec cum muliere de ea, quae ei aemulatur, cum timido de bello, cum negotiatore de traiecticio, cum emptore de venditione, cum viro livido de gratiis agendis,
13. cum impio de pietate cum inhonesto de honestate cum operario agri de omni opere
13. cum impio de pietate, cum inhonesto de honestate, cum operario otioso de omni opere,
14. cum operario annuali de consummatione anni cum servo pigro de multa operatione non adtendas his in omni consilio
14. cum mercennario annuali de consummatione anni, cum servo pigro de multa operatione: non attendas his in omni consilio.
15. cum viro sancto adsiduus esto quemcumque cognoveris observantem timorem Dei
15. Sed cum viro timorato assiduus esto, quemcumque cognoveris observantem mandata,
16. cujus anima est secundum animam tuam quicumque titubaverit in tenebris non condolebit tibi
16. cuius anima est secundum animam tuam, et qui, cum titubaveris in tenebris, condolebit tibi.
17. et cor boni consilii statue non est enim tibi aliud pluris illo
17. Et consilium cordis statue tecum; non est enim tibi aliud fidelius illo.
18. anima viri sancti enuntiat aliquando vera quam septem circumspectores sedentes ad speculandum
18. Anima viri enuntiat aliquando vera quam septem circumspectores sedentes in excelso ad speculandum.
19. et in his omnibus deprecare Altissimum ut dirigat in veritate viam tuam
19. Et in his omnibus deprecare Altissimum, ut dirigat in veritate viam tuam.
20. ante omnem operam verbum verax præcedat te et ante omnem actum consilium stabile
20. Ante omnia opera verbum verax praecedat te, et ante omnem actum consilium stabile.
21. verbum nequa inmutabit cor quattuor partes oriuntur bonum et malum vita et mors et dominatrix illorum est adsidua lingua
21. Radix consiliorum cor, ex quo partes quattuor oriuntur: bonum et malum, vita et mors; et dominatrix illorum est assidua lingua.
22. vir peritus multos erudivit et animæ suæ suavis est
22. Est vir peritus multorum eruditor et animae suae inutilis est.
23. qui sofistice loquitur odibilis est omni re defraudabitur
23. Est qui sophistice loquitur et odibilis est; in omni cibo voluptatis defraudabitur.
24. non est enim data illi a Domino gratia omni enim sapientia defraudatus est
24. Non est illi data a Domino gratia: omni enim sapientia defraudatus est.
25. est sapiens animæ suæ sapiens et fructus sensus illius laudabilis
25. Est sapiens animae suae sapiens, et fructus sensus illius super corpus suum.
26. vir sapiens plebem suam erudit et fructus sensus ejus fideles sunt
26. Vir sapiens plebem suam erudit, et fructus sensus illius fideles sunt.
27. vir sapiens implebitur benedictione et videntes illum laudabunt
27. Vir sapiens implebitur benedictionibus, et omnes videntes illum beatum dicent.
28. vita viri in numero dierum dies autem Israël innumerabiles sunt
28. Vita viri in numero dierum; dies autem Israel innumerabiles sunt.
29. sapiens in populo hereditabit honorem et nomen illius erit vivens in æternum
29. Sapiens in populo hereditabit honorem, et nomen illius erit vivens in aeternum.
30. fili in vita tua tempta animam tuam et si fuerit nequam non des illi potestatem
30. Fili, in vita tua tenta animam tuam et vide si quid obnoxium ei est: non des illi.
31. non enim omnia omnibus expediunt et non omni animæ omne genus placet
31. Non enim omnia omnibus expediunt, et non omni animae omne genus placet.
32. noli avidus esse in omni epulatione et non te effundas super omnem escam
32. Noli avidus esse in omni epulatione et non te effundas super omnem escam.
33. in multis enim escis erit infirmitas et aplestia adpropinquabit usque ad cholera
33. In multis enim escis erit infirmitas, et aviditas appropinquabit usque ad choleram.
34. propter aplestiam multi obierunt qui autem abstinens est adiciet vitam
34. Propter crapulam multi obierunt; qui autem abstinens est, adiciet vitam.
