Liber Ecclesiasticus, 19
1. operarius ebriacus non locupletabitur et qui spernit modica paulatim decidet
1. Operarius ebriosus non locupletabitur; et, qui spernit modica, paulatim decidet.
2. vinum et mulieres apostatare faciunt sapientes et arguent sensatos
2. Vinum et mulieres apostatare faciunt sensatos; et, qui se iungit fornicariis, peribit: putredo et vermes hereditabunt illum.
3. et qui se jungit fornicariis erit nequa putredo et vermes hereditabunt illum et extolletur in exemplum majus et tolletur de numero anima ejus
3. Anima audax perdet dominum suum; et tolletur de numero anima eius, et extolletur in exemplum maius.
4. qui credit cito levis corde minorabitur et qui delinquit in animam suam insuper habebitur
4. Qui credit cito, levis corde est et minorabitur; et, qui delinquit in animam suam, quis innoxium faciet?
5. qui gaudet iniquitati denotabitur et qui odit correptionem comminuetur vita et qui odit loquacitatem extinguit malitiam
5. Qui gaudet iniquitate, denotabitur, et, qui odit correptionem, minuetur vita, et, qui odit loquacitatem, exstinguit malitiam. (6)
6. qui peccat in animam suam pænitebitur et qui jucundatur malitia denotabitur
6.
7. ne iteres verbum nequam et durum et non minoraberis
7. Ne umquam iteres verbum nequam et durum et prorsus non minoraberis.
8. amico et inimico noli enarrare sensum tuum et si est tibi delictum noli denudare
8. De amico et inimico noli narrare et, si notum est tibi delictum, noli denudare:
9. audiet enim te et custodiet te et quasi defendens peccatum odiet te et sic aderit tibi semper
9. audiet enim te et cavebit te et quasi defendens peccatum odiet te.
10. audisti verbum adversus proximum conmoriatur in te fidens quoniam non te disrumpet
10. Audisti verbum adversus proximum tuum? Commoriatur in te fidens quoniam non te dirumpet.
11. a facie verbi parturit fatuus tamquam gemitus partus infantis
11. A facie verbi parturiet fatuus tamquam parturiens a facie infantis;
12. sagitta infixa femori carnis sic verbum in corde stulti
12. sagitta infixa femori carnis, sic verbum in corde stulti.
13. corripe amicum ne forte non intellexerit et dicat non feci aut si fecerit ne iterum addat facere
13. Corripe amicum, ne forte fecerit malum et ipse dicat: “Non feci”; aut, si fecerit, ne iterum addat facere.
14. corripe proximum ne forte non dixerit et si dixerit ne forte iteret
14. Corripe proximum, ne forte dixerit et, si dixerit, ne forte iteret.
15. corripe amicum sæpe enim fit commissio
15. Corripe amicum, saepe enim fit criminatio,
16. et non omni verbo credas est qui labitur lingua sed non ex animo
16. et non omni verbo credas. Est qui labitur lingua sed non ex animo;
17. quis est enim qui non deliquerit lingua sua corripe proximum antequam commineris
17. quis est enim qui non deliquerit in lingua sua? Corripe proximum, antequam commineris,
18. et da locum timori Altissimi quia omnis sapientia timor Dei et in illa timere Deum et in omni sapientia dispositio legis
18. et da locum legi Altissimi. Quia omnis sapientia timor Dei et in illa timere Deum, et in omni sapientia dispositio legis.
19. et non est sapientia nequitiæ disciplina et non est cogitatus peccatorum prudentia
19. Et non est sapientia nequitiae scientia, et non est consilium peccatorum prudentia.
20. est nequitia et ipsa execratio et est insipiens qui minuitur sapientia
20. Est astutia et ipsa exsecratio, et est insipiens, qui minuitur sapientia.
21. melior est homo qui deficit sapientia et deficiens sensu in timore quam qui abundat sensu et transgreditur legem Altissimi
21. Melior est homo, qui minuitur sapientia et deficiens sensu in timore, quam qui abundat sensu et transgreditur legem Altissimi.
22. est sollertia certa et ipsa iniqua
22. Est solertia certa et ipsa iniqua.
23. et est qui emittit verbum certum enarrans veritatem est qui nequiter humiliat se et interiora ejus plena sunt dolo
23. Et est qui pervertit gratiam, ut proferat iudicium; est qui videtur oppressus et fractus animo, et interiora eius plena sunt dolo.
24. et est justus qui se nimium submittit a multa humilitate et est justus qui inclinat faciem et fingit non videre quod ignoratum est
24. Et est qui se nimium submittit a multa humilitate; et est qui inclinat faciem suam et fingit se non audire: ubi ignoratus est, praeveniet te.
25. et si ab inbecillitate virium vetetur peccare si invenerit tempus malefaciendi malefaciet
25. Et, si ab imbecillitate virium vetetur peccare, si invenerit tempus malefaciendi, malefaciet.
26. ex visu cognoscitur vir et ab occursu faciei cognoscitur sensatus
26. Ex visu cognoscitur vir, et ab occursu faciei cognoscitur sensatus:
27. amictus corporis et risus dentium et ingressus hominis enuntiant de illo
27. amictus corporis et risus dentium et gressus hominis enuntiant de illo.
28. est correptio mendax in ira contumeliosi et est indicium quod non probatur esse bonum et est tacens et ipse est prudens
28. Est correptio inopportuna, et est indicium, quod non probatur esse bonum; et est tacens, et ipse est prudens.
