Liber Ecclesiasticus, 32
1. rectorem te posuerunt noli extolli esto in illis quasi unus ex ipsis
1. Rectorem te posuerunt? Noli extolli: esto in illis quasi unus ex ipsis.
2. curam illorum habe et sic conside et omni cura tua explicita recumbe
2. Curam illorum habe et sic conside et omni cura tua explicita recumbe,
3. ut læteris propter illos et ornamentum gratiæ accipias coronam et dignationem consequaris conrogationis
3. ut laeteris propter illos et decentiae gratia accipias coronam et dignationem consequaris corrogationis.
4. loquere major natu decet enim te
4. Loquere, maior natu: decet enim te
5. primum verbum diligenti scientiam et non inpedias musica
5. primum verbum in diligenti scientia; et non impedias musicam.
6. ubi auditus est non effundas sermonem et inportune noli extolli in sapientia tua
6. Ubi convivium, non effundas sermonem et importune noli extolli in sapientia tua.
7. gemmula carbunculi in ornamento auri et conparatio musicorum in convivio vini
7. Gemmula carbunculi in ornamento auri, et concentus musicorum in convivio vini;
8. sicut in fabricatione auri signum est zmaragdi sic numerus musicorum in jucundo et moderato vino
8. sicut in fabricatione aurea signum est smaragdi, sic numerus musicorum in iucundo et moderato vino.
9. audi tacens et pro reverentia accedet tibi bona gratia
9. Audi tacens, et pro reverentia accedet tibi bona gratia.
10. adulescens loquere in tua causa vix
10. Adulescens, loquere in tua causa vix;
11. si bis interrogatus fueris habeat caput responsum tuum
11. bis, si interrogatus fueris.
12. in multis esto quasi inscius et audi tacens simul et quærens
12. Recapitula sermonem, in paucis multa; esto quasi scius et simul tacens.
13. in medio magnatorum non præsumas et ubi sunt senes non multum loquaris
13. In medio magnatorum non praesumas et, ubi sunt senes, non multum loquaris.
14. ante grandinem præibit coruscatio et pro reverentia accedet tibi bona gratia
14. Ante tonitruum praeibit coruscatio, et ante verecundum praeibit gratia.
15. et hora surgendi non te trices præcurre autem prior in domum tuam et illic avocare et illic lude
15. Et hora surgendi non te trices; praecurre autem prior in domum tuam et illic avocare et illic lude
16. et age conceptiones tuas et non in delictis et verbo superbo
16. et age conceptiones tuas et noli peccare in verbo superbo.
17. et super his omnibus benedicito Dominum qui fecit te et inebriantem te ab omnibus bonis suis
17. Et super his omnibus benedicito Dominum, qui fecit te et inebriantem te ab omnibus bonis suis.
18. qui timet Deum excipiet doctrinam ejus et qui vigilaverint ad illum invenient benedictionem
18. Qui timet Dominum, excipiet doctrinam; et, qui vigilaverint ad illum, invenient benedictionem.
19. qui quærit legem replebitur ab ea et qui insidiose agit scandalizabitur in ea
19. Qui quaerit legem, replebitur ab ea; et, qui insidiose agit, scandalizabitur in ea.
20. qui timent Dominum invenient judicium justum et justitias quasi lucem accendent
20. Qui timent Dominum, invenient iudicium iustum et iustitias quasi lumen accendent.
21. peccator homo devitabit correptionem et secundum voluntatem suam inveniet conparationem
21. Peccator homo vitabit correptionem et secundum voluntatem suam inveniet comparationem.
22. vir consilii non disperiet intellegentia alienus et superbus non pertimescit timorem
22. Vir consilii non despiciet intellegentiam; alienus et superbus non pertimescet timorem. (23)
23. etiam postquam fecit cum eo sine consilio et suis insectationibus arguetur
23.
24. fili sine consilio nihil facias et post factum non pæniteberis
24. Fili, sine consilio nihil facias et post factum non paenitebis.
25. in via ruinæ non eas et non offendes in lapides ne credas te viæ laboriosæ ne ponas animæ tuæ scandalum
25. In via ruinae non eas et non offendes bis in lapides; ne credas te viae inexploratae, ne ponas animae tuae scandalum.
26. et a filiis tuis cave et a domesticis tuis adtende
26. Et a filiis tuis cave et a domesticis tuis attende.
27. in omni opere crede ex fide animæ tuæ hæc est enim conservatio mandatorum
27. In omni opere tuo confide animae tuae: haec est enim conservatio mandatorum.
28. qui credit Deo adtendit mandatis et qui confident in illo non minorabuntur
28. Qui credit legi, attendit mandatis; et, qui confidit in Domino, non minorabitur.
