Liber Ecclesiasticus, 38

1. honora medicum propter necessitatem etenim illum creavit Altissimus

1. Honora medicum propter necessitatem; etenim illum creavit Altissimus.

2. a Deo est omnis medella et a rege accipiet dationem

2. A Deo est enim illi sapientia, et a rege accipiet donationem.

3. disciplina medici exaltabit caput illius et in conspectu magnatorum conlaudabitur

3. Disciplina medici exaltabit caput illius, et in conspectu magnatorum collaudabitur.

4. Altissimus creavit de terra medicinam et vir prudens non abhorrebit illi

4. Altissimus creavit de terra medicamenta, et vir prudens non abhorrebit illa.

5. nonne a ligno indulcata est amara aqua

5. Nonne a ligno indulcata est aqua amara,

6. ad agnitionem hominum virtutis illorum et dedit homini scientiam Altissimus honorari in mirabilibus suis

6. ut agnoscerent homines virtutem illius? Et dedit hominibus scientiam Altissimus, ut honoraretur in mirabilibus suis.

7. in his curans mitigavit dolorem et unguentarius facit pigmentum suavitatis et unctiones conficiet suavitatis et non consummabuntur opera ejus

7. In his curans mitigabit dolorem, et unguentarius faciet pigmenta suavitatis, ut non consumantur opera eius:

8. pax enim Dei super faciem terræ

8. et salus super faciem terrae.

9. fili in tua infirmitate non despicias sed ora ad Dominum et ipse curabit te

9. Fili, in tua infirmitate ne despicias teipsum, sed ora Dominum, et ipse curabit te.

10. averte a delicto et dirige manus et ab omni delicto munda cor tuum

10. Averte a delicto et dirige manus et ab omni peccato munda cor tuum;

11. da suavitatem et memoriam similaginis et inpingua oblationem et da locum medico

11. da suavitatem et memoriam similaginis et impingua oblationem pro opibus tuis. Et da locum medico,

12. etenim illum Dominus creavit et non discedat a te quoniam opera ejus sunt necessaria

12. etenim illum Dominus creavit; et non discedat a te, quia opera eius sunt necessaria.

13. est enim tempus quando in manus eorum incurras

13. Est enim tempus, quando per manus illorum est solacium.

14. ipsi vero Dominum deprecabuntur ut dirigat requiem eorum et sanitatem propter conversationem illorum

14. Ipsi vero Dominum deprecabuntur, ut dirigat ad rectam cognitionem et prosperet curationem.

15. qui delinquit in conspectu ejus qui fecit eum incidat in manus medici

15. Qui delinquit in conspectu eius, qui fecit eum, incidet in manus medici.

16. fili in mortuum produc lacrimas et quasi dira passus incipe plorare et secundum judicium contine corpus illius et non despicias sepulturam illius

16. Fili, in mortuum produc lacrimas et, quasi dira passus, incipe lamentationem et secundum iudicium contege corpus illius et non despicias sepulturam illius.

17. propter delaturam amare fer luctum illius uno die et consolare propter tristitiam

17. Amare fer fletum et perfice lamentum

18. []

18. et fac luctum secundum meritum eius, uno die vel duobus propter detractionem, et consolare propter tristitiam.

19. a tristitia enim festinat mors et cooperiet virtutem et tristitia cordis flectet cervicem

19. A tristitia enim festinat mors, et tristitia cordis flectit virtutem.

20. in abductione permanet tristitia et substantia inopis secundum cor ejus

20. In abductione permanet tristitia, et vita inopis maledictio cordis.

21. non dederis in tristitia cor tuum sed repelle eam a te et memento novissimorum

21. Ne dederis in tristitia cor tuum, sed repelle eam a te et memento novissimorum.

22. noli oblivisci neque enim est conversio et huic nihil proderis et te ipsum pessimabis

22. Ne ultra memineris: neque enim est conversio; et huic nihil proderis et teipsum pessimabis.

23. memor esto judicii mei sic enim erit et tuum mihi heri et tibi hodie

23. Memor esto iudicii eius, sic enim erit et tuum: mihi heri, et tibi hodie.

24. in requie mortui requiescere fac memoriam ejus et consolare illum in exitu spiritus sui

24. In requie mortui requiescere fac memoriam eius et consolare in illo in exitu spiritus sui.

25. sapientiam scribe in tempore vacuitatis et qui minoratur actu sapientiam percipiet qua sapientia replebitur

25. Sapientia scribae in opportunitate vacationis; et, qui minoratur operatione, ipse sapientia replebitur. Qua sapientia replebitur,

26. qui tenet aratrum et non gloriatur in jaculo stimulo boves agit et conversatur in operibus eorum et narratio ejus in filiis taurorum

26. qui tenet aratrum et qui gloriatur in iaculo stimuli? Boves agitat et conversatur in operibus eorum, et enarratio eius in filiis taurorum.

27. cor suum dabit ad versandos sulcos et vigilia ejus in sagina vaccarum

27. Cor suum dabit ad versandos sulcos, et vigilia eius in sagina vaccarum.

28. sic omnis faber et architectus qui noctem tamquam diem transigit qui sculpit signacula sculptilia et adsiduitas ejus variat picturam cor suum dabit in similitudinem picturæ et vigilia sua perficit opus

28. Sic omnis faber et architectus, qui noctem tamquam diem transigit, qui sculpit signacula sculptilia, et assiduitas eius variare picturam; cor suum dabit in similitudinem picturae, et vigilia sua perficere opus.

29. sic faber ferrarius sedens juxta incudem et considerans opus ferri vapor ignis uret carnes ejus et in calore fornacis concertatur

29. Sic faber ferrarius sedens iuxta incudem et considerans opus ferri; vapor ignis uret carnes eius, et in calore fornacis concertatur.

30. vox mallei innovabit aurem ejus et contra similitudinem vasi oculi ejus

30. Vox mallei exsurdat aurem eius, et contra similitudinem vasis oculus eius.

31. cor suum dabit in consummationem operum et vigilia sua ornabit in consummatione

31. Cor suum dabit in consummationem operum et vigilia sua ornare in perfectionem.

32. sic figulus sedens ad opus suum convertens pedibus suis rotam qui in sollicitudine positus est semper propter opus suum et innumera est omnis operatio ejus

32. Sic figulus sedens ad opus suum, convertens pedibus suis rotam, qui in sollicitudine positus est semper propter opus suum, et in numero est omnis operatio eius;

33. in brachio suo formabit lutum et ante pedes suos curvabit virtutem suam

33. in brachio suo formabit lutum et ante canos suos curvabit virtutem suam:

34. cor suum dabit ut consummet linitionem et vigilia sua mundabit fornacem

34. cor suum dabit, ut consummet linitionem, et vigilia sua mundare fornacem.

35. omnes hi in manibus suis speraverunt et unusquisque in arte sua sapiens est

35. Omnes hi in manibus suis speraverunt, et unusquisque in arte sua sapiens est.

36. sine his omnibus non ædificatur civitas

36. Sine his omnibus non aedificabitur civitas,

37. et non inhabitabunt nec inambulabunt et in ecclesiam non transilient

37. et non inhabitabunt nec inambulabunt. Verumtamen in consilium populi non requirentur et in ecclesiam non transilient;

38. super sellam judicis non sedebunt et testamentum judicii non intellegent neque palam facient disciplinam et judicium et in parabolis non invenientur

38. super sellam iudicis non sedebunt et decretum iudicii non intellegent neque palam facient disciplinam et iudicium et in parabolis non invenientur;

39. sed creaturam ævi confirmabunt et deprecatio illorum in operatione artis adcommodantes animam suam et conquirentes in lege Altissimi

39. sed creaturam laboris confirmabunt, et sollicitudo illorum in operatione artis.