Liber Genesis, 10
1. hæ generationes filiorum Nœ Sem Ham Jafeth natique sunt eis filii post diluvium
1. Hae sunt generationes filio rum Noe, Sem, Cham et Ia pheth; natique sunt eis filii post diluvium.
2. filii Jafeth Gomer Magog et Madai Javan et Thubal et Mosoch et Thiras
2. Filii Iapheth: Gomer et Magog et Madai et Iavan et Thubal et Mosoch et Thiras.
3. porro filii Gomer Aschenez et Rifath et Thogorma
3. Porro filii Gomer: Aschenez et Riphath et Thogorma.
4. filii autem Javan Elisa et Tharsis Cetthim et Dodanim
4. Filii autem Iavan: Elisa et Tharsis, Cetthim et Rodanim.
5. ab his divisæ sunt insulæ gentium in regionibus suis unusquisque secundum linguam et familias in nationibus suis
5. Ab his divisae sunt insulae gentium in regionibus suis, unusquisque secundum linguam suam et familias suas in nationibus suis.
6. filii autem Ham Chus et Mesraim et Fut et Chanaan
6. Filii autem Cham: Chus et Mesraim et Phut et Chanaan.
7. filii Chus Saba et Hevila et Sabatha et Regma et Sabathaca filii Regma Saba et Dadan
7. Filii Chus: Saba et Hevila et Sabatha et Regma et Sabathacha. Filii Regma: Saba et Dedan.
8. porro Chus genuit Nemrod ipse cœpit esse potens in terra
8. Porro Chus genuit Nemrod: ipse coepit esse potens in terra
9. et erat robustus venator coram Domino ab hoc exivit proverbium quasi Nemrod robustus venator coram Domino
9. et erat robustus venator coram Domino. Ob hoc exivit proverbium: “Quasi Nemrod robustus venator coram Domino”.
10. fuit autem principium regni ejus Babylon et Arach et Archad et Chalanne in terra Sennaar
10. Fuit autem principium regni eius Babylon et Arach et Achad et Chalanne in terra Sennaar.
11. de terra illa egressus est Assur et ædificavit Nineven et plateas civitatis et Chale
11. De terra illa egressus est in Assyriam et aedificavit Nineven et Rohobothir et Chale,
12. Resen quoque inter Nineven et Chale hæc est civitas magna
12. Resen quoque inter Nineven et Chale; haec est civitas magna.
13. at vero Mesraim genuit Ludim et Anamim et Laabim Nepthuim
13. At vero Mesraim genuit Ludim et Anamim et Laabim, Nephthuim
14. et Phetrusim et Cesluim de quibus egressi sunt Philisthim et Capthurim
14. et Phetrusim et Chasluim et Caphtorim, de quibus egressi sunt Philisthim.
15. Chanaan autem genuit Sidonem primogenitum suum Ettheum
15. Chanaan autem genuit Sidonem primogenitum suum, Hetthaeum
16. et Jebuseum et Amorreum Gergeseum
16. et Iebusaeum et Amorraeum, Gergesaeum,
17. Eveum et Araceum Sineum
17. Hevaeum et Aracaeum, Sinaeum
18. et Aradium Samariten et Amatheum et post hæc disseminati sunt populi Chananeorum
18. et Aradium, Samaraeum et Emathaeum; et post haec disseminati sunt populi Chananaeorum.
19. factique sunt termini Chanaan venientibus a Sidone Geraram usque Gazam donec ingrediaris Sodomam et Gomorram et Adama et Seboim usque Lesa
19. Factique sunt termini Chanaan venientibus a Sidone Geraram usque Gazam, donec ingrediaris Sodomam et Gomorram et Adamam et Seboim usque Lesa.
20. hii filii Ham in cognationibus et linguis et generationibus terrisque et gentibus suis
20. Hi sunt filii Cham in cognationibus et linguis terrisque et gentibus suis.
21. de Sem quoque nati sunt patre omnium filiorum Eber fratre Jafeth majore
21. De Sem quoque nati sunt, patre omnium filiorum Heber, fratre Iapheth maiore.
22. filii Sem Ælam et Assur et Arfaxad et Lud et Aram
22. Filii Sem: Elam et Assur et Arphaxad et Lud et Aram.
23. filii Aram Us et Hul et Gether et Mes
23. Filii Aram: Us et Hul et Gether et Mes.
24. at vero Arfaxad genuit Sala de quo ortus est Eber
24. At vero Arphaxad genuit Sala, de quo ortus est Heber.
25. natique sunt Eber filii duo nomen uni Faleg eo quod in diebus ejus divisa sit terra et nomen fratris ejus Jectan
25. Natique sunt Heber filii duo: nomen uni Phaleg, eo quod in diebus eius divisa sit terra, et nomen fratris eius Iectan.
26. qui Jectan genuit Helmodad et Saleph et Asarmoth Jare
26. Qui Iectan genuit Elmodad et Saleph et Asarmoth, Iare
27. et Aduram et Uzal Decla
27. et Adoram et Uzal et Decla
28. et Ebal et Abimaël Saba
28. et Ebal et Abimael, Saba
29. et Ophir et Evila et Jobab omnes isti filii Jectan
29. et Ophir et Hevila et Iobab. Omnes isti filii Iectan;
30. et facta est habitatio eorum de Messa pergentibus usque Sephar montem orientalem
30. et facta est habitatio eorum de Messa pergentibus usque Sephar montem orientalem.
31. isti filii Sem secundum cognationes et linguas et regiones in gentibus suis
31. Isti filii Sem secundum cognationes et linguas et regiones in gentibus suis.
32. hæ familiæ Nœ juxta populos et nationes suas ab his divisæ sunt gentes in terra post diluvium
32. Hae familiae filiorum Noe iuxta generationes et nationes suas. Ab his divisae sunt gentes in terra post diluvium.
