Liber Iosue, 21

1. accesseruntque principes familiarum Levi ad Eleazar sacerdotem et Josue filium Nun et ad duces cognationum per singulas tribus filiorum Israël

1. Accesseruntque principes familiarum Levi ad Eleazarum sacerdotem et Iosue filium Nun et ad duces cognationum per singulas tribus filiorum Israel

2. locutique sunt ad eos in Silo terræ Chanaan atque dixerunt Dominus præcepit per manum Mosi ut darentur nobis urbes ad habitandum et suburbana earum ad alenda jumenta

2. locutique sunt ad eos in Silo terrae Chanaan atque dixerunt: “Dominus praecepit per manum Moysi, ut darentur nobis urbes ad habitandum et suburbana earum ad alenda iumenta”.

3. dederuntque filii Israël de possessionibus suis juxta imperium Domini civitates et suburbana earum

3. Dederuntque filii Israel Levitis de possessionibus suis, iuxta imperium Domini, civitates illas et suburbana earum.

4. egressaque est sors in familiam Caath filiorum Aaron sacerdotis de tribubus Juda et Symeon et Beniamin civitates tredecim

4. Egressaque est sors in familias Caath: et acceperunt filii Aaron sacerdotis de tribubus Iudae et Simeon et Beniamin civitates tredecim.

5. et reliquis filiorum Caath id est Levitis qui superflui erant de tribubus Ephraim et Dan et dimidia tribu Manasse civitates decem

5. Et reliqui filiorum Caath, id est Levitae, acceperunt de tribubus Ephraim et Dan et dimidia tribu Manasse civitates decem.

6. porro filiis Gerson egressa est sors ut acciperent de tribubus Isachar et Aser et Nepthalim dimidiaque tribu Manasse in Basan civitates numero tredecim

6. Porro filiis Gerson egressa est sors, ut acciperent de tribubus Issachar et Aser et Nephthali dimidiaque tribu Manasse in Basan civitates numero tredecim.

7. et filiis Merari per cognationes suas de tribubus Ruben et Gad et Zabulon urbes duodecim

7. Et filiis Merari per cognationes suas de tribubus Ruben et Gad et Zabulon urbes duodecim.

8. dederuntque filii Israël Levitis civitates et suburbana earum sicut præcepit Dominus per manum Mosi singulis sorte tribuentes

8. Dederuntque filii Israel Levitis civitates illas et suburbana earum, sicut praecepit Dominus per manum Moysi, singulis sorte tribuentes.

9. de tribubus filiorum Juda et Symeon dedit Josue civitates quarum ista sunt nomina

9. De tribubus filiorum Iudae et Simeon dederunt civitates, quarum ista sunt nomina,

10. filiis Aaron per familias Caath levitici generis prima enim sors illis egressa est

10. filiis Aaron ex familiis Caath levitici generis — prima enim sors illis egressa est C:

11. Cariatharbe patris Enach quæ vocatur Hebron in monte Juda et suburbana ejus per circuitum

11. Cariatharbe (id est civitas Arbe), patris Enac, quae vocatur Hebron, in monte Iudae et suburbana eius per circuitum.

12. agros vero et villas ejus dederat Chaleb filio Jepphonne ad possidendum

12. Agros vero et villas eius dederant Chaleb filio Iephonne ad possidendum.

13. dedit ergo filiis Aaron sacerdotis Hebron confugii civitatem ac suburbana ejus et Lebnam cum suburbanis suis

13. Dederunt ergo filiis Aaron sacerdotis Hebron confugii civitatem ac suburbana eius et Lobnam cum suburbanis suis

14. et Jether et Isthimon

14. et Iether et Esthemo

15. et Helon Dabir

15. et Helon et Dabir

16. et Ahin et Jethan et Bethsemes cum suburbanis suis civitates novem de tribubus ut dictum est duabus

16. et Ain et Iutta et Bethsames cum suburbanis suis: civitates novem de tribubus illis duabus.

17. de tribu autem filiorum Beniamin Gabaon et Gabee

17. De tribu autem Beniamin Gabaon et Gabaa

18. et Anathoth et Almon cum suburbanis suis civitates quattuor

18. et Anathoth et Almath cum suburbanis suis: civitates quattuor.

19. omnes simul civitates filiorum Aaron sacerdotis tredecim cum suburbanis suis

19. Omnes simul civitates filiorum Aaron sacerdotis tredecim cum suburbanis suis.

20. reliquis vero per familias filiorum Caath levitici generis hæc est data possessio

20. Reliquis vero ex familiis filiorum Caath Levitis haec est data possessio:

21. de tribu Ephraim urbs confugii Sychem cum suburbanis suis in monte Ephraim et Gazer

21. de tribu Ephraim urbs confugii Sichem cum suburbanis suis in monte Ephraim et Gazer

22. et Cebsain et Bethoron cum suburbanis suis civitates quattuor

22. et Cibsaim et Bethoron cum suburbanis suis: civitates quattuor.

23. de tribu quoque Dan Elthece et Gebbethon

23. De tribu quoque Dan Elthece et Gebbethon

24. et Ahialon et Gethremmon cum suburbanis suis civitates quattuor

24. et Aialon et Gethremmon cum suburbanis suis: civitates quattuor.

25. porro de dimidia tribu Manasse Thanach et Gethremmon cum suburbanis suis civitates duæ

25. Porro de dimidia tribu Manasse Thanach et Gethremmon cum suburbanis suis: civitates duae.

26. omnes civitates decem et suburbana earum datæ sunt filiis Caath inferioris gradus

26. Omnes civitates decem et suburbana earum datae sunt filiis Caath inferioris gradus.

27. filiis quoque Gerson levitici generis dedit de dimidia tribu Manasse confugii civitatem Gaulon in Basan et Bosram cum suburbanis suis civitates duas

27. Filiis quoque Gerson levitici generis dederunt de dimidia tribu Manasse confugii civitatem Golan in Basan et Astharoth cum suburbanis suis: civitates duas.

28. porro de tribu Isachar Cesion et Dabereth

28. Porro de tribu Issachar Cesion et Dabereth

29. et Jaramoth et Engannim cum suburbanis suis civitates quattuor

29. et Iaramoth et Engannim cum suburbanis suis: civitates quattuor.

30. de tribu autem Aser Masal et Abdon

30. De tribu autem Aser Masal et Abdon

31. et Elacoth et Roob cum suburbanis suis civitates quattuor

31. et Helcath et Rohob cum suburbanis suis: civitates quattuor.

32. de tribu quoque Nepthali civitatem confugii Cedes in Galilea et Ammothdor et Charthan cum suburbanis suis civitates tres

32. De tribu quoque Nephthali civitas confugii Cedes in Galilaea et Ammothdor et Carthan cum suburbanis suis: civitates tres.

33. omnes urbes familiarum Gerson tredecim cum suburbanis suis

33. Omnes urbes familiarum Gerson tredecim cum suburbanis suis.

34. filiis autem Merari Levitis inferioris gradus per familias suas data est de tribu Zabulon Jechenam et Chartha

34. Filiis autem Merari Levitis inferioris gradus per familias suas data est de tribu Zabulon Iecnaam et Cartha

35. et Damna et Nalol civitates quattuor cum suburbanis suis

35. et Remmon et Naalol: civitates quattuor cum suburbanis suis.

36. [de tribu quoque Ruben ciuitates confugii Bosor in solitudine et Cedson et Misor et Ocho ciuitates quattuor cum suburbanis suis]

36. De tribu Ruben ultra Iordanem contra Iericho civitas refugii Bosor in solitudine planitiei et Iasa

37. et de tribu Gad civitates confugii Ramoth in Galaad et Manaim et Esebon et Jazer civitates quattuor cum suburbanis suis

37. et Cademoth et Mephaath: civitates quattuor cum suburbanis suis.

38. omnes urbes filiorum Merari per familias et cognationes suas duodecim

38. Et de tribu Gad civitas confugii Ramoth in Galaad et Mahanaim

39. itaque universæ civitates Levitarum in medio possessionis filiorum Israël fuerunt quadraginta octo

39. et Hesebon et Iazer: civitates quattuor cum suburbanis suis.

40. cum suburbanis suis singulæ per familias distributæ

40. Omnes urbes filiorum Merari per familias reliquas de cognationibus Levitarum duodecim.

41. deditque Dominus Israheli omnem terram quam traditurum se patribus eorum juraverat et possederunt illam atque habitaverunt in ea

41. Itaque universae civitates Levitarum in medio possessionis filiorum Israel fuerunt quadraginta octo

42. dataque est ab eo pax in omnes per circuitum nationes nullusque eis hostium resistere ausus est sed cuncti in eorum dicionem redacti sunt

42. cum suburbanis suis, singulae cum suburbanis suis in circuitu.

43. ne unum quidem verbum quod illis præstaturum se esse promiserat irritum fuit sed rebus expleta sunt omnia

43. Deditque Dominus Israeli omnem terram, quam traditurum se patribus eorum iuraverat, et possederunt illam atque habitaverunt in ea.

44.

44. Deditque Dominus eis requiem secundum omnia, quae iuraverat patribus eorum, nullusque eis hostium resistere ausus est, sed cunctos in eorum dicionem redegit.

45.

45. Ne unum quidem verbum bonum, quod locutus est ad domum Israel, irritum fuit, sed rebus expleta sunt omnia.