1. onus Moab quia nocte vastata est Ar Moab conticuit quia nocte vastatus est murus Moab conticuit

2. ascendit domus et Dibon ad excelsa in planctum super Nabo et super Medaba Moab ululabit in cunctis capitibus ejus calvitium omnis barba radetur

3. in triviis ejus accincti sunt sacco super tecta ejus et in plateis ejus omnis ululat descendit in fletum

4. clamavit Esebon et Eleale usque Jasa audita est vox eorum super hoc expediti Moab ululabunt anima ejus ululabit sibi

5. cor meum ad Moab clamabit vectes ejus usque ad Segor vitulam conternantem per ascensum enim Luith flens ascendet et in via Oronaim clamorem contritionis levabunt

6. aquæ enim Nemrim desertæ erunt quia aruit herba defecit germen viror omnis interiit

7. secundum magnitudinem operis et visitatio eorum ad torrentem salicum ducent eos

8. quoniam circumiit clamor terminum Moab usque ad Gallim ululatus ejus et usque ad puteum Helim clamor ejus

9. quia aquæ Dibon repletæ sunt sanguine ponam enim super Dibon additamenta his qui fugerint de Moab leonem et reliquiis terræ



Livros sugeridos


“Pense na felicidade que está reservada para nós no Paraíso”. São Padre Pio de Pietrelcina

Newsletter

Receba as novidades, artigos e noticias deste portal.