Liber Nehemiae, 3
1. et surrexit Eliasib sacerdos magnus et fratres ejus sacerdotes et ædificaverunt portam Gregis ipsi sanctificaverunt eam et statuerunt valvas ejus et usque ad turrem centum cubitorum sanctificaverunt eam usque ad turrem Ananehel
1. Et surrexit Eliasib sacerdos magnus et fratres eius sacerdotes et aedificaverunt portam Gregis; contignaverunt eam et statuerunt valvas eius et usque ad turrim Meah et turrim Hananeel.
2. et juxta eum ædificaverunt viri Hiericho et juxta eum ædificavit Zecchur filius Amri
2. Et iuxta eos aedificaverunt viri Iericho, et iuxta eos aedificavit Zacchur filius Imri.
3. portam autem Piscium ædificaverunt filii Asanaa ipsi texerunt eam et statuerunt valvas ejus et seras et vectes et juxta eos ædificavit Marimuth filius Uriæ filii Accus
3. Portam autem Piscium aedificaverunt filii Asnaa; ipsi contignaverunt eam et statuerunt valvas eius et seras et vectes.
4. et juxta eos ædificavit Mosollam filius Barachiæ filii Mesezebel et juxta eos ædificavit Sadoc filius Baana
4. Et iuxta eos restauravit Meremoth filius Uriae filii Accos, et iuxta eum restauravit Mosollam filius Barachiae filii Mesezabel, et iuxta eum restauravit Sadoc filius Baana,
5. et juxta eos ædificaverunt Thecueni optimates autem eorum non subposuerunt colla sua in opere Domini sui
5. et iuxta eum restauraverunt Thecueni; optimates autem eorum non supposuerunt colla sua in opere Domini sui.
6. et portam Veterem ædificaverunt Jojada filius Fasea et Mosollam filius Besodia ipsi texerunt eam et statuerunt valvas ejus et seras et vectes
6. Et portam Veterem restauraverunt Ioiada filius Phasea et Mosollam filius Besodia; ipsi contignaverunt eam et statuerunt valvas eius et seras et vectes.
7. et juxta eos ædificavit Meletias Gabaonites et Jadon Meronathites viri de Gabaon et Maspha pro duce qui erat in regione trans Flumen
7. Et iuxta eos restauraverunt Meltias Gabaonites et Iadon Meronathites, viri de Gabaon et Maspha, qui erant ad solium ducis, qui erat in regione trans flumen;
8. et juxta eum ædificavit Ezihel filius Araja aurifex et juxta eum ædificavit Anania filius pigmentarii et dimiserunt Hierusalem usque ad murum plateæ latioris
8. et iuxta eos restauravit Oziel filius Araia de aurificibus, et iuxta eum restauravit Hananias de pigmentariis et firmaverunt Ierusalem usque ad murum latiorem.
9. et juxta eum ædificavit Rafaja filius Ahur princeps vici Hierusalem
9. Et iuxta eum restauravit Raphaia filius Hur, princeps dimidiae partis vici Ierusalem;
10. et juxta eos ædificavit Jejada filius Aromath contra domum suam et juxta eum ædificavit Attus filius Asebeniæ
10. et iuxta eum restauravit Iedaia filius Haromaph contra domum suam, et iuxta eum restauravit Hattus filius Hasabneia.
11. mediam partem vici ædificavit Melchias filius Erem et Asub filius Phæthmoab et turrem Furnorum
11. Alteram partem restauravit Melchias filius Harim et Hassub filius Phahathmoab usque ad turrim Furnorum.
12. juxta eum ædificavit Sellum filius Allœs princeps mediæ partis vici Hierusalem ipse et filiæ ejus
12. Et iuxta eos restauravit Sellum filius Alohes, princeps mediae partis vici Ierusalem, ipse et filiae eius.
13. et portam Vallis ædificavit Anun et habitatores Zanœ ipsi ædificaverunt eam et statuerunt valvas ejus et seras et vectes et mille cubitos in muro usque ad portam Sterquilinii
13. Portam Vallis restauravit Hanun et habitatores Zanoa; ipsi aedificaverunt eam et statuerunt valvas eius et seras et vectes et mille cubitos in muro usque ad portam Sterquilinii.
14. et portam Sterquilinii ædificavit Melchias filius Rechab princeps vici Bethaccharem ipse ædificavit eam et statuit valvas ejus et seras et vectes
14. Et portam Sterquilinii restauravit Melchias filius Rechab, princeps vici Bethcharem; ipse aedificavit eam et statuit valvas eius et seras et vectes.
15. et portam Fontis ædificavit Sellum filius Choloozai princeps pagi Maspha ipse ædificavit eam et texit et statuit valvas ejus et seras et vectes et muros piscinæ Siloæ in hortum regis et usque ad gradus qui descendunt de civitate David
15. Et portam Fontis restauravit Sellum filius Cholhoza princeps pagi Maspha; ipse aedificavit eam et texit et statuit valvas eius et seras et vectes et murum piscinae Siloae iuxta hortum regis et usque ad gradus, qui descendunt de civitate David.
16. post eum ædificavit Neemias filius Azboc princeps dimidiæ partis vici Bethsur usque contra sepulchra David et usque ad piscinam quæ grandi opere constructa est et usque ad domum Fortium
16. Post eum restauravit Nehemias filius Azboc princeps dimidiae partis vici Bethsur usque contra sepulcra David et usque ad piscinam, quae repleta est, et usque ad domum Fortium.
17. post eum ædificaverunt Levitæ Reum filius Benni post eum ædificavit Asebias princeps dimidiæ partis vici Ceilæ in vico suo
17. Post eum restauraverunt Levitae, Rehum filius Bani; iuxta eum restauravit Hasabias princeps dimidiae partis vici Ceilae pro vico suo;
18. post eum ædificaverunt fratres eorum Behui filius Enadad princeps dimidiæ partis Ceila
18. post eum aedificaverunt fratres eorum Bavai filius Henadad princeps dimidiae partis vici Ceilae.
19. et ædificavit juxta eum Azer filius Josue princeps Maspha mensuram secundam contra ascensum firmissimi anguli
19. Et restauravit iuxta eum Ezer filius Iesua princeps Maspha mensuram alteram contra ascensum armentarii in angulo.
20. post eum in monte ædificavit Baruch filius Zacchai mensuram secundam ab angulo usque ad portam domus Eliasib sacerdotis magni
20. Post eum restauravit Baruch filius Zachai mensuram alteram ab angulo usque ad portam domus Eliasib sacerdotis magni.
21. post eum ædificavit Meremuth filius Uriæ filii Accus mensuram secundam a porta domus Eliasib donec extenderetur domus Eliasib
21. Post eum restauravit Meremoth filius Uriae filii Aecos mensuram secundam a porta domus Eliasib usque ad extremitatem domus Eliasib.
22. et post eum ædificaverunt sacerdotes viri de campestribus Jordanis
22. Et post eum restauraverunt sacerdotes viri de campestribus.
23. post eum ædificavit Beniamin et Asub contra domum suam et post eum ædificavit Azarias filius Maasiæ filii Ananiæ contra domum suam
23. Post eos restauravit Beniamin et Hassub contra domum suam; post eos restauravit Azarias filius Maasiae filii Ananiae iuxta domum suam.
24. post eum ædificavit Bennui filius Enadda mensuram secundam a domo Azariæ usque ad flexuram et usque ad angulum
24. Post eum restauravit Bennui filius Henadad mensuram alteram a domo Azariae usque ad angulum et flexuram.
25. Falel filius Ozi contra flexuram et turrem quæ eminet de domo regis excelsa id est in atrio carceris post eum Phadaja filius Pheros
25. Phalel filius Ozi contra angulum turris, quae eminet de domo regis excelsa in atrio carceris; post eum Phadaia filius Pharos restauravit
26. Nathinnei autem habitabant in Ofel usque contra portam Aquarum ad orientem et turrem quæ prominebat
26. usque contra portam Aquarum ad orientem et turrim, quae prominebat.
27. post eum ædificaverunt Thecueni mensuram secundam e regione a turre magna et eminenti usque ad murum templi
27. Post eum restauraverunt Thecueni mensuram alteram a regione contra magnam turrim eminentem usque ad murum templi.
28. sursum autem a porta Equorum ædificaverunt sacerdotes unusquisque contra domum suam
28. Sursum autem a porta Equorum restauraverunt sacerdotes, unusquisque contra domum suam.
29. post eos ædificavit Seddo filius Emmer contra domum suam et post eum ædificavit Semeja filius Secheniæ custos portæ orientalis
29. Post eos restauravit Sadoc filius Emmer contra domum suam; et post eum restauravit Semeia filius Secheniae custos portae orientalis.
30. post eum ædificavit Anania filius Selemiæ et Anon filius Selo sextus mensuram secundam post eum ædificavit Mosollam filius Barachiæ contra gazofilacium suum post eum ædificavit Melchias filius aurificis usque ad domum Nathinneorum et scruta vendentium contra portam Judicialem et usque ad cenaculum Anguli
30. Post eum restauravit Hanania filius Selemiae et Hanun filius Seleph sextus mensuram alteram. Post eum restauravit Mosollam filius Barachiae contra cellam suam.
31. et inter cenaculum Anguli in porta Gregis ædificaverunt artifices et negotiatores
31. Post eum restauravit Melchias de aurificibus usque ad domum oblatorum et mercatorum, contra portam Iudicialem, et usque ad cenaculum anguli;
32.
32. et inter cenaculum anguli et portam Gregis restauraverunt aurifices et negotiatores.
33.
33. Factum est autem, cum audisset Sanaballat quod aedificaremus murum, iratus est et indignatus est nimis et subsannavit Iudaeos
34.
34. et dixit coram fratribus suis et optimatibus Samariae: “Quid Iudaei faciunt imbecilles? Num hoc conceditur eis? Num, quia sacrificant, complebunt in una die? Numquid vivificare poterunt lapides de acervis pulveris, qui combusti sunt?”.
35.
35. Sed et Thobias Ammanites, qui erat ad latus eius, ait: “Sine aedificare; si ascenderit vulpes, diruet murum eorum lapideum”.
36.
36. Audi, Deus noster, quia facti sumus irrisio! Converte contumeliam eorum super caput eorum et da eos in irrisionem in terra captivitatis!
37.
37. Ne operias iniquitatem eorum, et peccatum eorum coram facie tua non deleatur, quia offenderunt te coram aedificantibus.
38.
38. Itaque aedificavimus murum, et compositus est totus murus usque ad partem dimidiam, et populus dabat cor suum, ut operaretur.
