Evangelium secundum Matthaeum, 17
1. et post dies sex adsumpsit Jesus Petrum et Jacobum et Johannem fratrem ejus et ducit illos in montem excelsum seorsum
1. Et post dies sex assumit Iesus Petrum et Iacobum et Ioan nem fratrem eius et ducit illos in montem excelsum seorsum.
2. et transfiguratus est ante eos et resplenduit facies ejus sicut sol vestimenta autem ejus facta sunt alba sicut nix
2. Et transfiguratus est ante eos; et resplenduit facies eius sicut sol, vestimenta autem eius facta sunt alba sicut lux.
3. et ecce apparuit illis Moses et Helias cum eo loquentes
3. Et ecce apparuit illis Moyses et Elias cum eo loquentes.
4. respondens autem Petrus dixit ad Jesum Domine bonum est nos hic esse si vis faciamus hic tria tabernacula tibi unum et Mosi unum et Heliæ unum
4. Respondens autem Petrus dixit ad Iesum: “Domine, bonum est nos hic esse. Si vis, faciam hic tria tabernacula: tibi unum et Moysi unum et Eliae unum”.
5. adhuc eo loquente ecce nubes lucida obumbravit eos et ecce vox de nube dicens hic est Filius meus dilectus in quo mihi bene conplacuit ipsum audite
5. Adhuc eo loquente, ecce nubes lucida obumbravit eos; et ecce vox de nube dicens: “Hic est Filius meus dilectus, in quo mihi bene complacui; ipsum audite”.
6. et audientes discipuli ceciderunt in faciem suam et timuerunt valde
6. Et audientes discipuli ceciderunt in faciem suam et timuerunt valde.
7. et accessit Jesus et tetigit eos dixitque eis surgite et nolite timere
7. Et accessit Iesus et tetigit eos dixitque eis: “Surgite et nolite timere”.
8. levantes autem oculos suos neminem viderunt nisi solum Jesum
8. Levantes autem oculos suos, neminem viderunt nisi solum Iesum.
9. et descendentibus illis de monte præcepit Jesus dicens nemini dixeritis visionem donec Filius hominis a mortuis resurgat
9. Et descendentibus illis de monte, praecepit eis Iesus dicens: “Nemini dixeritis visionem, donec Filius hominis a mortuis resurgat”.
10. et interrogaverunt eum discipuli dicentes quid ergo scribæ dicunt quod Heliam oporteat primum venire
10. Et interrogaverunt eum discipuli dicentes: “Quid ergo scribae dicunt quod Eliam oporteat primum venire?”.
11. at ille respondens ait eis Helias quidem venturus est et restituet omnia
11. At ille respondens ait: “Elias quidem venturus est et restituet omnia.
12. dico autem vobis quia Helias jam venit et non cognoverunt eum sed fecerunt in eo quæcumque voluerunt sic et Filius hominis passurus est ab eis
12. Dico autem vobis quia Elias iam venit, et non cognoverunt eum, sed fecerunt in eo, quaecumque voluerunt; sic et Filius hominis passurus est ab eis”.
13. tunc intellexerunt discipuli quia de Johanne Baptista dixisset eis
13. Tunc intellexerunt discipuli quia de Ioanne Baptista dixisset eis.
14. et cum venisset ad turbam accessit ad eum homo genibus provolutus ante eum dicens Domine miserere filii mei quia lunaticus est et male patitur nam sæpe cadit in ignem et crebro in aquam
14. Et cum venissent ad turbam, accessit ad eum homo genibus provolutus ante eum
15. et obtuli eum discipulis tuis et non potuerunt curare eum
15. et dicens: “Domine, miserere filii mei, quia lunaticus est et male patitur; nam saepe cadit in ignem et crebro in aquam.
16. respondens Jesus ait o generatio incredula et perversa quousque ero vobiscum usquequo patiar vos adferte huc illum ad me
16. Et obtuli eum discipulis tuis, et non potuerunt curare eum”.
17. et increpavit ei Jesus et exiit ab eo dæmonium et curatus est puer ex illa hora
17. Respondens autem Iesus ait: “O generatio incredula et perversa, quousque ero vobiscum? Usquequo patiar vos? Afferte huc illum ad me”.
18. tunc accesserunt discipuli ad Jesum secreto et dixerunt quare nos non potuimus eicere illum
18. Et increpavit eum Iesus, et exiit ab eo daemonium, et curatus est puer ex illa hora.
19. dicit illis propter incredulitatem vestram amen quippe dico vobis si habueritis fidem sicut granum sinapis dicetis monti huic transi hinc et transibit et nihil inpossibile erit vobis
19. Tunc accesserunt discipuli ad Iesum secreto et dixerunt: “Quare nos non potuimus eicere illum?”.
20. hoc autem genus non eicitur nisi per orationem et jejunium
20. Ille autem dicit illis: “Propter modicam fidem vestram. Amen quippe dico vobis: Si habueritis fidem sicut granum sinapis, dicetis monti huic: “Transi hinc illuc!”, et transibit, et nihil impossibile erit vobis”.
21. conversantibus autem eis in Galilæa dixit illis Jesus Filius hominis tradendus est in manus hominum
21. Conversantibus autem eis in Galilaea, dixit illis Iesus: “Filius hominis tradendus est in manus hominum,
22. et occident eum et tertio die resurget et contristati sunt vehementer
22. []
23. et cum venissent Capharnaum accesserunt qui didragma accipiebant ad Petrum et dixerunt magister vester non solvit didragma
23. et occident eum, et tertio die resurget”. Et contristati sunt vehementer.
24. ait etiam et cum intrasset domum prævenit eum Jesus dicens quid tibi videtur Simon reges terræ a quibus accipiunt tributum vel censum a filiis suis an ab alienis
24. Et cum venissent Capharnaum, accesserunt, qui didrachma accipiebant, ad Petrum et dixerunt: “Magister vester non solvit didrachma?”.
25. et ille dixit ab alienis dixit illi Jesus ergo liberi sunt filii
25. Ait: “Etiam”. Et cum intrasset domum, praevenit eum Iesus dicens: “Quid tibi videtur, Simon? Reges terrae a quibus accipiunt tributum vel censum? A filiis suis an ab alienis?”.
26. ut autem non scandalizemus eos vade ad mare et mitte hamum et eum piscem qui primus ascenderit tolle et aperto ore ejus invenies staterem illum sumens da eis pro me et te
26. Cum autem ille dixisset: “Ab alienis”, dixit illi Iesus: “Ergo liberi sunt filii.
27.
27. Ut autem non scandalizemus eos, vade ad mare et mitte hamum; et eum piscem, qui primus ascenderit, tolle; et, aperto ore, eius invenies staterem. Illum sumens, da eis pro me et te”.
