1. ALLELUIA. Lauda, anima mea, Dominum;

2. laudabo Dominum in vita mea, psallam Deo meo, quamdiu fuero.

3. Nolite confidere in principibus, in filiis hominum, in quibus non est salus.

4. Exibit spiritus eius, et revertetur in terram suam; in illa die peribunt cogitationes eorum.

5. Beatus, cuius Deus Iacob est adiutor, cuius spes in Domino Deo suo,

6. qui fecit caelum et terram, mare et omnia, quae in eis sunt; qui custodit veritatem in saeculum,

7. facit iudicium oppressis, dat escam esurientibus. Dominus solvit compeditos,

8. Dominus illuminat caecos, Dominus erigit depressos, Dominus diligit iustos,

9. Dominus custodit advenas, pupillum et viduam sustentat et viam peccatorum disperdit.

10. Regnabit Dominus in saecula, Deus tuus, Sion, in generationem et generationem.



Livros sugeridos


“Feliz a alma que atinge o nível de perfeição que Deus deseja!” São Padre Pio de Pietrelcina

Newsletter

Receba as novidades, artigos e noticias deste portal.