Liber II Maccabaeorum, 2

1. invenitur autem in descriptionibus Hieremiæ prophetæ quod jussit accipere ignem eos qui transmigrabantur ut significatum est et ut mandavit transmigratis

1. Invenitur autem in descriptio nibus quod Ieremias propheta iussit eos ignem accipere, qui transmigrabant, ut significatum est,

2. et dedit illis legem ne obliviscerentur præcepta Domini et ut non exerrarent mentibus videntes simulacra aurea et argentea et ornamenta eorum

2. et ut mandavit propheta transmigratis dans illis legem, ne obliviscerentur praecepta Domini et ut non exerrarent mentibus videntes simulacra aurea et argentea et ornamenta eorum.

3. et alia hujuscemodi dicens hortabatur ne legem amoverent a corde suo

3. Et alia huiusmodi dicens hortabatur, ne legem amoverent a corde suo.

4. erat autem in ipsa scriptura quomodo tabernaculum et arcam jussit propheta divino responso ad se facto comitari secum usquequo exiit in montem in quo Moses ascendit et vidit Dei hereditatem

4. Erat autem in ipsa scriptura quomodo tabernaculum et arcam iussit propheta, divino responso ad se facto, comitari secum, usquequo exiit in montem, in quo Moyses ascendit et vidit Dei hereditatem.

5. et veniens ibi Hieremias invenit locum speluncæ et tabernaculum et arcam et altare incensi intulit illuc et ostium obstruxit

5. Et veniens Ieremias invenit domum speluncae; et tabernaculum et arcam et altare incensi intulit illuc et ostium obstruxit.

6. et accesserunt quidam simul qui sequebantur ut notarent sibi locum et non potuerunt invenire

6. Et accesserunt quidam ex his, qui simul sequebantur, ut notarent viam, et non potuerunt invenire.

7. ut autem cognovit Hieremias culpans illos dixit quod ignotus erit locus donec congreget Deus congregationem populi et propitius fiat

7. Ut autem cognovit Ieremias, culpans illos dixit quod ignotus erit locus, donec congreget Deus congregationem populi et misericordia fiat;

8. et tunc Dominus ostendet hæc et apparebit majestas Domini et nubes erit sicut et Mosi manifestabatur et sicut cum Salomon petiit ut locus sanctificaretur magno Deo manifestabat hæc

8. et tunc Dominus ostendet haec, et apparebit maiestas Domini, et nubes erit, sicut et sub Moyse manifestabatur, sicut et Salomon petiit, ut locus sanctificaretur magnifice.

9. et ut sapientiam habens obtulit sacrificium dedicationis et consummationis templi

9. Manifestabatur autem et ut sapientiam habens obtulit sacrificium dedicationis et consummationis templi.

10. sicut et Moses orabat ad Dominum et descendit ignis de cælo et consumpsit holocaustum

10. Sicut et Moyses orabat ad Dominum, et descendit ignis de caelo et consumpsit sacrificia, sic et Salomon oravit, et descendit ignis de caelo et consumpsit holocausta.

11. et dixit Moses eo quod non sit mundatum quod erat pro peccato et consumptum est

11. Et dixit Moyses: “Eo quod non sit comestum, quod erat pro peccato, consumptum est”.

12. similiter et Salomon octo diebus celebravit dedicationem

12. Similiter et Salomon octo dies celebravit.

13. inferebantur autem in descriptionibus et commentariis Neemiæ hæc eadem et ut construens bibliothecam congregavit de regibus libros et prophetarum et David et epistulas regum et de donariis

13. Inferebantur autem in descriptionibus et commentariis secundum Nehemiam haec eadem, et ut construens bibliothecam congregavit libros de regibus et prophetis et libros David et epistulas regum de donariis.

14. similiter autem et Judas ea quæ didicerat per bellum quod nobis acciderat congregavit omnia et sunt apud nos

14. Similiter autem et Iudas ea, quae deciderant per bellum, quod nobis acciderat, congregavit omnia, et sunt apud nos.

15. si ergo desiderastis hæc mittite qui perferant vobis

15. Si ergo desideratis haec, mittite, qui perferant vobis.

16. acturi itaque purificationem scripsimus vobis bene igitur facietis si egeritis hos dies

16. Acturi itaque purificationem, scripsimus vobis; bene ergo facietis, si egeritis hos dies.

17. Deus autem qui liberavit populum suum et reddidit hereditatem omnibus et regnum et sacerdotium et sanctificationem

17. Deus autem, qui liberavit universum populum suum et reddidit hereditatem omnibus et regnum et sacerdotium et sanctificationem,

18. sicut promisit in lege speramus quod cito nostri miserebitur et congregabit de sub cælo in locum sanctum

18. sicut promisit in lege. Speramus enim in Deo quod cito nostri miserebitur et congregabit de sub caelo in locum sanctum; eripuit enim nos de magnis periculis et locum purgavit.

19. eripuit enim nos de magnis periculis et locum purgavit

19. De Iuda vero Maccabaeo et fratribus eius et de templi magni purificatione et de arae dedicatione,

20. de Juda vero Macchabeo et fratribus ejus et de templi magni purificatione et de aræ dedicatione

20. sed et de proeliis, quae pertinent ad Antiochum Epiphanem et filium eius Eupatorem,

21. sed et de prœliis quæ pertinent ad Antiochum Nobilem et filium ejus Eupatorem

21. et de illuminationibus, quae de caelo factae sunt ad eos, qui generose pro Iudaismo fortiter fecerunt, ita ut universam regionem, cum pauci essent, vindicarent et barbaram multitudinem fugarent

22. et de inluminationibus quæ de cælo factæ sunt ad eos qui pro Judæis fortiter fecerunt ita ut universam regionem cum pauci essent vindicarent et barbaram multitudinem fugarent

22. et famosissimum in toto orbe templum recuperarent et civitatem liberarent et leges, quae futurum erat ut abolerentur, restituerentur, Domino cum omni clementia propitio facto illis,

23. et famosissimum in toto orbe templum recuperarent et civitatem liberarent ut leges quæ abolendæ erant restituerentur Domino cum omni tranquillitate propitio facto illis

23. quae omnia ab Iasone Cyrenaeo quinque libris declarata sunt, tentavimus nos uno volumine breviare.

24. itemque ab Jasone Cyreneo quinque libris conprehensa temptavimus nos uno volumine breviare

24. Considerantes enim multitudinem numerorum et difficultatem, quae adest volentibus aggredi narrationes historiarum propter multitudinem rerum,

25. considerantes enim multitudinem librorum et difficultatem volentibus adgredi narrationes historiarum propter multitudinem rerum

25. curavimus volentibus quidem legere, ut esset animi oblectatio, studiosis vero, ut facilius possint memoriae commendare, omnibus autem legentibus utilitas conferatur.

26. curavimus volentibus quidem legere ut esset animi oblectatio studiosis vero ut facile possint memoriæ commendare omnibus autem legentibus utilitas conferatur

26. Et nobis quidem ipsis, qui hoc opus breviandi causa suscepimus, non facilem laborem, immo vero negotium plenum vigiliarum et sudoris assumpsimus.

27. et nobis quidem ipsis qui opus hoc breviandi causa suscepimus non facilem laborem immo vero negotium plenum vigiliarum et sudoris adsumpsimus

27. Sicut praeparanti convivium et quaerenti aliorum utilitatem non facile est, tamen propter multorum gratiam libenter laborem sustinebimus,

28. sicut hii qui præparant convivium et quærunt aliorum voluntati parere propter multorum gratiam libenter laborem sustinemus

28. accurate quidem de singulis elaborare auctori concedentes, ipsi autem persequi datam formam brevitati studentes.

29. veritatem quidem de singulis auctori concedentes ipsi autem secundum datam formam brevitati studentes

29. Sicut enim novae domus architecto de universa structura curandum est, ei vero, qui inurere et pingere curat, quae apta sunt ad ornatum exquirenda sunt, ita aestimo et in nobis.

30. sicut enim novæ domus architecto de universa structura curandum est ei vero qui pingere conatur quæ apta sunt ad ornatum exquirenda sunt ita æstimandum est et in nobis

30. Inire quidem et deambulacrum facere verborum et curiosius partes singulas quasque disquirere historiae congruit auctori;

31. etenim intellectum colligere et ordinare sermonem et curiosius partes singulas quasque disquærere historiæ congruit auctori

31. brevitatem vero dictionis sectari et exsecutionem rerum vitare brevianti concedendum est.

32. brevitatem vero dictionis sectari et exsecutiones rerum vitare brevitati concedendum est

32. Hinc ergo narrationem incipiemus, praedictis tantulo subiuncto; stultum etenim est ante historiam efffluere, ipsam autem historiam concidere.

33. hinc igitur narrationem incipiemus de præfatione tantum dixisse sufficiat stultum etenim est ante historiam effluere in ipsa autem historia succingi

33.