Evangelium secundum Ioannem, 12

1. Jesus ergo ante sex dies paschæ venit Bethaniam ubi fuerat Lazarus mortuus quem suscitavit Jesus

1. Iesus ergo ante sex dies Paschae venit Bethaniam, ubi erat Lazarus, quem suscitavit a mortuis Iesus. 2 Fecerunt ergo ei cenam ibi, et Martha ministrabat, Lazarus vero unus erat ex discumbentibus cum eo.

2. fecerunt autem ei cenam ibi et Martha ministrabat Lazarus vero unus erat ex discumbentibus cum eo

2.

3. Maria ergo accepit libram unguenti nardi pistici pretiosi unxit pedes Jesu et extersit capillis suis pedes ejus et domus impleta est ex odore unguenti

3. Maria ergo accepit libram unguenti nardi puri, pretiosi, et unxit pedes Iesu et extersit capillis suis pedes eius; domus autem impleta est ex odore unguenti.

4. dicit ergo unus ex discipulis ejus Judas Scariotis qui erat eum traditurus

4. Dicit autem Iudas Iscariotes, unus ex discipulis eius, qui erat eum traditurus:

5. quare hoc unguentum non veniit trecentis denariis et datum est egenis

5. “Quare hoc unguentum non veniit trecentis denariis et datum est egenis?”.

6. dixit autem hoc non quia de egenis pertinebat ad eum sed quia fur erat et loculos habens ea quæ mittebantur portabat

6. Dixit autem hoc, non quia de egenis pertinebat ad eum, sed quia fur erat et, loculos habens, ea, quae mittebantur, portabat.

7. dixit ergo Jesus sine illam ut in die sepulturæ meæ servet illud

7. Dixit ergo Iesus: “Sine illam, ut in diem sepulturae meae servet illud.

8. pauperes enim semper habetis vobiscum me autem non semper habetis

8. Pauperes enim semper habetis vobiscum, me autem non semper habetis”.

9. cognovit ergo turba multa ex Judæis quia illic est et venerunt non propter Jesum tantum sed ut Lazarum viderent quem suscitavit a mortuis

9. Cognovit ergo turba multa ex Iudaeis quia illic est, et venerunt non propter Iesum tantum, sed ut et Lazarum viderent, quem suscitavit a mortuis.

10. cogitaverunt autem principes sacerdotum ut et Lazarum interficerent

10. Cogitaverunt autem principes sacerdotum, ut et Lazarum interficerent,

11. quia multi propter illum abibant ex Judæis et credebant in Jesum

11. quia multi propter illum abibant ex Iudaeis et credebant in Iesum.

12. in crastinum autem turba multa quæ venerat ad diem festum cum audissent quia venit Jesus Hierosolyma

12. In crastinum turba multa, quae venerat ad diem festum, cum audissent quia venit Iesus Hierosolymam,

13. acceperunt ramos palmarum et processerunt obviam ei et clamabant osanna benedictus qui venit in nomine Domini rex Israël

13. acceperunt ramos palmarum et processerunt obviam ei et clamabant: “Hosanna! Benedictus, qui venit in nomine Domini, et rex Israel!”.

14. et invenit Jesus asellum et sedit super eum sicut scriptum est

14. Invenit autem Iesus asellum et sedit super eum, sicut scriptum est:

15. noli timere filia Sion ecce rex tuus venit sedens super pullum asinæ

15. “Noli timere, filia Sion. Ecce rex tuus venit sedens super pullum asinae”.

16. hæc non cognoverunt discipuli ejus primum sed quando glorificatus est Jesus tunc recordati sunt quia hæc erant scripta de eo et hæc fecerunt ei

16. Haec non cognoverunt discipuli eius primum, sed quando glorificatus est Iesus, tunc recordati sunt quia haec erant scripta de eo, et haec fecerunt ei.

17. testimonium ergo perhibebat turba quæ erat cum eo quando Lazarum vocavit de monumento et suscitavit eum a mortuis

17. Testimonium ergo perhibebat turba, quae erat cum eo, quando Lazarum vocavit de monumento et suscitavit eum a mortuis.

18. propterea et obviam venit ei turba quia audierunt eum fecisse hoc signum

18. Propterea et obviam venit ei turba, quia audierunt eum fecisse hoc signum.

19. Pharisæi ergo dixerunt ad semet ipsos videtis quia nihil proficimus ecce mundus totus post eum abiit

19. Pharisaei ergo dixerunt ad semetipsos: “Videtis quia nihil proficitis? Ecce mundus post eum abiit!”.

20. erant autem gentiles quidam ex his qui ascenderant ut adorarent in die festo

20. Erant autem Graeci quidam ex his, qui ascenderant, ut adorarent in die festo;

21. hii ergo accesserunt ad Philippum qui erat a Bethsaida Galilææ et rogabant eum dicentes domine volumus Jesum videre

21. hi ergo accesserunt ad Philippum, qui erat a Bethsaida Galilaeae, et rogabant eum dicentes: “Domine, volumus Iesum videre”.

22. venit Philippus et dicit Andreæ Andreas rursum et Philippus dixerunt Jesu

22. Venit Philippus et dicit Andreae; venit Andreas et Philippus et dicunt Iesu.

23. Jesus autem respondit eis dicens venit hora ut clarificetur Filius hominis

23. Iesus autem respondet eis dicens: “Venit hora, ut glorificetur Filius hominis.

24. amen amen dico vobis nisi granum frumenti cadens in terram mortuum fuerit

24. Amen, amen dico vobis: Nisi granum frumenti cadens in terram mortuum fuerit, ipsum solum manet; si autem mortuum fuerit, multum fructum affert.

25. ipsum solum manet si autem mortuum fuerit multum fructum adfert qui amat animam suam perdet eam et qui odit animam suam in hoc mundo in vitam æternam custodit eam

25. Qui amat animam suam, perdit eam; et, qui odit animam suam in hoc mundo, in vitam aeternam custodiet eam.

26. si quis mihi ministrat me sequatur et ubi sum ego illic et minister meus erit si quis mihi ministraverit honorificabit eum Pater meus

26. Si quis mihi ministrat, me sequatur, et ubi sum ego, illic et minister meus erit; si quis mihi ministraverit, honorificabit eum Pater.

27. nunc anima mea turbata est et quid dicam Pater salvifica me ex hora hac sed propterea veni in horam hanc

27. Nunc anima mea turbata est. Et quid dicam? Pater, salvifica me ex hora hac? Sed propterea veni in horam hanc.

28. Pater clarifica tuum nomen venit ergo vox de cælo et clarificavi et iterum clarificabo

28. Pater, glorifica tuum nomen!”. Venit ergo vox de caelo: “Et glorificavi et iterum glorificabo”.

29. turba ergo quæ stabat et audierat dicebant tonitruum factum esse alii dicebant angelus ei locutus est

29. Turba ergo, quae stabat et audierat, dicebat tonitruum factum esse; alii dicebant: “Angelus ei locutus est”.

30. respondit Jesus et dixit non propter me vox hæc venit sed propter vos

30. Respondit Iesus et dixit: “Non propter me vox haec facta est sed propter vos.

31. nunc judicium est mundi nunc princeps hujus mundi eicietur foras

31. Nunc iudicium est huius mundi, nunc princeps huius mundi eicietur foras;

32. et ego si exaltatus fuero a terra omnia traham ad me ipsum

32. et ego, si exaltatus fuero a terra, omnes traham ad meipsum”.

33. hoc autem dicebat significans qua morte esset moriturus

33. Hoc autem dicebat significans, qua morte esset moriturus.

34. respondit ei turba nos audivimus ex lege quia Christus manet in æternum et quomodo tu dicis oportet exaltari Filium hominis quis est iste Filius hominis

34. Respondit ergo ei turba: “Nos audivimus ex Lege, quia Christus manet in aeternum; et quomodo tu dicis: “Oportet exaltari Filium hominis”? Quis est iste Filius hominis?”.

35. dixit ergo eis Jesus adhuc modicum lumen in vobis est ambulate dum lucem habetis ut non tenebræ vos conprehendant et qui ambulat in tenebris nescit quo vadat

35. Dixit ergo eis Iesus: “Adhuc modicum tempus lumen in vobis est. Ambulate, dum lucem habetis, ut non tenebrae vos comprehendant; et, qui ambulat in tenebris, nescit quo vadat.

36. dum lucem habetis credite in lucem ut filii lucis sitis hæc locutus est Jesus et abiit et abscondit se ab eis

36. Dum lucem habetis, credite in lucem, ut filii lucis fiatis”. Haec locutus est Iesus et abiit et abscondit se ab eis.

37. cum autem tanta signa fecisset coram eis non credebant in eum

37. Cum autem tanta signa fecisset coram eis, non credebant in eum,

38. ut sermo Esajæ prophetæ impleretur quem dixit Domine quis credidit auditui nostro et brachium Domini cui revelatum est

38. ut sermo Isaiae prophetae impleretur, quem dixit: “Domine, quis credidit auditui nostro, et brachium Domini cui revelatum est?”.

39. propterea non poterant credere quia iterum dixit Esajas

39. Propterea non poterant credere, quia iterum dixit Isaias:

40. excæcavit oculos eorum et induravit eorum cor ut non videant oculis et intellegant corde et convertantur et sanem eos

40. “Excaecavit oculos eorum et induravit eorum cor, ut non videant oculis et intellegant corde et convertantur, et sanem eos”.

41. hæc dixit Esajas quando vidit gloriam ejus et locutus est de eo

41. Haec dixit Isaias, quia vidit gloriam eius et locutus est de eo.

42. verumtamen et ex principibus multi crediderunt in eum sed propter Pharisæos non confitebantur ut de synagoga non eicerentur

42. Verumtamen et ex principibus multi crediderunt in eum, sed propter pharisaeos non confitebantur, ut de synagoga non eicerentur;

43. dilexerunt enim gloriam hominum magis quam gloriam Dei

43. dilexerunt enim gloriam hominum magis quam gloriam Dei.

44. Jesus autem clamavit et dixit qui credit in me non credit in me sed in eum qui misit me

44. Iesus autem clamavit et dixit: “Qui credit in me, non credit in me sed in eum, qui misit me;

45. et qui videt me videt eum qui misit me

45. et, qui videt me, videt eum, qui misit me.

46. ego lux in mundum veni ut omnis qui credit in me in tenebris non maneat

46. Ego lux in mundum veni, ut omnis, qui credit in me, in tenebris non maneat.

47. et si quis audierit verba mea et non custodierit ego non judico eum non enim veni ut judicem mundum sed ut salvificem mundum

47. Et si quis audierit verba mea et non custodierit, ego non iudico eum; non enim veni, ut iudicem mundum, sed ut salvificem mundum.

48. qui spernit me et non accipit verba mea habet qui judicet eum sermo quem locutus sum ille judicabit eum in novissimo die

48. Qui spernit me et non accipit verba mea, habet, qui iudicet eum: sermo, quem locutus sum, ille iudicabit eum in novissimo die,

49. quia ego ex me ipso non sum locutus sed qui misit me Pater ipse mihi mandatum dedit quid dicam et quid loquar

49. quia ego ex meipso non sum locutus, sed, qui misit me, Pater, ipse mihi mandatum dedit quid dicam et quid loquar.

50. et scio quia mandatum ejus vita æterna est quæ ergo ego loquor sicut dixit mihi Pater sic loquor

50. Et scio quia mandatum eius vita aeterna est. Quae ergo ego loquor, sicut dixit mihi Pater, sic loquor”.