Löydetty 20233 Tulokset: Re

• perambulabat autem magis sermo de illo et conveniebant turbæ multæ ut audirent et curarentur ab infirmitatibus suis (Evangelium secundum Lucam 5, 15)

• et factum est in una dierum et ipse sedebat docens et erant Pharisæi sedentes et legis doctores qui venerant ex omni castello Galilææ et Judææ et Hierusalem et virtus erat Domini ad sanandum eos (Evangelium secundum Lucam 5, 17)

• et ecce viri portantes in lecto hominem qui erat paralyticus et quærebant eum inferre et ponere ante eum (Evangelium secundum Lucam 5, 18)

• et non invenientes qua parte illum inferrent præ turba ascenderunt supra tectum per tegulas submiserunt illum cum lecto in medium ante Jesum (Evangelium secundum Lucam 5, 19)

• quorum fidem ut vidit dixit homo remittuntur tibi peccata tua (Evangelium secundum Lucam 5, 20)

• et cœperunt cogitare scribæ et Pharisæi dicentes quis est hic qui loquitur blasphemias quis potest dimittere peccata nisi solus Deus (Evangelium secundum Lucam 5, 21)

• ut cognovit autem Jesus cogitationes eorum respondens dixit ad illos quid cogitatis in cordibus vestris (Evangelium secundum Lucam 5, 22)

• quid est facilius dicere dimittuntur tibi peccata an dicere surge et ambula (Evangelium secundum Lucam 5, 23)

• ut autem sciatis quia Filius hominis potestatem habet in terra dimittere peccata ait paralytico tibi dico surge tolle lectum tuum et vade in domum tuam (Evangelium secundum Lucam 5, 24)

• et stupor adprehendit omnes et magnificabant Deum et repleti sunt timore dicentes quia vidimus mirabilia hodie (Evangelium secundum Lucam 5, 26)

• et post hæc exiit et vidit publicanum nomine Levi sedentem ad teloneum et ait illi sequere me (Evangelium secundum Lucam 5, 27)

• et relictis omnibus surgens secutus est eum (Evangelium secundum Lucam 5, 28)