Liber Proverbiorum, 13
1. filius sapiens doctrina patris qui autem inlusor est non audit cum arguitur
1. Filius sapiens disciplina patris; qui autem illusor est, non audit, cum arguitur.
2. de fructu oris homo saturabitur bonis anima autem prævaricatorum iniqua
2. De fructu oris sui homo satiabitur bonis, anima autem praevaricatorum violentia.
3. qui custodit os suum custodit animam suam qui autem inconsideratus est ad loquendum sentiet mala
3. Qui custodit os suum, custodit animam suam; qui autem incautus est eloquio, ruina est ei.
4. vult et non vult piger anima autem operantium inpinguabitur
4. Vult et non habet piger, anima autem operantium impinguabitur.
5. verbum mendax justus detestabitur impius confundit et confundetur
5. Verbum mendax iustus detestabitur, impius autem confundit et dehonestat.
6. justitia custodit innocentis viam impietas vero peccato subplantat
6. Iustitia custodit innocentem in via, impietas autem peccatorem supplantat.
7. est quasi dives cum nihil habeat et est quasi pauper cum in multis divitiis sit
7. Est qui quasi dives habetur, cum nihil habeat; et est qui quasi pauper, cum in multis divitiis sit.
8. redemptio animæ viri divitiæ suæ qui autem pauper est increpationem non sustinet
8. Redemptio animae viri divitiae suae; qui autem pauper est, increpationem non sustinet.
9. lux justorum lætificat lucerna autem impiorum extinguetur
9. Lux iustorum laetificat, lucerna autem impiorum exstinguetur.
10. inter superbos semper jurgia sunt qui autem agunt cuncta consilio reguntur sapientia
10. Inter superbos tantum iurgia sunt, et apud humiles sapientia.
11. substantia festinata minuetur quæ autem paulatim colligitur manu multiplicabitur
11. Substantia festinata minuetur; qui autem colligit manu, multiplicat.
12. spes quæ differtur adfligit animam lignum vitæ desiderium veniens
12. Spes, quae differtur, affligit animam, lignum vitae desiderium veniens.
13. qui detrahit alicui rei ipse se in futurum obligat qui autem timet præceptum in pace versabitur
13. Qui contemnit verbum, ipse se obligat; qui autem timet praeceptum, retribuetur ei.
14. lex sapientis fons vitæ ut declinet a ruina mortis
14. Lex sapientis fons vitae, ut declinet a laqueis mortis.
15. doctrina bona dabit gratiam in itinere contemptorum vorago
15. Intellegentia bona dabit gratiam, in itinere infidelium vorago.
16. astutus omnia agit cum consilio qui autem fatuus est aperit stultitiam
16. Omnis astutus agit cum consilio; qui autem fatuus est, aperit stultitiam.
17. nuntius impii cadet in malum legatus fidelis sanitas
17. Nuntius impius cadet in malum, legatus autem fidelis sanitas.
18. egestas et ignominia ei qui deserit disciplinam qui autem adquiescit arguenti glorificabitur
18. Egestas et ignominia ei, qui deserit disciplinam; qui autem acquiescit arguenti, glorificabitur.
19. desiderium si conpleatur delectat animam detestantur stulti eos qui fugiunt mala
19. Desiderium, si compleatur, delectat animam; detestantur stulti fugere mala.
20. qui cum sapientibus graditur sapiens erit amicus stultorum efficietur similis
20. Qui cum sapientibus graditur, sapiens erit; amicus stultorum malus efficietur.
21. peccatores persequetur malum et justis retribuentur bona
21. Peccatores persequitur malum, et iustis retribuentur bona.
22. bonus relinquet heredes filios et nepotes et custoditur justo substantia peccatoris
22. Bonus relinquit heredes filios et nepotes; et custoditur iusto substantia peccatoris.
23. multi cibi in novalibus patrum et alii congregantur absque judicio
23. Multi cibi in novalibus pauperum, et est qui perit, deficiente iudicio.
24. qui parcit virgæ suæ odit filium suum qui autem diligit illum instanter erudit
24. Qui parcit virgae, odit filium suum; qui autem diligit illum, instanter erudit.
25. justus comedit et replet animam suam venter autem impiorum insaturabilis
25. Iustus comedit et replet animam suam, venter autem impiorum insaturabilis.
