Liber Ecclesiasticus, 51
1. oratio Jesu filii Sirach confitebor tibi Domine rex et conlaudabo te Deum salvatorem meum
1. Oratio Iesu filii Sirach. “Confitebor tibi, Domine rex; et collaudabo te Deum salvatorem meum.
2. confiteor nomini tuo quoniam adiutor et protector factus es mihi
2. Confitebor nomini tuo, quoniam adiutor et protector factus es mihi
3. et liberasti corpus meum a perditione a laqueo linguæ iniquæ et a labiis operantium mendacium et in conspectu adstantium factus es mihi adiutor
3. et liberasti corpus meum a perditione, a laqueo linguae iniquae et a labiis operantium mendacium, et in conspectu insurgentium factus es mihi adiutor.
4. et liberasti me secundum multitudinem misericordiæ nominis tui a rugientibus paratis ad escam
4. Et liberasti me, secundum magnitudinem misericordiae et nominis tui, a laqueis praeparatis ad escam,
5. de manibus quærentium animam meam et de portis tribulationis quæ circumdederunt me
5. de manibus quaerentium animam meam et de multis tribulationibus, quae circumdederunt me,
6. a pressura flammæ quæ circumdedit me et in medio ignis non sum æstuatus
6. a pressura flammae, quae circumdedit me, et de medio ignis, ubi non sum aestuatus;
7. de altitudine ventris inferi et a lingua coinquinata et verbo mendacii a rege iniquo et lingua iniusta
7. de altitudine ventris inferi et a lingua coinquinata et a verbo mendacii, a iaculo linguae iniustae.
8. laudavit usque ad mortem anima mea Dominum
8. Appropinquavit usque ad mortem anima mea,
9. et vita mea adpropinquans erat infero deorsum
9. et vita mea appropinquans erat in inferno deorsum.
10. circumdederunt me undique et non erat qui adiuvaret respiciens eram ad adiutorium meum et non erat
10. Circumdederunt me undique, et non erat qui adiuvaret; respiciens eram ad adiutorium hominum, et non erat.
11. memoratus sum misericordiæ tuæ Domine et operationis tuæ quæ a sæculo sunt
11. Memoratus autem sum misericordiae tuae, Domine, et operationis tuae, quae a saeculo est,
12. quoniam erues sustinentes te et liberas eos de manibus gentium
12. quoniam eruis sustinentes te, Domine, et liberas eos de manibus iniquorum.
13. exaltasti super terram habitationem meam et pro morte defluenti deprecatus sum
13. Exaltavi de terra supplicationem meam et pro morte defluente deprecatus sum.
14.
14. Invocavi Dominum: “Pater meus es tu, ne derelinquas me in die tribulationis meae et in tempore superborum sine adiutorio.
15.
15. Laudabo nomen tuum assidue et collaudabo illud in confessione”. Et exaudita est oratio mea.
16.
16. Et liberasti me de perditione et eripuisti me de tempore iniquo.
17.
17. Propterea confitebor et laudem dicam tibi et benedicam nomini Domini.
18.
18. Cum adhuc iunior essem, priusquam oberrarem, quaesivi sapientiam palam in oratione mea;
19.
19. ante templum postulabam pro illa et usque in novissimis inquiram eam, et effloruit tamquam praecox uva.
20.
20. Laetatum est cor meum in ea, ambulavit pes meus iter rectum; a iuventute mea investigabam eam.
21.
21. Inclinavi modice aurem meam et excepi illam
22.
22. et multam inveni mihimetipsi sapientiam et multum profeci in ea:
23.
23. danti mihi sapientiam dabo gloriam.
24.
24. Consiliatus sum enim, ut facerem illam; et quaesivi bonum et non confundar.
25.
25. Colluctata est anima mea in illa, et in faciendo legem diligens fui.
26.
26. Manus meas extendi in altum et incognoscibilia eius intellexi.
27.
27. Animam meam direxi ad illam et in purificatione inveni eam.
28.
28. Possedi cum ipsa cor ab initio; propter hoc non derelinquar.
29.
29. Venter meus conturbatus est quaerendo illam; propterea bonam possedi possessionem.
30.
30. Dedit mihi Dominus linguam mercedem meam, et in ipsa laudabo eum.
31.
31. Appropiate ad me, indocti, et congregate vos in domo disciplinae.
32.
32. Quid adhuc retardatis in his, dum animae vestrae sitiunt vehementer?
33.
33. Aperui os meum et locutus sum: “Comparate vobis sine argento
34.
34. et collum vestrum subicite iugo, et suscipiat anima vestra disciplinam: in proximo est enim invenire eam.
35.
35. Videte oculis vestris quia modicum laboravi et inveni mihi multam requiem.
36.
36. Assumite disciplinam in multo numero argenti et copiosum aurum possidete in ea.
37.
37. Laetetur anima vestra in misericordia eius, et non confundemini in laude ipsius.
38.
38. Operamini opus vestrum ante tempus, et dabit vobis mercedem vestram in tempore suo””.
