Liber Psalmorum, 9
1. in finem pro occultis filii psalmus David
1. Magistro chori. Ad modum cantici " Mut labben ". PSALMUS. David.
2. confitebor tibi Domine in toto corde meo narrabo omnia mirabilia tua
2. ALEPH. Confitebor tibi, Domine, in toto corde meo, narrabo omnia mirabilia tua.
3. lætabor et exultabo in te psallam nomini tuo Altissime
3. Laetabor et exsultabo in te, psallam nomini tuo, Altissime.
4. in convertendo inimicum meum retrorsum infirmabuntur et peribunt a facie tua
4. BETH. Cum convertuntur inimici mei retrorsum, infirmantur et pereunt a facie tua.
5. quoniam fecisti judicium meum et causam meam sedisti super thronum qui judicas justitiam
5. Quoniam fecisti iudicium meum et causam meam, sedisti super thronum, qui iudicas iustitiam.
6. increpasti gentes et periit impius nomen eorum delisti in æternum et in sæculum sæculi
6. GHIMEL. Increpasti gentes, perdidisti impium; nomen eorum delesti in aeternum et in saeculum saeculi.
7. inimici defecerunt frameæ in finem et civitates destruxisti periit memoria eorum cum sonitu
7. Inimici defecerunt, solitudines sempiternae factae sunt; et civitates destruxisti: periit memoria eorum cum ipsis.
8. et Dominus in æternum permanet paravit in judicio thronum suum
8. HE. Dominus autem in aeternum sedebit, paravit in iudicium thronum suum;
9. et ipse judicabit orbem terræ in æquitate judicabit populos in justitia
9. et ipse iudicabit orbem terrae in iustitia, iudicabit populos in aequitate.
10. et factus est Dominus refugium pauperi adiutor in oportunitatibus in tribulatione
10. VAU. Et erit Dominus refugium oppresso, refugium in opportunitatibus, in tribulatione.
11. et sperent in te qui noverunt nomen tuum quoniam non dereliquisti quærentes te Domine
11. Et sperent in te, qui noverunt nomen tuum, quoniam non dereliquisti quaerentes te, Domine.
12. psallite Domino qui habitat in Sion adnuntiate inter gentes studia ejus
12. ZAIN. Psallite Domino, qui habitat in Sion; annuntiate inter gentes studia eius.
13. quoniam requirens sanguinem eorum recordatus est non est oblitus clamorem pauperum
13. Quoniam requirens sanguinem recordatus est eorum, non est oblitus clamorem pauperum.
14. miserere mei Domine vide humilitatem meam de inimicis meis
14. HETH. Miserere mei, Domine; vide afflictionem meam de inimicis meis, qui exaltas me de portis mortis,
15. qui exaltas me de portis mortis ut adnuntiem omnes laudationes tuas in portis filiæ Sion
15. ut annuntiem omnes laudationes tuas in portis filiae Sion, exsultem in salutari tuo.
16. exultabo in salutari tuo infixæ sunt gentes in interitu quem fecerunt in laqueo isto quem absconderunt conprehensus est pes eorum
16. TETH. Infixae sunt gentes in fovea, quam fecerunt; in laqueo isto, quem absconderunt, comprehensus est pes eorum.
17. cognoscitur Dominus judicia faciens in operibus manuum suarum conprehensus est peccator canticum diapsalmatis
17. Manifestavit se Dominus iudicium faciens; in operibus manuum suarum comprehensus est peccator.
18. convertantur peccatores in infernum omnes gentes quæ obliviscuntur Deum
18. IOD. Convertentur peccatores in infernum, omnes gentes, quae obliviscuntur Deum.
19. quoniam non in finem oblivio erit pauperis patientia pauperum non peribit in finem
19. CAPH. Quoniam non in finem oblivio erit pauperis; exspectatio pauperum non peribit in aeternum.
20. exsurge Domine non confortetur homo judicentur gentes in conspectu tuo
20. Exsurge, Domine, non confortetur homo; iudicentur gentes in conspectu tuo.
21. constitue Domine legislatorem super eos sciant gentes quoniam homines sunt diapsalma
21. Constitue, Domine, terrorem super eos; sciant gentes quoniam homines sunt.
22. ut quid Domine recessisti longe dispicis in oportunitatibus in tribulatione
22.
23. dum superbit impius incenditur pauper conprehenduntur in consiliis quibus cogitant
23.
24. quoniam laudatur peccator in desideriis animæ suæ et iniquus benedicitur
24.
25. exacerbavit Dominum peccator secundum multitudinem iræ suæ non quæret
25.
26. non est Deus in conspectu ejus inquinatæ sunt viæ illius in omni tempore auferuntur judicia tua a facie ejus omnium inimicorum suorum dominabitur
26.
27. dixit enim in corde suo non movebor a generatione in generationem sine malo
27.
28. cujus maledictione os plenum est et amaritudine et dolo sub lingua ejus labor et dolor
28.
29. sedet in insidiis cum divitibus in occultis ut interficiat innocentem
29.
30. oculi ejus in pauperem respiciunt insidiatur in abscondito quasi leo in spelunca sua insidiatur ut rapiat pauperem rapere pauperem dum adtrahit eum
30.
31. in laqueo suo humiliabit eum inclinabit se et cadet cum dominatus fuerit pauperum
31.
32. dixit enim in corde suo oblitus est Deus avertit faciem suam ne videat in finem
32.
33. exsurge Domine Deus exaltetur manus tua ne obliviscaris pauperum
33.
34. propter quid inritavit impius Deum dixit enim in corde suo non requiret
34.
35. vides quoniam tu laborem et dolorem consideras ut tradas eos in manus tuas tibi derelictus est pauper orfano tu eras adiutor
35.
36. contere brachium peccatoris et maligni quæretur peccatum illius et non invenietur
36.
37. Dominus regnabit in æternum et in sæculum sæculi peribitis gentes de terra illius
37.
38. desiderium pauperum exaudivit Dominus præparationem cordis eorum audivit auris tua
38.
39. judicare pupillo et humili ut non adponat ultra magnificare se homo super terram
39.
