Liber I Paralipomenon, 16

1. adtulerunt igitur arcam Dei et constituerunt eam in medio tabernaculi quod tetenderat ei David et obtulerunt holocausta et pacifica coram Deo

1. Attulerunt igitur arcam Dei et constituerunt eam in me dio tabernaculi, quod tetenderat ei David, et obtulerunt holocausta et pacifica coram Deo.

2. cumque conplesset David offerens holocausta et pacifica benedixit populo in nomine Domini

2. Cumque complesset David offerens holocausta et pacifica, benedixit populo in nomine Domini.

3. et divisit universis per singulos a viro usque ad mulierem tortam panis et partem assæ carnis bubulæ et frixam oleo similam

3. Et divisit unicuique de Israel a viro usque ad mulierem tortam panis et laganum palmarum et palatham.

4. constituitque coram arca Domini de Levitis qui ministrarent et recordarentur operum ejus et glorificarent atque laudarent Dominum Deum Israël

4. Constituitque coram arca Domini de Levitis ministros, qui recordarentur operum eius et glorificarent atque laudarent Dominum, Deum Israel:

5. Asaph principem et secundum ejus Zacchariam porro Jahihel et Semiramoth et Jeihel et Matthathiam et Eliab et Banajam et Obededom et Jeihel super organa psalterii et lyras Asaph autem ut cymbalis personaret

5. Asaph principem et secundum eius Zachariam, porro Iehiel et Semiramoth et Iahiel et Matthathiam et Eliab et Banaiam et Obededom et Iehiel in organis psalterii et citharis, Asaph autem, ut cymbalis personaret,

6. Banajam vero et Azihel sacerdotes canere tuba jugiter coram arca fœderis Domini

6. Banaiam vero et Iahaziel sacerdotes, ut canerent tubis iugiter coram arca foederis Dei.

7. in illo die fecit David principem ad confitendum Domino Asaph et fratres ejus

7. In illo die, tunc fecit David prima vice confiteri Domino per manum Asaph et fratrum eius:

8. confitemini Domino invocate nomen ejus notas facite in populis adinventiones illius

8. “Confitemini Domino, invocate nomen eius, notas facite in populis opera eius.

9. canite ei et psallite et narrate omnia mirabilia ejus

9. Canite ei et psallite et narrate omnia mirabilia eius.

10. laudate nomen sanctum ejus lætetur cor quærentium Dominum

10. Laudate nomen sanctum eius, laetetur cor quaerentium Dominum.

11. quærite Dominum et virtutem ejus quærite faciem ejus semper

11. Quaerite Dominum et virtutem eius, quaerite faciem eius semper.

12. recordamini mirabilium ejus quæ fecit signorum illius et judiciorum oris ejus

12. Recordamini mirabilium eius, quae fecit, signorum illius et iudiciorum oris eius,

13. semen Israël servi ejus filii Jacob electi illius

13. semen Israel, servi eius, filii Iacob, electi illius.

14. ipse Dominus Deus noster in universa terra judicia ejus

14. Ipse Dominus Deus noster; in universa terra iudicia eius.

15. recordamini in sempiternum pacti ejus sermonis quem præcepit in mille generationes

15. Recordamini in sempiternum pacti eius, sermonis, quem praecepit in mille generationes,

16. quem pepigit cum Abraham et juramenti illius cum Isaac

16. pacti, quod pepigit cum Abraham, et iuramenti illius cum Isaac.

17. et constituit illud Jacob in præceptum et Israël in pactum sempiternum

17. Et constituit illud Iacob in praeceptum et Israel in pactum sempiternum

18. dicens tibi dabo terram Chanaan funiculum hereditatis vestræ

18. dicens: “Tibi dabo terram Chanaan funiculum hereditatis vestrae”,

19. cum essent pauci numero parvi et coloni ejus

19. cum essent pauci numero, parvi et coloni in ea.

20. et transierunt de gente in gentem et de regno ad populum alterum

20. Et transierunt de gente in gentem et de regno ad populum alterum;

21. non dimisit quemquam calumniari eos sed increpuit pro eis reges

21. non dimisit quemquam calumniari eos, sed increpuit pro eis reges:

22. nolite tangere christos meos et in prophetis meis nolite malignari

22. “Nolite tangere christos meos et in prophetis meis nolite malignari”.

23. canite Domino omnis terra adnuntiate ex die in diem salutare ejus

23. Canite Domino, omnis terra, annuntiate ex die in diem salutare eius.

24. narrate in gentibus gloriam ejus in cunctis populis mirabilia illius

24. Narrate in gentibus gloriam eius, in cunctis populis mirabilia illius.

25. quia magnus Dominus et laudabilis nimis et horribilis super omnes deos

25. Quia magnus Dominus et laudabilis nimis et horribilis super omnes deos;

26. omnes enim dii populorum idola Dominus autem cælos fecit

26. omnes enim dii populorum inania, Dominus autem caelos fecit.

27. confessio et magnificentia coram eo fortitudo et gaudium in loco ejus

27. Magnificentia et pulchritudo coram eo, fortitudo et gaudium in loco eius.

28. adferte Domino familiæ populorum adferte Domino gloriam et imperium

28. Afferte Domino, familiae populorum afferte Domino gloriam et imperium;

29. date Domino gloriam nomini ejus levate sacrificium et venite in conspectu ejus et adorate Dominum in decore sancto

29. date Domino gloriam nominis eius, levate oblationem et venite in conspectu eius et adorate Dominum in decore sancto.

30. commoveatur a facie illius omnis terra ipse enim fundavit orbem inmobilem

30. Commoveatur a facie illius omnis terra; ipse enim fundavit orbem immobilem.

31. lætentur cæli et exultet terra et dicant in nationibus Dominus regnavit

31. Laetentur caeli, et exsultet terra, et dicant in nationibus: “Dominus regnat!”.

32. tonet mare et plenitudo ejus exultent agri et omnia quæ in eis sunt

32. Tonet mare et plenitudo eius, exsultent agri et omnia, quae in eis sunt.

33. tunc laudabunt ligna saltus coram Domino quia venit judicare terram

33. Tunc laudabunt ligna saltus coram Domino, quia venit iudicare terram.

34. confitemini Domino quoniam bonus quoniam in æternum misericordia ejus

34. Confitemini Domino, quoniam bonus, quoniam in aeternum misericordia eius.

35. et dicite salva nos Deus salvator noster et congrega nos et erue de gentibus ut confiteamur nomini sancto tuo et exultemus in carminibus tuis

35. Et dicite: “Salva nos, Deus salvator noster, et congrega nos et erue de gentibus, ut confiteamur nomini sancto tuo et exsultemus in carminibus tuis.

36. benedictus Dominus Deus Israël ab æterno usque in æternum et dicat omnis populus amen et hymnus Domino

36. Benedictus Dominus, Deus Israel, ab aeterno usque in aeternum””. Et dixit omnis populus: “Amen!” et “Laus Domino!”.

37. dereliquit itaque ibi coram arca fœderis Domini Asaph et fratres ejus ut ministrarent in conspectu arcæ jugiter per singulos dies et vices suas

37. Dereliquit itaque ibi coram arca foederis Domini Asaph et fratres eius, ut ministrarent in conspectu arcae iugiter secundum ritum singulorum dierum. 38 Porro Obededom et fratres eius sexaginta octo et Obededom filium Idithun et Hosa constituit ianitores.

38. porro Obededom et fratres ejus sexaginta octo et Obededom filium Idithun et Osa constituit janitores

38.

39. Sadoc autem sacerdotem et fratres illius sacerdotes coram tabernaculo Domini in excelso quod erat in Gabaon

39. Sadoc autem sacerdotem et fratres illius sacerdotes coram habitaculo Domini in excelso, quod erat in Gabaon,

40. ut offerrent holocausta Domino super altare holocaustomatis jugiter mane et vespere juxta omnia quæ scripta sunt in lege Domini quam præcepit Israheli

40. ut offerrent holocausta Domino super altare holocautomatis iugiter, mane et vespere, iuxta omnia, quae scripta sunt in lege Domini, quam praecepit Israeli.

41. et post eum Heman et Idithun et reliquos electos unumquemque vocabulo suo ad confitendum Domino quoniam in æternum misericordia ejus

41. Et cum eis Heman et Idithun et reliquos electos, qui nominatim memorati sunt ad confitendum Domino: “Quoniam in aeternum misericordia eius”.

42. Heman quoque et Idithun canentes tuba et quatientes cymbala et omnia musicorum organa ad canendum Deo filios autem Idithun fecit esse portarios

42. Et cum eis Heman et Idithun canentes tuba et quatientes cymbala bene sonantia et omnia musicorum organa ad canendum Deo; filios autem Idithun fecit esse portarios.

43. reversusque est omnis populus in domum suam et David ut benediceret etiam domui suæ

43. Reversusque est omnis populus unusquisque in domum suam et David, ut benediceret etiam domui suae.