Liber Ecclesiasticus, 10

1. judex sapiens vindicabit populum suum et principatus sensati stabilis erit

1. Iudex sapiens instituet populum suum, et principatus sensati stabilis erit.

2. secundum judicem populi sic et ministri ejus et qualis rector est civitatis tales et inhabitantes

2. Secundum iudicem populi sic et ministri eius, et qualis rector est civitatis, tales et inhabitantes in ea.

3. rex insipiens perdet populum suum et civitates inhabitabuntur per sensum prudentium

3. Rex insipiens perdet populum suum, et civitates inhabitabuntur per sensum potentium.

4. in manu Dei potestas terræ et exclamabilis omnis iniquitas gentium et utilem rectorem in tempus suscitabit super illam

4. In manu Dei potestas terrae, et utilem rectorem suscitabit in tempus super illam.

5. in manu Dei potestas hominis et super faciem scribæ inponet honorem suum

5. In manu Dei prosperitas hominis, et super faciem scribae imponet honorem suum.

6. omnis iniuriæ proximi ne memineris et nihil agas in operibus iniuriæ

6. Pro omni iniuria proximi ne rependas et nihil agas in operibus superbiae.

7. odibilis coram Deo et hominibus superbia et execrabilis omnis iniquitas gentium

7. Odibilis coram Deo est et hominibus superbia, et utrisque execrabilis omnis vexatio.

8. regnum a gente in gentem transfertur propter iniustitias et iniurias et contumelias et diversos dolos

8. Regnum a gente in gentem transfertur propter iniustitias et contumelias et divitias dolosas.

9. avaro autem nihil est scelestius quid superbit terra et cinis

9. Avaro autem nihil est scelestius, hic enim et animam suam venalem habet.

10. nihil est iniquius quam amare pecuniam hic enim et animam suam venalem habet quoniam in vita sua projecit intima sua

10. Quid superbit terra et cinis? Quoniam in vita sua proiecit intima sua.

11. omnis potentatus brevis via

11. Languor prolixior gravat medicum, brevis languor serenat medicum.

12. brevem languorem præcidit medicus sic et rex hodie est et cras morietur

12. Omnis potentatus brevis vita, sic et rex hodie est et cras morietur.

13. cum enim moritur homo hereditabit serpentes et bestias et vermes

13. Cum enim morietur homo, hereditabit serpentes et bestias et vermes.

14. initium superbiæ hominis apostatare a Deo

14. Initium superbiae hominis apostatare a Deo;

15. quoniam ab eo qui fecit illum recessit cor ejus quoniam initium peccati omnis superbia qui tenuerit illam adimplebitur maledictis et subvertet eos in finem

15. et ab eo, qui fecit illum, recessit cor eius. Quoniam initium omnis peccati est superbia, qui tenuerit illam, ebulliet maledictum, et subvertet eum in finem.

16. propterea exhonoravit Dominus conventus malorum et destruxit eos usque in finem

16. Propterea mirabiles fecit Dominus plagas malorum et destruxit eos usque in finem.

17. sedes ducum superborum destruxit Deus et sedere fecit mites pro illis

17. Sedes ducum superborum destruxit Deus et sedere fecit mites pro eis.

18. radices gentium superbarum arefecit Deus et plantavit humiles ex ipsis gentibus

18. Radices gentium superbarum eradicavit Deus et plantavit humiles pro ipsis.

19. terras gentium evertit Dominus et perdidit eas usque ad fundamentum

19. Terras gentium evertit Dominus et perdidit eas usque ad fundamentum.

20. arefecit ex ipsis et disperdidit illos et cessare fecit memoriam eorum a terra

20. Arefecit ex ipsis et disperdidit eos et cessare fecit memoriam eorum a terra.

21. perdidit Deus memoriam superborum et reliquit memoriam humilium sensu

21. Memoriam superborum perdidit Deus et reliquit memoriam humilium sensu.

22. non est creata hominibus superbia neque iracundia nationi mulierum

22. Non est creata hominibus superbia, neque iracundia nato mulierum.

23. semen hominum honorabitur hoc quod timet Dominum semen autem hoc exhonorabitur hominum quod præterit mandata Domini

23. Semen hominum honoratum hoc, quod timet Deum; semen autem hoc exhonorabitur, quod praeterit mandata Domini.

24. in medio fratrum rector illorum in honore et qui timent Deum erunt in oculis illius

24. In medio fratrum rector illorum in honore; et, qui timent Dominum, erunt in oculis illius.

25. gloria divitum honoratorum et pauperum timor Dei est

25. Peregrinus, advena et pauper: timor Dei est gloria eorum.

26. non despicere hominem justum pauperem et non magnificare virum peccatorem divitem

26. Noli despicere hominem iustum pauperem et noli magnificare virum peccatorem divitem.

27. magnus est judex et potens est in honore et non est major illo qui timet Deum

27. Magnus et iudex et potens est in honore, sed non est maior illo, qui timet Deum.

28. servo sensato liberi servient et vir prudens disciplinatus non murmurabit correptus et inscius non honorabitur

28. Servo sensato liberi servient; et vir prudens et disciplinatus non murmurabit correptus.

29. noli te extollere in faciendo opere tuo et noli cunctari in tempore angustiæ

29. Noli extollere te in faciendo opere tuo et noli gloriari in tempore angustiae tuae.

30. melior est qui operatur et abundat in omnibus quam qui gloriatur et eget panem

30. Melior est, qui operatur et abundat in omnibus, quam qui gloriatur et eget pane.

31. fili in mansuetudine serva animam tuam et da illi honorem secundum meritum suum

31. Fili, in mansuetudine honora animam tuam et da illi victum cultumque secundum meritum suum.

32. peccantem in animam suam quis justificabit et quis honorificabit exhonorantem animam suam

32. Peccantem in animam suam quis iustificabit? Et quis honorificabit exhonorantem animam suam?

33. pauper gloriatur per disciplinam et timorem suum et est homo qui honorificatur propter substantiam suam

33. Est pauper, qui honoratur propter disciplinam et timorem suum, et est homo, qui honorificatur propter substantiam suam.

34. qui gloriatur in paupertate quanto magis in substantia et qui gloriatur in substantia paupertatem vereatur

34. Qui autem honoratur in paupertate, quanto magis in substantia! Et, qui exhonoratur in substantia, quanto magis in paupertate!