Liber Ecclesiasticus, 9
1. non zeles mulierem sinus tui ne ostendas super te malitiam doctrinæ nequam
1. Non zeles mulierem sinus tui, ne doceas contra te notitiam ne quam.
2. non des mulieri potestatem animæ tuæ ne ingrediatur in virtute tua et confundaris
2. Non des mulieri potestatem animae tuae, ne ingrediatur in virtutem tuam, et confundaris.
3. ne respicias mulierem multivolam ne forte incidas in laqueos illius
3. Ne adeas ad mulierem multivolam, ne forte incidas in laqueos illius.
4. cum psaltrice ne adsiduus sis nec audias illam ne forte pereas in efficacia illius
4. Cum psaltria ne assiduus sis nec audias illam, ne forte pereas in efficacitate illius.
5. virginem ne conspicias ne forte scandalizeris in decore illius
5. Virginem ne conspicias, ne forte scandalizeris in decore illius.
6. non des fornicariis animam tuam in nullo ne perdas te et hereditatem tuam
6. Ne des fornicariis animam tuam in ullo, ne perdas te et hereditatem tuam.
7. noli conspicere in vicis civitatis nec oberraveris in plateis illius
7. Noli circumspicere in vicis civitatis, nec oberraveris in plateis illius.
8. averte faciem tuam a muliere compta et non circumspicias speciem alienam
8. Averte faciem tuam a muliere compta et ne circumspicias speciem alienam.
9. propter speciem mulieris multi perierunt et ex hoc concupiscentia quasi ignis exardescit
9. Propter speciem mulieris multi perierunt, et ex hoc concupiscentia quasi ignis exardescit. (10. 11)
10. omnis mulier quæ est fornicaria quasi stercus in via conculcatur
10.
11. speciem mulieris alienæ multi admirati reprobi facti sunt conloquium enim illius quasi ignis exardescit
11.
12. cum aliena muliere non accumbas super cubitum cum aliena muliere ne sedeas omnino nec accumbas cum ea super cubitum
12. Cum alterius muliere ne sedeas omnino nec accumbas cum ea super cubitum in vino,
13. et non alterceris cum ea in vino ne forte declinet cor tuum in illa et sanguine tuo labaris in perditionem
13. ne forte declinet cor tuum in illam, et sanguine tuo labaris in perditionem.
14. ne derelinquas amicum antiquum novus enim non erit similis illi
14. Ne derelinquas amicum antiquum: novus enim non erit similis illi.
15. vinum novum amicus novus veterescat et cum suavitate bibes illud
15. Vinum novum amicus novus: veterascet, et cum suavitate bibes illud.
16. non zeles gloriam et opes peccatoris non enim scis quæ futura sit illius subversio
16. Non zeles gloriam et opes peccatoris; non enim scis quae futura sit illius subversio.
17. non placeat tibi iniuria iniustorum sciens quoniam usque ad inferos non placebit impius
17. Non placeat tibi prosperitas iniustorum sciens quoniam usque ad inferos non iustificabuntur.
18. longe abesto ab homine potestatem habente occidendi et non suspicaberis timorem mortis
18. Longe abesto ab homine potestatem habente occidendi et non suspicaberis timorem mortis;
19. et si accesseris ad illum noli aliquid committere ne forte auferat vitam tuam
19. et, si accesseris ad illum, noli aliquid committere, ne forte auferat vitam tuam.
20. communionem mortis scito quoniam in medium laqueorum ingredieris et super dolentium arma ambulabis
20. Communionem mortis scito, quoniam in medio laqueorum ingredieris et super retia ambulabis.
21. secundum virtutem tuam cave te a proximo et cum sapientibus et prudentibus tracta
21. Secundum virtutem tuam conversare cum proximo tuo et cum sapientibus et prudentibus tracta.
22. viri justi sint tibi convivæ et in timore Dei sit gloriatio tibi
22. Et cum sensato sit cogitatus tuus, et omnis enarratio tua in praeceptis Altissimi.
23. et in sensu sit tibi cogitatus et omnis narratio tua in præceptis Altissimi
23. Viri iusti sint tibi convivae, et in timore Dei sit tibi gloriatio.
24. in manus artificum opera laudabitur et princeps populi in sapientia sermonis sui in sensu vero seniorum verbum
24. In manu artificum opera laudabuntur, et princeps populi in sapientia sermonis sui, in sensu vero seniorum verbum.
25. terribilis est in civitate sua homo linguosus et temerarius in verbo suo odibilis erit
25. Terribilis est in civitate sua homo linguosus, et temerarius in verbo suo odibilis erit.
