Liber Ecclesiasticus, 25

1. in tribus placitum est spiritui meo quæ sunt probata coram Deo et hominibus

1. In tribus placitum est spiritui meo, quae sunt probata coram Deo et hominibus:

2. concordia fratrum et amor proximorum et vir et mulier sibi consentientes

2. concordia fratrum et amor proximorum et vir et mulier bene sibi consentientes.

3. tres species odivit anima mea et adgravor valde animæ illorum

3. Tres species odivit anima mea, et aggravor valde animae illorum:

4. pauperem superbum et divitem mendacem et senem fatuum et insensatum

4. pauperem superbum, divitem mendacem, senem fatuum et insensatum.

5. in juventute tua non congregasti et quomodo invenies eam in senectute tua

5. In iuventute tua non congregasti; quomodo in senectute tua invenies?

6. quam speciosum canitiæ judicium et presbyteris cognoscere consilium

6. Quam speciosum canitiei iudicium, et presbyteris cognoscere consilium!

7. quam speciosa veteranis sapientia et gloriosis intellectus et consilium

7. Quam speciosa veteranis sapientia, et gloriosis intellectus et consilium!

8. corona senum multa peritia et gloria illorum timor Dei

8. Corona senum multa peritia, et gloria illorum timor Dei.

9. novem insuspicabilia cordis magnificavi et decimum dicam in lingua hominibus

9. Novem insuspicabilia cordis magnificavi, et decimum dicam in lingua hominibus:

10. homo qui jucundatur in filiis vivens et videns subversionem inimicorum

10. homo, qui iucundatur in filiis, vivens et videns subversionem inimicorum suorum;

11. beatus qui inhabitat cum muliere sensata et qui in lingua sua non est lapsus et qui non servivit indignis se

11. beatus, qui habitat cum muliere sensata et non arat in bove et in asino simul; et qui lingua sua non est lapsus, et qui non servivit indigno se;

12. beatus qui invenit amicum verum et qui enarrat justitiam auri audienti

12. beatus, qui invenit amicum verum, et qui enarrat iustitiam auri audienti;

13. quam magnus qui invenit sapientiam et scientiam sed non est super timentem Deum

13. quam magnus, qui invenit sapientiam et scientiam, sed non est super timentem Dominum.

14. timor Dei super omnia superposuit

14. Timor Dei super omnia excedit;

15. beatus cui donatum est habere timorem Dei qui tenet illum cui adsimilabitur

15. qui tenet illum, cui assimilabitur?

16. timor Dei initium dilectionis ejus fidei autem initium adglutinandum est ei

16. Timor Dei initium dilectionis eius; fides autem initium adhaesionis ei.

17. omnis plaga tristitia cordis est et omnis malitia nequitia mulieris est

17. Omnis plaga tristitia cordis est, et omnis malitia nequitia mulieris.

18. et omnem plagam et non plagam videbit cordis

18. Et omnem plagam et non plagam cordis;

19. et omnem nequitiam et non nequitiam mulieris

19. et omnem nequitiam et non nequitiam mulieris;

20. et omnem obductum et non obductum odientium

20. et omnem calamitatem et non calamitatem odientium;

21. et omnem vindictam et non vindictam inimicorum

21. et omnem vindictam et non vindictam inimicorum.

22. non est caput nequius super caput colubri

22. Non est venenum nequius super venenum colubri,

23. et non est ira super iram inimici commorari leoni et draconi placebit quam habitare cum muliere nequa

23. et non est ira super iram mulieris; commorari leoni et draconi placebit quam habitare cum muliere nequam.

24. nequitia mulieris inmutat faciem ejus et obcæcabit vultum suum tamquam ursus et quasi saccum ostendit in medio proximorum ejus

24. Nequitia mulieris immutat faciem eius et obscurat vultum eius tamquam ursus. In medio proximorum eius accumbet vir eius

25. et audiens suspirabit modicum

25. et invitus suspirabit amare.

26. brevis malitia super malitiam mulieris sors peccatorum cadat super illam

26. Parva omnis malitia prae malitia mulieris: sors peccatorum cadat super illam.

27. ascensus harenosus in pedibus veterani sic mulier linguata homini quieto

27. Sicut ascensus arenosus in pedibus veterani, sic mulier linguata homini quieto.

28. ne respicias in mulieris speciem et non concupiscas mulierem in specie

28. Ne incidas in mulieris speciem et non concupiscas mulieris opes.

29. mulieris ira et inreverentia et confusio magna

29. Ira et irreverentia et confusio magna

30. mulier si primatum habeat contraria est viro suo

30. mulier, si primatum habeat super virum suum.

31. cor humile et facies tristis et plaga mortis mulier nequa

31. Cor humile et facies tristis et plaga cordis mulier nequam.

32. manus debiles et genua dissoluta mulier quæ non beatificat virum suum

32. Manus debiles et genua dissoluta mulier, quae non beatificat virum suum.

33. a muliere initium factum est peccati et per illam omnes morimur

33. A muliere initium factum est peccati, et per illam omnes morimur.

34. non des aquæ tuæ exitum nec modicum nec mulieri nequa veniam prodeundi

34. Non des aquae tuae exitum, nec modicum, nec mulieri nequam veniam prodeundi.

35. si non ambulaverit ad manum tuam et confundet te in conspectu inimicorum

35. Si non ambulaverit ad manum tuam, confundet te in conspectu inimicorum;

36. a carnibus tuis abscide illam ne semper te abutatur

36. a carnibus tuis abscinde illam et dimitte illam de domo tua.