Liber Ecclesiasticus, 29
1. de fenore qui facit misericordiam fenerat proximum et qui prævalet manu mandata servat
1. Qui facit misericordiam, feneratur proximo suo; et, qui confortat manu, mandata servat.
2. fenera proximum tibi in tempore necessitatis illius et iterum redde proximo in tempore suo
2. Fenerare proximo tuo in tempore necessitatis illius et iterum redde proximo in tempore suo.
3. confirma verbum et fideliter age cum illo et in omni tempore invenies quod tibi necessarium est
3. Confirma verbum et fideliter age cum illo, et omni tempore invenies, quod tibi necessarium est.
4. multi quasi inventionem æstimaverunt fenus et præstiterunt molestiam his qui se adiuvaverunt
4. Multi quasi inventionem aestimaverunt fenus et praestiterunt molestiam his, qui se adiuverunt.
5. donec accipiant osculantur manum dantis et in promissionibus humiliant vocem suam
5. Donec accipiat, osculatur manus dantis et de possessionibus proximi humiliat vocem suam;
6. et in tempore redditionis postulabit tempus et loquetur verba acediæ et murmurationum et tempus causabitur
6. et in tempore redditionis postulabit tempus, et reddet verba taedii et murmurationum et tempus causabitur.
7. si autem potuerit reddere aversatus solide vix reddet dimidium et conputabit illud quasi inventionem
7. Si autem potuerit reddere, adversabitur; solidi vix reddet dimidium et computabit illud quasi inventionem.
8. sin autem fraudavit illum pecunia sua et possidebit illum inimicum gratis
8. Sin autem, fraudabit illum pecunia sua et possidebit illum inimicum gratis.
9. et convicia et maledicta reddet illi et pro honore et beneficio reddet illi contumeliam
9. Et convicia et maledicta reddet illi et pro honore et beneficio reddet illi contumeliam.
10. multi non causa nequitiæ non feneraverunt sed fraudari gratis timuerunt
10. Multi non causa nequitiae non fenerati sunt, sed fraudari gratis timuerunt.
11. verumtamen super humilem animo fortior esto et pro elemosyna non trahas illum
11. Verumtamen super humilem longanimis esto et pro eleemosyna non trahas illum.
12. propter mandatum adsume pauperem et propter inopiam ejus ne dimittas illum vacuum
12. Propter mandatum assume pauperem et propter inopiam eius ne dimittas eum vacuum.
13. perde pecuniam pro fratre et amico et non abscondas illam sub lapide in perditionem
13. Perde pecuniam propter fratrem et amicum tuum et non abscondas illam sub lapide in perditionem.
14. pone thesaurum tuum in præceptis Altissimi et proderit tibi magis quam aurum
14. Pone thesaurum tuum in praeceptis Altissimi, et proderit tibi magis quam aurum.
15. conclude elemosynam in corde pauperis et hæc pro te exorabit ab omni malo
15. Conclude eleemosynam in corde pauperis, et haec pro te exorabit ab omni malo. (16 17)
16. super scutum potentis et super lanceam
16.
17. adversus inimicum tuum pugnabit
17.
18. vir bonus fidem facit proximo suo et qui perdiderit confusionem derelinquet sibi
18. Super scutum roboris et super lanceam ponderis adversus inimicum tuum pugnabit pro te.
19. gratiam fidejussoris ne obliviscaris dedit enim pro te animam suam
19. Vir bonus fidem facit pro proximo suo; et, qui perdiderit confusionem, fugiet repromissorem.
20. repromissorem fugit peccator et inmundus
20. Gratiam fideiussoris ne obliviscaris: dedit enim pro te animam suam. (21)
21. bona repromissoris sibi adscribit peccator et ingratus sensu derelinquet liberantem se
21.
22. vir repromittit de proximo suo et cum perdiderit reverentiam relinquetur ab eo
22. Bona repromissoris dissipabit peccator, et ingratus sensu derelinquet liberantem se. (23)
23. repromissio nequissima multos perdidit dirigentes et commovit illos quasi fluctus maris
23.
24. viros potentes gyrans migrare fecit et vagati sunt in gentibus alienis
24. Repromissio multos perdidit recte agentes et commovit illos quasi fluctus maris;
25. peccator transgrediens mandata Domini incidet in promissionem nequa et qui conatur multa agere incidet in judicium
25. viros potentes transmigrare fecit, et vagati sunt in gentibus alienis.
26. recupera proximum secundum virtutem tuam et adtende tibi ne incidas
26. Peccator transgrediens mandata Domini incidet in repromissionem, et, qui conatur lucrum sectari, incidet in iudicium.
27. initium vitæ aqua et panis et vestimentum et domus protegens turpitudinem
27. Sponde pro proximo secundum virtutem tuam, sed attende tibi, ne incidas.
28. melior victus pauperis sub tegimen asserum quam epulæ splendidæ in peregre sine domicilio
28. Initium vitae hominis aqua et panis et vestimentum et domus protegens turpitudinem.
29. super minimum et magnum placeat tibi et inproperium peregrinationis non audies
29. Melior est victus pauperis sub tegmine asserum quam epulae splendidae in peregre sine domicilio.
30. vita nequa hospitandi de domo in domum et ubi hospitabitur non fiducialiter aget nec aperiet os
30. Super parvo et magno placeat tibi, et improperium peregrinationis non audies.
31. hospitabit et pascet et potabit ingratos et ad hæc amara audiet
31. Vita nequam hospitandi de domo in domum, et ubi hospitabitur, non fiducialiter aget, nec aperiet os.
32. transi hospes et orna mensam et quæ in manu habes ciba ceteros
32. Hospitaberis et pasceris et potaberis sine gratia, et ad haec amara audiet:
33. exi a facie honoris amicorum meorum necessitudine domus meæ hospitio mihi factus est frater
33. “Transi, hospes, et orna mensam et, si quae in manu habes, ciba me!”.
34. gravia hæc homini habenti sensum correptio domus et inproperium feneratoris
34. “Exi a facie honoratioris! Necessitudine domus meae hospitio mihi factus est frater”.
35.
35. Gravia haec homini habenti sensum: obiurgatio peregrinationis et improperium feneratoris.
