Liber Ecclesiasticus, 18
1. qui vivit in æternum creavit omnia simul Deus solus justificabitur et manet invictus rex in æternum
1. Qui vivit in aeternum, creavit omnia simul. Deus solus iustificabitur et manet invictus rex in aeternum.
2. quis sufficit enarrare opera illius
2. Quis sufficit enarrare opera illius?
3. quis enim investigabit magnalia ejus
3. Et quis investigabit magnalia eius?
4. virtutem autem magnitudinis ejus quis enuntiabit et quis adiciet enarrare misericordiam ejus
4. Virtutem autem magnitudinis eius quis enuntiabit? Aut quis adiciet enarrare misericordiam eius?
5. non est minuere neque adicere nec est invenire magnalia Dei
5. Non est minuere neque adicere nec est invenire magnalia Dei;
6. cum consummaverit homo tunc incipit et cum quieverit operabitur
6. cum consummaverit homo, tunc incipiet et, cum quieverit, aporiabitur.
7. quid homo et quæ gratia illius et quid bonum aut quid nequam illius
7. Quid est homo, quis defectus, et quae est utilitas illius? Et quid est bonum, aut quid nequam illius?
8. numerus dierum hominum multum centum anni quasi guttæ aquæ a mare et sicut calculus harenæ sic exigui anni in die ævi
8. Numerus dierum hominum ut multum centum anni, quasi gutta aquae maris deputati sunt, et sicut calculus arenae, sic exigui anni in die aevi.
9. propter hoc patiens est Deus in illis et effudit super eos misericordiam suam
9. Propter hoc patiens est Deus in illis et effundit super eos misericordiam suam.
10. vidit præsumptionem cordis illorum quoniam mala est et cognovit subversionem illorum quoniam nequa est
10. Vidit praesumptionem cordis eorum, quoniam mala est; et cognovit subversionem illorum, quoniam nequam est.
11. ideo adimplevit propitiationem suam in illis et ostendit illis viam æquitatis
11. Ideo adimplevit propitiationem suam in illis et ostendit eis viam aequitatis.
12. miseratio hominis circa proximum suum misericordia autem Dei super omnem carnem
12. Miseratio hominis circa proximum suum, misericordia autem Dei super omnem carnem.
13. qui misericordiam habet et docet erudit quasi pastor gregem suum
13. Qui reprehendit, docet et erudit quasi pastor dirigens gregem suum.
14. misereatur excipiens doctrinam miserationis et qui festinant in judiciis ejus
14. Miseretur excipientibus doctrinam miserationis et festinantibus in iudiciis eius.
15. fili in bonis non des querellam et omni dato non des tristitiam verbi mali
15. Fili, in bonis non des querelam et in omni dato non des tristitiam verbi mali.
16. nonne ardorem refrigerabit ros sic et verbum melius quam datus
16. Nonne ardorem refrigerabit ros? Sic et verbum melius quam datum.
17. nonne ecce verbum super datum bonum et utraque cum homine justificato
17. Nonne ecce verbum super datum bonum? Sed utraque cum homine gratioso.
18. stultus achariter inproperabit et datus indisciplinati tabescere facit oculos
18. Stultus acriter improperabit, et datus indisciplinati tabescere facit oculos.
19. ante judicium para justitiam tibi et antequam loquaris disce
19. Ante iudicium para advocatum tibi et, antequam loquaris, disce.
20. ante languorem adhibe medicinam et ante judicium interroga te ipsum et in conspectu Dei invenies propitiationem
20. Ante languorem adhibe medicinam et ante iudicium interroga teipsum et in hora visitationis invenies propitiationem.
21. ante languorem humilia te et in tempore infirmitatum ostende conversationem tuam
21. Ante languorem humilia te et in tempore peccati ostende conversionem tuam.
22. non inpediaris operari semper et non veteris usque ad mortem justificari quoniam merces Dei manet in æternum
22. Non sinas te impediri reddere votum tempore opportuno et ne tardes usque ad mortem iustificari, quoniam merces Dei manet in aeternum.
23. ante orationem præpara animam tuam et noli esse quasi homo qui temptat Deum
23. Ante votum praepara animam tuam et noli esse quasi homo, qui tentat Dominum.
24. memento iræ in die consummationis et tempus retributionis in conversatione facies
24. Memento irae in die consummationis et, suo tempore, retributionis in conversione faciei.
25. memento paupertatis in tempore abundantiæ et necessitatem paupertatis in die divitiarum
25. Memento famis in tempore abundantiae et necessitatum paupertatis in die divitiarum.
26. a mane usque ad vesperam mutatur tempus et hæc omnia citata in oculis Dei
26. A mane usque ad vesperam mutatur tempus, et haec omnia citata in oculis Dei.
27. homo sapiens in omnibus metuet et in diebus delictorum adtendet ab inertia
27. Homo sapiens in omnibus metuet et in diebus delictorum cavebit a malitia.
28. omnis astutus agnovit sapientiam et invenienti eam dabit confessionem
28. Omnis astutus agnoscit sapientiam et invenienti eam dabit confessionem.
29. sensati in verbis et ipsi sapienter egerunt et intellexerunt veritatem et justitiam et inploraverunt proverbia et judicia
29. Sensati in verbis et ipsi sapienter egerunt et intellexerunt veritatem et iustitiam et effuderunt tamquam pluviam proverbia et iudicia.
30. de continentia animæ post concupiscentias tuas non eas et a voluntate tua avertere
30. De continentia animae. Post concupiscentias tuas non eas et a voluptatibus tuis te contine;
31. si præstes animæ tuæ concupiscentiam ejus faciet te in gaudium inimicis
31. si praestes animae tuae beneplacitum concupiscentiae, faciet te in gaudium inimicis tuis.
32. ne oblecteris in turbis nec in modicis ad duas est enim commissio illorum
32. Ne oblecteris in multa epulatione; duplex enim portio est paupertas illius.
33. ne fueris mediocris in contentione ex fenore et non est tibi nihil in sacculo eris enim invidus tuæ vitæ
33. Ne fueris ganeo et potator, cum nihil tibi est in sacculo: eris enim invidus vitae tuae.
