Liber Iosue, 15

1. igitur sors filiorum Judæ per cognationes suas ista fuit a termino Edom desertum Sin contra meridiem et usque ad extremam partem australis plagæ

1. Sors tribus filiorum Iudae per cognationes suas ista fuit: usque ad terminum Edom, ad desertum Sin contra Nageb, usque ad extremam partem australis plagae.

2. initium ejus a summitate maris Salsissimi et a lingua ejus quæ respicit meridiem

2. Terminus eius meridionalis a summitate maris Salsissimi et a lingua eius, quae respicit meridiem.

3. egrediturque contra ascensum Scorpionis et pertransit in Sina ascenditque in Cadesbarne et pervenit in Esrom ascendens Addara et circumiens Caricaa

3. Egrediturque contra ascensum Acrabbim et pertransit in Sin ascenditque in meridie Cadesbarne et pervenit in Esron ascendens ad Addar et vertitur in Carca;

4. atque inde pertransiens in Asemona et perveniens ad torrentem Ægypti eruntque termini ejus mare Magnum hic erit finis meridianæ plagæ

4. atque inde pertransiens in Asemona pervenit ad torrentem Aegypti; eruntque exitus eius ad mare Magnum: hic erit vobis finis meridianae plagae.

5. ab oriente vero erit initium mare Salsissimum usque ad extrema Jordanis et ea quæ respiciunt aquilonem a lingua maris usque ad eundem Jordanem fluvium

5. Ab oriente vero terminus erit mare Salsissimum usque ad extrema Iordanis. Terminus aquilonis a lingua maris et ab extremis Iordanis

6. ascenditque terminus in Bethagla et transit ab aquilone in Betharaba ascendens ad lapidem Bœm filii Ruben

6. ascendit in Bethagla et transit ab aquilone Betharaba ascendens ad lapidem Boen filii Ruben

7. et tendens usque ad terminos Debera de valle Achor contra aquilonem respiciens Galgala quæ est ex adverso ascensionis Adommim ab australi parte torrentis transitque aquas quæ vocantur fons Solis et erunt exitus ejus ad fontem Rogel

7. et ascendens ad Dabir de valle Achor et contra aquilonem vergens ad Galiloth (hi sunt circuli), qui sunt ex adverso ascensionis Adommim, quae est ab australi parte torrentis, transit ad aquas, quae vocantur fons Solis, et erunt exitus eius ad fontem Rogel.

8. ascenditque per convallem filii Ennom ex latere Jebusei ad meridiem hæc est Hierusalem et inde se erigens ad verticem montis qui est contra Gehennom ad occidentem in summitate vallis Rafaim contra aquilonem

8. Ascenditque per convallem Benennom ex latere Iebusaei ad meridiem — haec est Ierusalem — et inde se erigens ad verticem montis, qui est contra vallem Ennom ad occidentem in extrema parte vallis Raphaim contra aquilonem;

9. pertransitque a vertice montis usque ad fontem aquæ Nepthoa et pervenit usque ad vicos montis Ephron inclinaturque in Bala quæ est Cariathiarim id est urbs Silvarum

9. pertransitque a vertice montis usque ad fontem aquae Nephtoa et pervenit usque ad vicos montis Ephron inclinaturque in Baala, quae est Cariathiarim.

10. et circuit de Bala contra occidentem usque ad montem Seir transitque juxta latus montis Jarim ad aquilonem in Cheslon et descendit in Bethsames transitque in Thamna

10. Et vergit de Baala contra occidentem usque ad montem Seir transitque iuxta latus montis Iarim ad aquilonem — id est Cheslon — et descendit in Bethsames transitque in Thamna

11. et pervenit contra aquilonem partis Accaron ex latere inclinaturque Sechrona et transit montem Baala pervenitque in Jebnehel et maris Magni contra occidentem fine concluditur

11. et pervenit ad latus septentrionale Accaron inclinaturque in Sechron et transit montem Baala pervenitque in Iebneel et finitur mari. Terminus occidentalis est mare Magnum.

12. hii sunt termini filiorum Juda per circuitum in cognationibus suis

12. Hi sunt termini filiorum Iudae per circuitum in cognationibus suis.

13. Chaleb vero filio Jepphonne dedit partem in medio filiorum Juda sicut præceperat ei Dominus Cariatharbe patris Enach ipsa est Hebron

13. Chaleb vero filio Iephonne dedit partem in medio filiorum Iudae, sicut praeceperat Dominus Iosue: Cariatharbe (id est civitas Arbe), patris Enac, ipsa est Hebron.

14. delevitque ex ea Chaleb tres filios Enach Sesai et Ahiman et Tholmai de stirpe Enach

14. Delevitque ex ea Chaleb tres filios Enac: Sesai et Ahiman et Tholmai de stirpe Enac.

15. atque inde conscendens venit ad habitatores Dabir quæ prius vocabatur Cariathsepher id est civitas Litterarum

15. Atque inde conscendens venit ad habitatores Dabir, quae prius vocabatur Cariathsepher (id est civitas Litterarum).

16. dixitque Chaleb qui percusserit Cariathsepher et ceperit eam dabo illi Axam filiam meam uxorem

16. Dixitque Chaleb: “Qui percusserit Cariathsepher et ceperit eam, dabo illi Axam filiam meam uxorem”.

17. cepitque eam Othonihel filius Cenez frater Chaleb junior deditque ei Axam filiam suam uxorem

17. Cepitque eam Othoniel filius Cenez frater Chaleb, deditque ei Axam filiam suam uxorem.

18. quæ cum pergerent simul suasit viro ut peteret a patre suo agrum suspiravitque ut sedebat in asino cui Chaleb quid habes inquit

18. Quae cum veniret, suasit viro suo, ut peteret a patre suo agrum; descenditque de asino. Cui Chaleb: “Quid habes?”, inquit.

19. at illa respondit da mihi benedictionem terram australem et arentem dedisti mihi junge et inriguam dedit itaque ei Chaleb inriguum superius et inferius

19. At illa respondit: “Da mihi benedictionem. Terram Nageb arentem dedisti mihi; iunge et irriguam”. Dedit itaque ei Chaleb irriguum superius et inferius.

20. hæc est possessio tribus filiorum Juda per cognationes suas

20. Haec est possessio tribus filiorum Iudae per cognationes suas.

21. erantque civitates ab extremis partibus filiorum Juda juxta terminos Edom a meridie Cabsehel et Eder et Jagur

21. Erantque civitates ab extremis partibus filiorum Iudae iuxta terminos Edom in Nageb: Cabseel et Eder et Iagur

22. et Cina et Dimona Adeda

22. et Cina et Dimona et Adada

23. et Cedes et Asor Jethnan

23. et Cades et Asor et Iethnan,

24. Zif et Thelem Baloth

24. Ziph et Telem et Baloth

25. et Asor nova et Cariothesrom hæc est Asor

25. et Asorhadatta et Carioth, Esron — haec est Asor —

26. Aman Same et Molada

26. Amam et Sama et Molada

27. et Asergadda et Asemon Bethfeleth

27. et Asargadda et Hasemon et Bethphelet

28. et Asersual et Bersabee et Baziothia

28. et Asarsual et Bersabee et Baziothia,

29. Bala et Hiim Esem

29. Baala et Iim et Esem

30. et Heltholad Exiil et Harma

30. et Eltholad et Cesil et Horma

31. Siceleg et Medemena et Sensenna

31. et Siceleg et Madmena et Sensenna

32. Lebaoth et Selim et Ænremmon omnes civitates viginti novem et villæ earum

32. et Lebaoth et Selim et Enremmon: omnes civitates viginti novem et villae earum.

33. in campestribus vero Esthaul et Saraa et Asena

33. In campestribus vero: Esthaol et Saraa et Asena

34. et Azanœ et Ængannim Thaffua et Ænaim

34. et Zanoa et Engannim, Thapphua et Enaim,

35. et Hierimoth Adulam Soccho et Azeca

35. Ierimoth et Odollam, Socho et Azeca

36. et Saraim Adithaim et Gedera et Giderothaim urbes quattuordecim et villæ earum

36. et Saarim et Adithaim et Gedera et Gederothaim: urbes quattuordecim et villae earum.

37. Sanan et Adesa et Magdalgad

37. Sanan et Hadasa et Magdalgad

38. Delean et Mesfa et Jecthel

38. et Delean et Maspha et Iecethel,

39. Lachis et Bascath et Aglon

39. Lachis et Bascath et Eglon

40. Thebbon et Lehemas et Chethlis

40. et Chebbon et Lehemas et Cethlis

41. et Gideroth Bethdagon et Neema et Maceda civitates sedecim et villæ earum

41. et Gederoth, Bethdagon et Naama et Maceda: civitates sedecim et villae earum.

42. Labana et Æther et Asan

42. Lobna et Ether et Asan

43. Jeptha et Esna et Nesib

43. et Iephtha et Esna et Nesib

44. Ceila et Achzib et Maresa civitates novem et villæ earum

44. et Ceila et Achzib et Maresa: civitates novem et villae earum.

45. Accaron cum vicis et villulis suis

45. Accaron cum filiabus et villulis suis;

46. ab Accaron usque ad mare omnia quæ vergunt ad Azotum et viculos ejus

46. ab Accaron usque ad mare: omnia, quae sunt ad latus Azoti, et viculos eorum,

47. Azotus cum vicis et villulis suis Gaza cum viculis et villulis suis usque ad torrentem Ægypti mare Magnum terminus ejus

47. Azotus cum filiabus et villulis suis, Gaza cum filiabus et villulis suis usque ad torrentem Aegypti, et mare Magnum terminus.

48. et in monte Samir et Jether et Soccho

48. Et in monte: Samir et Iether et Socho

49. et Edenna Cariathsenna hæc est Dabir

49. et Danna et Cariathsenna — haec est Dabir —

50. Anab et Isthemo et Anim

50. et Anab et Esthemo et Anim

51. Gosen et Olon et Gilo civitates undecim et villæ earum

51. et Gosen et Helon et Gilo: civitates undecim et villae earum.

52. Arab et Roma et Esaan

52. Arab et Duma et Esaan

53. Janum et Bethafua et Afeca

53. et Ianum et Beththapphua et Apheca

54. Ammatha et Cariatharbe hæc est Hebron et Sior civitates novem et villæ earum

54. et Ammatha et Cariatharbe — haec est Hebron — et Sior: civitates novem et villae earum.

55. Maon et Chermel et Zif et Jotæ

55. Maon et Carmel et Ziph et Iutta

56. Jezrehel et Jucadam et Zanœ

56. et Iezrahel et Iucadam et Zanoa,

57. Accaim Gebaa et Thamna civitates decem et villæ earum

57. Accain, Gabaa et Thamna: civitates decem et villae earum.

58. Alul et Bethsur et Gedor

58. Halhul, Bethsur et Gedor

59. Mareth et Bethanoth et Elthecen civitates sex et villæ earum

59. et Mareth et Bethanoth et Eltecon: civitates sex et villae earum. Thecue et Ephratha — haec est Bethlehem — et Phegor et Etam et Culon et Tatam et Sores et Carem et Gallim et Bether et Manahath: civitates undecim et villae earum.

60. Cariathbaal hæc est Cariathiarim urbs Silvarum et Arebba civitates duæ et villæ earum

60. Cariathbaal — haec est Cariathiarim (urbs Silvarum) — et Arebba: civitates duae et villae earum.

61. in deserto Betharaba Meddin et Schacha

61. In deserto: Betharaba, Meddin et Sachacha

62. Anepsan et civitas Salis et Engaddi civitates sex et villæ earum

62. et Nebsan et civitas Salis et Engaddi: civitates sex et villae earum.

63. Jebuseum autem habitatorem Hierusalem non potuerunt filii Juda delere habitavitque Jebuseus cum filiis Juda in Hierusalem usque in præsentem diem

63. Iebusaeum autem habitatorem Ierusalem non potuerunt filii Iudae delere; habitavitque Iebusaeus cum filiis Iudae in Ierusalem usque in praesentem diem.