Znaleziono 20233 Wyniki dla: Re
et judicabit inter populos multos et corripiet gentes fortes usque in longinquum et concident gladios suos in vomeres et hastas suas in ligones non sumet gens adversus gentem gladium et non discent ultra belligerare (Prophetia Michaeae 4, 3)
et sedebit vir subtus vineam suam et subtus ficum suam et non erit qui deterreat quia os Domini exercituum locutum est (Prophetia Michaeae 4, 4)
in die illa dicit Dominus congregabo claudicantem et eam quam ejeceram colligam et quam adflixeram (Prophetia Michaeae 4, 6)
et ponam claudicantem in reliquias et eam quæ laboraverat in gentem robustam et regnabit Dominus super eos in monte Sion ex hoc nunc et usque in æternum (Prophetia Michaeae 4, 7)
et tu turris Gregis nebulosa filiæ Sion usque ad te veniet et veniet potestas prima regnum filiæ Hierusalem (Prophetia Michaeae 4, 8)
nunc quare mærore contraheris numquid rex non est tibi aut consiliarius tuus periit quia conprehendit te dolor sicut parturientem (Prophetia Michaeae 4, 9)
dole et satage filia Sion quasi parturiens quia nunc egredieris de civitate et habitabis in regione et venies usque ad Babylonem ibi liberaberis ibi redimet te Dominus de manu inimicorum tuorum (Prophetia Michaeae 4, 10)
et nunc congregatæ sunt super te gentes multæ quæ dicunt lapidetur et aspiciat in Sion oculus noster (Prophetia Michaeae 4, 11)
ipsi autem non cognoverunt cogitationes Domini et non intellexerunt consilium ejus quia congregavit eos quasi fænum areæ (Prophetia Michaeae 4, 12)
surge et tritura filia Sion quia cornu tuum ponam ferreum et ungulas tuas ponam æreas et comminues populos multos et interficiam Domino rapinas eorum et fortitudinem eorum Domino universæ terræ (Prophetia Michaeae 4, 13)
et tu Bethleem Ephrata parvulus es in milibus Juda ex te mihi egredietur qui sit dominator in Israël et egressus ejus ab initio a diebus æternitatis (Prophetia Michaeae 5, 2)
propter hoc dabit eos usque ad tempus in quo parturiens pariet reliquiæ fratrum ejus convertentur ad filios Israël (Prophetia Michaeae 5, 3)
