Epistula I ad Corinthios, 5

1. omnino auditur inter vos fornicatio et talis fornicatio qualis nec inter gentes ita ut uxorem patris aliquis habeat

1. Omnino auditur inter vos for nicatio, et talis fornicatio qualis nec inter gentes, ita ut uxorem patris aliquis habeat.

2. et vos inflati estis et non magis luctum habuistis ut tollatur de medio vestrum qui hoc opus fecit

2. Et vos inflati estis et non magis luctum habuistis, ut tollatur de medio vestrum, qui hoc opus fecit?

3. ego quidem absens corpore præsens autem spiritu jam judicavi ut præsens eum qui sic operatus est

3. Ego quidem absens corpore, praesens autem spiritu, iam iudicavi ut praesens eum, qui sic operatus est,

4. in nomine Domini nostri Jesu Christi congregatis vobis et meo spiritu cum virtute Domini Jesu

4. in nomine Domini nostri Iesu, congregatis vobis et meo spiritu cum virtute Domini nostri Iesu,

5. tradere hujusmodi Satanæ in interitum carnis ut spiritus salvus sit in die Domini Jesu

5. tradere huiusmodi Satanae in interitum carnis, ut spiritus salvus sit in die Domini.

6. non bona gloriatio vestra nescitis quia modicum fermentum totam massam corrumpit

6. Non bona gloriatio vestra. Nescitis quia modicum fermentum totam massam corrumpit?

7. expurgate vetus fermentum ut sitis nova consparsio sicut estis azymi etenim pascha nostrum immolatus est Christus

7. Expurgate vetus fermentum, ut sitis nova consparsio, sicut estis azymi. Etenim Pascha nostrum immolatus est Christus!

8. itaque epulemur non in fermento veteri neque in fermento malitiæ et nequitiæ sed in azymis sinceritatis et veritatis

8. Itaque festa celebremus, non in fermento veteri neque in fermento malitiae et nequitiae, sed in azymis sinceritatis et veritatis.

9. scripsi vobis in epistula ne commisceamini fornicariis

9. Scripsi vobis in epistula: Ne commisceamini fornicariis.

10. non utique fornicariis hujus mundi aut avaris aut rapacibus aut idolis servientibus alioquin debueratis de hoc mundo exisse

10. Non utique fornicariis huius mundi aut avaris aut rapacibus aut idolis servientibus, alioquin debueratis de hoc mundo exisse!

11. nunc autem scripsi vobis non commisceri si is qui frater nominatur est fornicator aut avarus aut idolis serviens aut maledicus aut ebriosus aut rapax cum ejusmodi nec cibum sumere

11. Nunc autem scripsi vobis non commisceri, si is, qui frater nominatur, est fornicator aut avarus aut idolis serviens aut maledicus aut ebriosus aut rapax; cum eiusmodi nec cibum sumere.

12. quid enim mihi de his qui foris sunt judicare nonne de his qui intus sunt vos judicatis

12. Quid enim mihi de his, qui foris sunt, iudicare? Nonne de his, qui intus sunt, vos iudicatis?

13. nam eos qui foris sunt Deus judicabit auferte malum ex vobis ipsis

13. Nam eos, qui foris sunt, Deus iudicabit. Auferte malum ex vobis ipsis!