Trouvé 20233 Résultats pour: Re
dedique cor meum ut scirem prudentiam atque doctrinam erroresque et stultitiam et agnovi quod in his quoque esset labor et adflictio spiritus (Liber Ecclesiastes 1, 17)
eo quod in multa sapientia multa sit indignatio et qui addit scientiam addat et laborem (Liber Ecclesiastes 1, 18)
risum reputavi errorem et gaudio dixi quid frustra deciperis (Liber Ecclesiastes 2, 2)
cogitavi in corde meo abstrahere a vino carnem meam ut animum meum transferrem ad sapientiam devitaremque stultitiam donec viderem quid esset utile filiis hominum quod facto opus est sub sole numero dierum vitæ suæ (Liber Ecclesiastes 2, 3)
extruxi mihi piscinas aquarum ut inrigarem silvam lignorum germinantium (Liber Ecclesiastes 2, 6)
possedi servos et ancillas multamque familiam habui armenta quoque et magnos ovium greges ultra omnes qui fuerunt ante me in Hierusalem (Liber Ecclesiastes 2, 7)
coacervavi mihi argentum et aurum et substantias regum ac provinciarum feci mihi cantores et cantrices et delicias filiorum hominum scyphos et urceos in ministerio ad vina fundenda (Liber Ecclesiastes 2, 8)
et supergressus sum opibus omnes qui fuerunt ante me in Hierusalem sapientia quoque perseveravit mecum (Liber Ecclesiastes 2, 9)
et omnia quæ desideraverunt oculi mei non negavi eis nec prohibui cor quin omni voluptate frueretur et oblectaret se in his quæ paraveram et hanc ratus sum partem meam si uterer labore meo (Liber Ecclesiastes 2, 10)
cumque me convertissem ad universa opera quæ fecerant manus meæ et ad labores in quibus frustra sudaveram vidi in omnibus vanitatem et adflictionem animi et nihil permanere sub sole (Liber Ecclesiastes 2, 11)
transivi ad contemplandam sapientiam erroresque et stultitiam quid est inquam homo ut sequi possit regem factorem suum (Liber Ecclesiastes 2, 12)
et vidi quia tantum præcederet sapientia stultitiam quantum differt lux tenebris (Liber Ecclesiastes 2, 13)