Znaleziono 20233 Wyniki dla: Re
dic hæc dicit Dominus Deus ergone prosperabitur nonne radices ejus evellet et fructum ejus distringet et siccabit omnes palmites germinis ejus et arescet et non in brachio grandi neque in populo multo ut evelleret eam radicitus (Prophetia Ezechielis 17, 9)
ecce plantata est ergone prosperabitur nonne cum tetigerit eam ventus urens siccabitur et in areis germinis sui arescet (Prophetia Ezechielis 17, 10)
dic ad domum exasperantem nescitis quid ista significent dic ecce venit rex Babylonis Hierusalem et adsumet regem et principes ejus et adducet eos ad semet ipsum in Babylonem (Prophetia Ezechielis 17, 12)
et tollet de semine regni ferietque cum eo fœdus et accipiet ab eo jusiurandum sed et fortes terræ tollet (Prophetia Ezechielis 17, 13)
ut sit regnum humile et non elevetur sed custodiat pactum ejus et servet illud (Prophetia Ezechielis 17, 14)
qui recedens ab eo misit nuntios ad Ægyptum ut daret sibi equos et populum multum numquid prosperabitur vel consequetur salutem qui fecit hæc et qui dissolvit pactum numquid effugiet (Prophetia Ezechielis 17, 15)
vivo ego dicit Dominus Deus quoniam in loco regis qui constituit eum regem cujus fecit irritum juramentum et solvit pactum quod habebat cum eo in medio Babylonis morietur (Prophetia Ezechielis 17, 16)
spreverat enim juramentum ut solveret fœdus et ecce dedit manum suam et cum omnia hæc fecerit non effugiet (Prophetia Ezechielis 17, 18)
propterea hæc dicit Dominus Deus vivo ego quoniam juramentum quod sprevit et fœdus quod prævaricatus est ponam in caput ejus (Prophetia Ezechielis 17, 19)
et expandam super eum rete meum et conprehendetur sagena mea et adducam eum in Babylonem et judicabo illum ibi in prævaricatione qua despexit me (Prophetia Ezechielis 17, 20)
et omnes profugi ejus cum universo agmine gladio cadent residui autem in omnem ventum dispergentur et scietis quia ego Dominus locutus sum (Prophetia Ezechielis 17, 21)
in monte sublimi Israël plantabo illud et erumpet in germen et faciet fructum et erit in cedrum magnam et habitabunt sub eo omnes volucres universum volatile sub umbra frondium ejus nidificabit (Prophetia Ezechielis 17, 23)