Liber Genesis, 22
1. quæ postquam gesta sunt temptavit Deus Abraham et dixit ad eum Abraham ille respondit adsum
1. Quae postquam gesta sunt, tentavit Deus Abraham et di xit ad eum: “Abraham”. Ille respondit: “Adsum”.
2. ait ei tolle filium tuum unigenitum quem diligis Isaac et vade in terram Visionis atque offer eum ibi holocaustum super unum montium quem monstravero tibi
2. Ait: “Tolle filium tuum unigenitum, quem diligis, Isaac et vade in terram Moria; atque offer eum ibi in holocaustum super unum montium, quem monstravero tibi”.
3. igitur Abraham de nocte consurgens stravit asinum suum ducens secum duos juvenes et Isaac filium suum cumque concidisset ligna in holocaustum abiit ad locum quem præceperat ei Deus
3. Igitur Abraham de nocte consurgens stravit asinum suum ducens secum duos iuvenes suos et Isaac filium suum. Cumque concidisset ligna in holocaustum, surrexit et abiit ad locum, quem praeceperat ei Deus.
4. die autem tertio elevatis oculis vidit locum procul
4. Die autem tertio, elevatis oculis, vidit locum procul
5. dixitque ad pueros suos expectate hic cum asino ego et puer illuc usque properantes postquam adoraverimus revertemur ad vos
5. dixitque ad pueros suos: “Exspectate hic cum asino. Ego et puer illuc usque properantes, postquam adoraverimus, revertemur ad vos”.
6. tulit quoque ligna holocausti et inposuit super Isaac filium suum ipse vero portabat in manibus ignem et gladium cumque duo pergerent simul
6. Tulit quoque ligna holocausti et imposuit super Isaac filium suum; ipse vero portabat in manibus ignem et cultrum. Cumque duo pergerent simul,
7. dixit Isaac patri suo pater mi at ille respondit quid vis fili ecce inquit ignis et ligna ubi est victima holocausti
7. dixit Isaac Abrahae patri suo: “Pater mi”. Ille respondit: “Quid vis, fili?”. “Ecce, inquit, ignis et ligna; ubi est victima holocausti?”.
8. dixit Abraham Deus providebit sibi victimam holocausti fili mi pergebant ergo pariter
8. Dixit Abraham: “Deus providebit sibi victimam holocausti, fili mi”. Pergebant ambo pariter;
9. veneruntque ad locum quem ostenderat ei Deus in quo ædificavit altare et desuper ligna conposuit cumque conligasset Isaac filium suum posuit eum in altari super struem lignorum
9. et venerunt ad locum, quem ostenderat ei Deus, in quo aedificavit Abraham altare et desuper ligna composuit. Cumque colligasset Isaac filium suum, posuit eum in altari super struem lignorum
10. extenditque manum et arripuit gladium ut immolaret filium
10. extenditque Abraham manum et arripuit cultrum, ut immolaret filium suum.
11. et ecce angelus Domini de cælo clamavit dicens Abraham Abraham qui respondit adsum
11. Et ecce angelus Domini de caelo clamavit: “Abraham, Abraham”. Qui respondit: “Adsum”.
12. dixitque ei non extendas manum tuam super puerum neque facias illi quicquam nunc cognovi quod timeas Dominum et non peperceris filio tuo unigenito propter me
12. Dixitque: “Non extendas manum tuam super puerum neque facias illi quidquam. Nunc cognovi quod times Deum et non pepercisti filio tuo unigenito propter me”.
13. levavit Abraham oculos viditque post tergum arietem inter vepres herentem cornibus quem adsumens obtulit holocaustum pro filio
13. Levavit Abraham oculos suos viditque arietem unum inter vepres haerentem cornibus; quem assumens obtulit holocaustum pro filio.
14. appellavitque nomen loci illius Dominus videt unde usque hodie dicitur in monte Dominus videbit
14. Appellavitque nomen loci illius: “Dominus videt”. Unde usque hodie dicitur: “In monte Dominus videtur”.
15. vocavit autem angelus Domini Abraham secundo de cælo dicens
15. Vocavit autem angelus Domini Abraham secundo de caelo et dixit:
16. per memet ipsum juravi dicit Dominus quia fecisti rem hanc et non pepercisti filio tuo unigenito
16. “Per memetipsum iuravi, dicit Dominus: quia fecisti hanc rem et non pepercisti filio tuo unigenito,
17. benedicam tibi et multiplicabo semen tuum sicut stellas cæli et velut harenam quæ est in litore maris possidebit semen tuum portas inimicorum suorum
17. benedicam tibi et multiplicabo semen tuum sicut stellas caeli et velut arenam, quae est in litore maris. Possidebit semen tuum portas inimicorum suorum,
18. et benedicentur in semine tuo omnes gentes terræ quia obœdisti voci meæ
18. et benedicentur in semine tuo omnes gentes terrae, quia oboedisti voci meae”.
19. reversus est Abraham ad pueros suos abieruntque Bersabee simul et habitavit ibi
19. Reversus est Abraham ad pueros suos, et surrexerunt abieruntque Bersabee simul, et habitavit Abraham in Bersabee.
20. his itaque gestis nuntiatum est Abraham quod Melcha quoque genuisset filios Nahor fratri suo
20. His ita gestis, nuntiatum est Abrahae quod Melcha quoque genuisset filios Nachor fratri suo:
21. Hus primogenitum et Buz fratrem ejus Camuhel patrem Syrorum
21. Us primogenitum et Buz fratrem eius et Camuel patrem Aram
22. et Chased et Azau Pheldas quoque et Jedlaph
22. et Cased et Azau, Pheldas quoque et Iedlaph
23. ac Bathuel de quo nata est Rebecca octo istos genuit Melcha Nahor fratri Abraham
23. ac Bathuel, de quo nata est Rebecca. Octo istos genuit Melcha Nachor fratri Abrahae. 24 Concubina vero illius, nomine Reuma, peperit Tabee et Gaham et Tahas et Maacha.
24. concubina vero illius nomine Roma peperit Tabee et Gaom et Thaas et Maacha
24.
