Prophetia Michaeae, 6
1. audite quæ Dominus loquitur surge contende judicio adversum montes et audiant colles vocem tuam
1. Audite, quae Dominus loqui tur: “Surge, contende iudicio coram montibus, et audiant colles vocem tuam”.
2. audiant montes judicium Domini et fortia fundamenta terræ quia judicium Domini cum populo suo et cum Israël dijudicabitur
2. Audite, montes, iudicium Domini, et auscultate, fundamenta terrae; quia iudicium Domini cum populo suo, et cum Israel iudicio contendit.
3. populus meus quid feci tibi et quid molestus fui tibi responde mihi
3. “Popule meus, quid feci tibi et quid molestus fui tibi? Responde mihi.
4. quia eduxi te de terra Ægypti et de domo servientium liberavi te et misi ante faciem tuam Mosen et Aaron et Mariam
4. Ego eduxi te de terra Aegypti et de domo servientium liberavi te et misi ante faciem tuam Moysen et Aaron et Mariam.
5. populus meus memento quæso quid cogitaverit Balac rex Moab et quid responderit ei Balaam filius Beor de Setthim usque ad Galgalam ut cognosceret justitias Domini
5. Popule meus, memento, quaeso, quid cogitaverit Balac rex Moab, et quid responderit ei Balaam filius Beor, de Settim usque ad Galgalam, ut cognoscas iustitias Domini”.
6. quid dignum offeram Domino curvem genu Deo excelso numquid offeram ei holocaustomata et vitulos anniculos
6. “Quid dignum offeram Domino, dum curvo genu Deo excelso? Numquid offeram ei holocautomata et vitulos anniculos?
7. numquid placari potest Dominus in milibus arietum aut in multis milibus hircorum pingujum numquid dabo primogenitum meum pro scelere meo fructum ventris mei pro peccato animæ meæ
7. Numquid placebunt Domino milia arietum, multa milia torrentium olei? Numquid dabo primogenitum meum pro scelere meo, fructum ventris mei pro peccato animae meae?”.
8. indicabo tibi o homo quid sit bonum et quid Dominus quærat a te utique facere judicium et diligere misericordiam et sollicitum ambulare cum Deo tuo
8. Indicatum est tibi, o homo, quid sit bonum, et quid Dominus quaerat a te: utique facere iudicium et diligere caritatem et sollicitum ambulare cum Deo tuo.
9. vox Domini ad civitatem clamat et salus erit timentibus nomen tuum audite tribus et quis adprobabit illud
9. Vox Domini ad civitatem clamat - et sapientia est timere nomen tuum -: “Audite, tribus et coetus civitatis!
10. adhuc ignis in domo impii thesauri iniquitatis et mensura minor iræ plena
10. Numquid tolerabo batum iniquum et ephi minus maledictum?
11. numquid justificabo stateram impiam et saccelli pondera dolosa
11. Numquid iustificabo stateram impiam et saccelli pondera dolosa?
12. in quibus divites ejus repleti sunt iniquitate et habitantes in ea loquebantur mendacium et lingua eorum fraudulenta in ore eorum
12. Quia divites eius repleti sunt iniquitate, et habitantes in ea loquebantur mendacium, et lingua eorum fraudulenta in ore eorum.
13. et ego ergo cœpi percutere te perditione super peccatis tuis
13. Ego ergo coepi percutere te perditione super peccatis tuis.
14. tu comedes et non saturaberis et humiliatio tua in medio tui et adprehendes et non salvabis et quos salvaveris in gladium dabo
14. Tu comedes et non saturaberis, et sordes tuae in medio tui. Tu removebis et non salvabis; et, quos salvaveris, in gladium dabo.
15. tu seminabis et non metes tu calcabis olivam et non ungueris oleo et mustum et non bibes vinum
15. Tu seminabis et non metes, tu calcabis olivam et non ungeris oleo, mustum et non bibes vinum.
16. et custodisti præcepta Omri et omne opus domus Achab et ambulasti in voluntatibus eorum ut darem te in perditionem et habitantes in ea in sibilum et obprobrium populi mei portabitis
16. Custodisti praecepta Amri et omne opus domus Achab; et ambulasti in voluntatibus eorum, ut darem te in perditionem et habitantes tuos in sibilum: et opprobrium populorum portabitis”.
