Liber Numeri, 7

1. factum est autem in die qua conplevit Moses tabernaculum et erexit illud unxitque et sanctificavit cum omnibus vasis suis altare similiter et vasa ejus

1. Factum est autem in die, qua complevit Moyses habitaculum et erexit illud unxitque et sanctificavit cum omnibus vasis suis, altare similiter et omnia vasa eius,

2. obtulerunt principes Israël et capita familiarum qui erant per singulas tribus præfecti eorum qui numerati fuerant

2. obtulerunt principes Israel et capita familiarum, qui erant per singulas tribus praefecti eorum, qui numerati fuerant,

3. munera coram Domino sex plaustra tecta cum duodecim bubus unum plaustrum obtulere duo duces et unum bovem singuli obtuleruntque ea in conspectu tabernaculi

3. munera coram Domino sex plaustra tecta cum duodecim bobus. Unum plaustrum obtulere duo duces et unum bovem singuli; obtuleruntque ea in conspectu habitaculi.

4. ait autem Dominus ad Mosen

4. Ait autem Dominus ad Moysen:

5. suscipe ab eis ut serviant in ministerio tabernaculi et tradas ea Levitis juxta ordinem ministerii sui

5. “Suscipe ab eis, ut serviant in ministerio tabernaculi conventus, et trades ea Levitis iuxta ordinem ministerii sui”.

6. itaque cum suscepisset Moses plaustra et boves tradidit eos Levitis

6. Itaque cum suscepisset Moyses plaustra et boves, tradidit eos Levitis.

7. duo plaustra et quattuor boves dedit filiis Gerson juxta id quod habebant necessarium

7. Duo plaustra et quattuor boves dedit filiis Gerson, iuxta id quod habebant necessarium.

8. quattuor alia plaustra et octo boves dedit filiis Merari secundum officia et cultum suum sub manu Ithamar filii Aaron sacerdotis

8. Quattuor alia plaustra et octo boves dedit filiis Merari, secundum offficia sua sub manu Ithamar filii Aaron sacerdotis.

9. filiis autem Caath non dedit plaustra et boves quia in sanctuario serviunt et onera propriis portant umeris

9. Filiis autem Caath non dedit plaustra et boves, quia in sanctuario serviunt et onera propriis portant umeris.

10. igitur obtulerunt duces in dedicationem altaris die qua unctum est oblationem suam ante altare

10. Igitur obtulerunt duces in dedicationem altaris die, qua unctum est, oblationem suam ante altare.

11. dixitque Dominus ad Mosen singuli duces per singulos dies offerant munera in dedicationem altaris

11. Dixitque Dominus ad Moysen: “Singuli duces per singulos dies offerant munera in dedicationem altaris”.

12. primo die obtulit oblationem suam Naasson filius Aminadab de tribu Juda

12. Primo die obtulit oblationem suam Naasson filius Aminadab de tribu Iudae.

13. fueruntque in ea acetabulum argenteum pondo centum triginta siclorum fiala argentea habens septuaginta siclos juxta pondus sanctuarii utrumque plenum simila conspersa oleo in sacrificium

13. Fueruntque in ea scutula argentea pondo centum triginta siclorum, phiala argentea habens septuaginta siclos iuxta pondus sanctuarii, utraque plena simila conspersa oleo in sacrificium,

14. mortariolum ex decem siclis aureis plenum incenso

14. acetabulum ex decem siclis aureis plenum incenso,

15. bovem et arietem et agnum anniculum in holocaustum

15. bos de armento et aries et agnus anniculus in holocaustum

16. hircumque pro peccato

16. hircusque pro peccato;

17. et in sacrificio pacificorum boves duos arietes quinque hircos quinque agnos anniculos quinque hæc est oblatio Naasson filii Aminadab

17. et in sacrificio pacificorum boves duo, arietes quinque, hirci quinque, agni anniculi quinque: haec est oblatio Naasson filii Aminadab.

18. secundo die obtulit Nathanaël filius Suar dux de tribu Isachar

18. Secundo die obtulit Nathanael filius Suar dux de tribu Issachar

19. acetabulum argenteum adpendens centum triginta siclos fialam argenteam habentem septuaginta siclos juxta pondus sanctuarii utrumque plenum simila conspersa oleo in sacrificium

19. scutulam argenteam appendentem centum triginta siclos, phialam argenteam habentem septuaginta siclos iuxta pondus sanctuarii, utramque plenam simila conspersa oleo in sacrificium,

20. mortariolum aureum habens decem siclos plenum incenso

20. acetabulum aureum habens decem siclos plenum incenso,

21. bovem de armento et arietem et agnum anniculum in holocaustum

21. bovem de armento et arietem et agnum anniculum in holocaustum

22. hircumque pro peccato

22. hircumque pro peccato;

23. et in sacrificio pacificorum boves duos arietes quinque hircos quinque agnos anniculos quinque hæc fuit oblatio Nathanaël filii Suar

23. et in sacrificio pacificorum boves duos, arietes quinque, hircos quinque, agnos anniculos quinque: haec fuit oblatio Nathanael filii Suar.

24. tertio die princeps filiorum Zabulon Heliab filius Helon

24. Tertio die princeps filiorum Zabulon Eliab filius Helon

25. obtulit acetabulum argenteum adpendens centum triginta siclos fialam argenteam habentem septuaginta siclos ad pondus sanctuarii utrumque plenum simila conspersa oleo in sacrificium

25. obtulit scutulam argenteam appendentem centum triginta siclos, phialam argenteam habentem septuaginta siclos ad pondus sanctuarii, utramque plenam simila conspersa oleo in sacrificium,

26. mortariolum aureum adpendens decem siclos plenum incenso

26. acetabulum aureum appendens decem siclos plenum incenso,

27. bovem de armento et arietem et agnum anniculum in holocaustum

27. bovem de armento et arietem et agnum anniculum in holocaustum

28. hircumque pro peccato

28. hircumque pro peccato;

29. et in sacrificio pacificorum boves duos arietes quinque hircos quinque agnos anniculos quinque hæc est oblatio Heliab filii Helon

29. et in sacrificio pacificorum boves duos, arietes quinque, hircos quinque, agnos anniculos quinque: haec est oblatio Eliab filii Helon.

30. die quarto princeps filiorum Ruben Helisur filius Sedeur

30. Die quarto princeps filiorum Ruben Elisur filius Sedeur

31. obtulit acetabulum argenteum adpendens centum triginta siclos fialam argenteam habentem septuaginta siclos ad pondus sanctuarii utrumque plenum simila conspersa oleo in sacrificium

31. obtulit scutulam argenteam appendentem centum triginta siclos, phialam argenteam habentem septuaginta siclos ad pondus sanctuarii, utramque plenam simila conspersa oleo in sacrificium,

32. mortariolum aureum adpendens decem siclos plenum incenso

32. acetabulum aureum appendens decem siclos plenum incenso,

33. bovem de armento et arietem et agnum anniculum in holocaustum

33. bovem de armento et arietem et agnum anniculum in holocaustum

34. hircumque pro peccato

34. hircumque pro peccato;

35. et in hostias pacificorum boves duos arietes quinque hircos quinque agnos anniculos quinque hæc fuit oblatio Helisur filii Sedeur

35. et in hostias pacificorum boves duos, arietes quinque, hircos quinque, agnos anniculos quinque: haec fuit oblatio Elisur filii Sedeur.

36. die quinto princeps filiorum Symeon Salamihel filius Surisaddai

36. Die quinto princeps filiorum Simeon Salamiel filius Surisaddai

37. obtulit acetabulum argenteum adpendens centum triginta siclos fialam argenteam habentem septuaginta siclos ad pondus sanctuarii utrumque plenum simila conspersa oleo in sacrificium

37. obtulit scutulam argenteam appendentem centum triginta siclos, phialam argenteam habentem septuaginta siclos ad pondus sanctuarii, utramque plenam simila conspersa oleo in sacrificium,

38. mortariolum aureum adpendens decem siclos plenum incenso

38. acetabulum aureum appendens decem siclos plenum incenso,

39. bovem de armento et arietem et agnum anniculum in holocaustum

39. bovem de armento et arietem et agnum anniculum in holocaustum,

40. hircumque pro peccato

40. hircumque pro peccato;

41. et in hostias pacificorum boves duos arietes quinque hircos quinque agnos anniculos quinque hæc fuit oblatio Salamihel filii Surisaddai

41. et in hostias pacificorum boves duos, arietes quinque, hircos quinque, agnos anniculos quinque: haec fuit oblatio Salamiel filii Surisaddai.

42. die sexto princeps filiorum Gad Heliasaph filius Duhel

42. Die sexto princeps filiorum Gad Eliasaph filius Deuel

43. obtulit acetabulum argenteum adpendens centum triginta siclos fialam argenteam habentem septuaginta siclos ad pondus sanctuarii utrumque plenum simila conspersa oleo in sacrificium

43. obtulit scutulam argenteam appendentem centum triginta siclos, phialam argenteam habentem septuaginta siclos ad pondus sanctuarii, utramque plenam simila conspersa oleo in sacrificium,

44. mortariolum aureum adpendens siclos decem plenum incenso

44. acetabulum aureum appendens decem siclos plenum incenso,

45. bovem de armento et arietem et agnum anniculum in holocaustum

45. bovem de armento et arietem et agnum anniculum in holocaustum,

46. hircumque pro peccato

46. hircumque pro peccato;

47. et in hostias pacificorum boves duos arietes quinque hircos quinque agnos anniculos quinque hæc fuit oblatio Heliasaph filii Duhel

47. et in hostias pacificorum boves duos, arietes quinque, hircos quinque, agnos anniculos quinque: haec fuit oblatio Eliasaph filii Deuel.

48. die septimo princeps filiorum Ephraim Helisama filius Ammiud

48. Die septimo princeps filiorum Ephraim Elisama filius Ammiud

49. obtulit acetabulum argenteum adpendens centum triginta siclos fialam argenteam habentem septuaginta siclos ad pondus sanctuarii utrumque plenum simila conspersa oleo in sacrificium

49. obtulit scutulam argenteam appendentem centum triginta siclos, phialam argenteam habentem septuaginta siclos ad pondus sanctuarii, utramque plenam simila conspersa oleo in sacrificium,

50. mortariolum aureum adpendens decem siclos plenum incenso

50. acetabulum aureum appendens decem siclos plenum incenso,

51. bovem de armento et arietem et agnum anniculum in holocaustum

51. bovem de armento et arietem et agnum anniculum in holocaustum,

52. hircumque pro peccato

52. hircumque pro peccato;

53. et in hostias pacificas boves duos arietes quinque hircos quinque agnos anniculos quinque hæc fuit oblatio Helisama filii Ammiud

53. et in hostias pacificorum boves duos, arietes quinque, hircos quinque, agnos anniculos quinque: haec fuit oblatio Elisama filii Ammiud.

54. die octavo princeps filiorum Manasse Gamalihel filius Phadassur

54. Die octavo princeps filiorum Manasse Gamaliel filius Phadassur

55. obtulit acetabulum argenteum adpendens centum triginta siclos fialam argenteam habentem septuaginta siclos ad pondus sanctuarii utrumque plenum simila conspersa oleo in sacrificium

55. obtulit scutulam argenteam appendentem centum triginta siclos, phialam argenteam habentem septuaginta siclos ad pondus sanctuarii, utramque plenam simila conspersa oleo in sacrificium,

56. mortariolum aureum adpendens decem siclos plenum incenso

56. acetabulum aureum appendens decem siclos plenum incenso,

57. bovem de armento et arietem et agnum anniculum in holocaustum

57. bovem de armento et arietem et agnum anniculum in holocaustum

58. hircumque pro peccato

58. hircumque pro peccato;

59. et in hostias pacificorum boves duos arietes quinque hircos quinque agnos anniculos quinque hæc fuit oblatio Gamalihel filii Phadassur

59. et in hostias pacificorum boves duos, arietes quinque, hircos quinque, agnos anniculos quinque: haec fuit oblatio Gamaliel filii Phadassur.

60. die nono princeps filiorum Beniamin Abidan filius Gedeonis

60. Die nono princeps filiorum Beniamin Abidan filius Gedeonis

61. obtulit acetabulum argenteum adpendens centum triginta siclos fialam argenteam habentem septuaginta siclos ad pondus sanctuarii utrumque plenum simila conspersa oleo in sacrificium

61. obtulit scutulam argenteam appendentem centum triginta siclos, phialam argenteam habentem septuaginta siclos ad pondus sanctuarii, utramque plenam simila conspersa oleo in sacrificium,

62. mortariolum aureum adpendens decem siclos plenum incenso

62. et acetabulum aureum appendens decem siclos plenum incenso,

63. bovem de armento et arietem et agnum anniculum in holocaustum

63. bovem de armento et arietem et agnum anniculum in holocaustum

64. hircumque pro peccato

64. hircumque pro peccato;

65. et in hostias pacificorum boves duos arietes quinque hircos quinque agnos anniculos quinque hæc fuit oblatio Abidan filii Gedeonis

65. et in hostias pacificorum boves duos, arietes quinque, hircos quinque, agnos anniculos quinque: haec fuit oblatio Abidan filii Gedeonis.

66. die decimo princeps filiorum Dan Ahiezer filius Amisaddai

66. Die decimo princeps filiorum Dan Ahiezer filius Ammisaddai

67. obtulit acetabulum argenteum adpendens centum triginta siclos fialam argenteam habentem septuaginta siclos ad pondus sanctuarii utrumque plenum simila conspersa oleo in sacrificium

67. obtulit scutulam argenteam appendentem centum triginta siclos, phialam argenteam habentem septuaginta siclos ad pondus sanctuarii, utramque plenam simila conspersa oleo in sacrificium,

68. mortariolum aureum adpendens decem siclos plenum incenso

68. acetabulum aureum appendens decem siclos plenum incenso,

69. bovem de armento et arietem et agnum anniculum in holocaustum

69. bovem de armento et arietem et agnum anniculum in holocaustum

70. hircumque pro peccato

70. hircumque pro peccato;

71. et in hostias pacificorum boves duos arietes quinque hircos quinque agnos anniculos quinque hæc fuit oblatio Ahiezer filii Amisaddai

71. et in hostias pacificorum boves duos, arietes quinque, hircos quinque, agnos anniculos quinque: haec fuit oblatio Ahiezer filii Ammisaddai.

72. die undecimo princeps filiorum Aser Phagaihel filius Ochran

72. Die undecimo princeps filiorum Aser Phegiel filius Ochran

73. obtulit acetabulum argenteum adpendens centum triginta siclos fialam argenteam habentem septuaginta siclos ad pondus sanctuarii utrumque plenum simila conspersa oleo in sacrificium

73. obtulit scutulam argenteam appendentem centum triginta siclos, phialam argenteam habentem septuaginta siclos ad pondus sanctuarii, utramque plenam simila conspersa oleo in sacrificium,

74. mortariolum aureum adpendens decem siclos plenum incenso

74. acetabulum aureum appendens decem siclos plenum incenso,

75. bovem de armento et arietem et agnum anniculum in holocaustum

75. bovem de armento et arietem et agnum anniculum in holocaustum

76. hircumque pro peccato

76. hircumque pro peccato;

77. et in hostias pacificorum boves duos arietes quinque hircos quinque agnos anniculos quinque hæc fuit oblatio Phagaihel filii Ochran

77. et in hostias pacificorum boves duos, arietes quinque, hircos quinque, agnos anniculos quinque: haec fuit oblatio Phegiel filii Ochran.

78. die duodecimo princeps filiorum Nepthalim Achira filius Henan

78. Die duodecimo princeps filiorum Nephthali Ahira filius Enan

79. obtulit acetabulum argenteum adpendens centum triginta siclos fialam argenteam habentem septuaginta siclos ad pondus sanctuarii utrumque plenum simila conspersa oleo in sacrificium

79. obtulit scutulam argenteam appendentem centum triginta siclos, phialam argenteam habentem septuaginta siclos ad pondus sanctuarii, utramque plenam simila oleo conspersa in sacrificium,

80. mortariolum aureum adpendens decem siclos plenum incenso

80. acetabulum aureum appendens decem siclos plenum incenso,

81. bovem de armento et arietem et agnum anniculum in holocaustum

81. bovem de armento et arietem et agnum anniculum in holocaustum

82. hircumque pro peccato

82. hircumque pro peccato;

83. et in hostias pacificorum boves duos arietes quinque hircos quinque agnos anniculos quinque hæc fuit oblatio Achira filii Henan

83. et in hostias pacificorum boves duos, arietes quinque, hircos quinque, agnos anniculos quinque: haec fuit oblatio Ahira filii Enan.

84. hæc in dedicatione altaris oblata sunt a principibus Israël in die qua consecratum est acetabula argentea duodecim fialæ argenteæ duodecim mortariola aurea duodecim

84. Haec in dedicatione altaris oblata sunt a principibus Israel in die, qua consecratum est: scutulae argenteae duodecim, phialae argenteae duodecim, acetabula duodecim,

85. ita ut centum triginta argenti siclos haberet unum acetabulum et septuaginta siclos una fiala id est in commune vasorum omnium ex argento sicli duo milia quadringenti pondere sanctuarii

85. ita ut centum triginta siclos argenti haberet una scutella, et septuaginta siclos haberet una phiala, id est in commune vasorum omnium ex argento sicli duo milia quadringenti pondere sanctuarii;

86. mortariola aurea duodecim plena incenso denos siclos adpendentia pondere sanctuarii id est simul auri sicli centum viginti

86. acetabula aurea duodecim plena incenso denos siclos appendentia pondere sanctuarii, id est simul auri sicli centum viginti;

87. boves de armento in holocaustum duodecim arietes duodecim agni anniculi duodecim et libamenta eorum hirci duodecim pro peccato

87. omnes boves de armento in holocaustum duodecim, arietes duodecim, agni anniculi duodecim et libamenta eorum; hirci duodecim pro peccato.

88. hostiæ pacificorum boves viginti quattuor arietes sexaginta hirci sexaginta agni anniculi sexaginta hæc oblata sunt in dedicatione altaris quando unctum est

88. In hostias pacificorum omnes boves viginti quattuor, arietes sexaginta, hirci sexaginta, agni anniculi sexaginta: haec oblata sunt in dedicatione altaris, quando unctum est.

89. cumque ingrederetur Moses tabernaculum fœderis ut consuleret oraculum audiebat vocem loquentis ad se de propitiatorio quod erat super arcam testimonii inter duos cherubin unde et loquebatur ei

89. Cumque ingrederetur Moyses tabernaculum testimonii, ut consuleret oraculum, audiebat vocem loquentis ad se de propitiatorio, quod erat super arcam testimonii inter duos cherubim, unde et loquebatur ei.