Liber Genesis, 36

1. hæ sunt autem generationes Esau ipse est Edom

1. Hae sunt autem generationes Esau. Ipse est Edom.

2. Esau accepit uxores de filiabus Chanaan Ada filiam Elom Hetthei et Oolibama filiam Anæ filiæ Sebeon Evei

2. Esau accepit uxores de filiabus Chanaan: Ada filiam Elon Hetthaei et Oolibama filiam Ana filii Sebeon Horraei;

3. Basemath quoque filiam Ismaël sororem Nabajoth

3. Basemath quoque filiam Ismael sororem Nabaioth.

4. peperit autem Ada Eliphaz Basemath genuit Rauhel

4. Peperit autem Ada Eliphaz, Basemath genuit Rahuel,

5. Oolibama edidit Hieus et Hielom et Core hii filii Esau qui nati sunt ei in terra Chanaan

5. Oolibama genuit Iehus et Ialam et Core. Hi filii Esau, qui nati sunt ei in terra Chanaan.

6. tulit autem Esau uxores suas et filios et filias et omnem animam domus suæ et substantiam et pecora et cuncta quæ habere poterat in terra Chanaan et abiit in alteram regionem recessitque a fratre suo Jacob

6. Tulit autem Esau uxores suas et filios et filias et omnes animas domus suae et pecora armenta et cuncta, quae acquisierat in terra Chanaan, et abiit in terram Seir; recessitque a fratre suo Iacob.

7. divites enim erant valde et simul habitare non poterant nec sustinebat eos terra peregrinationis eorum præ multitudine gregum

7. Divites enim erant valde et simul habitare non poterant; nec sustinebat eos terra peregrinationis eorum prae multitudine gregum.

8. habitavitque Esau in monte Seir ipse est Edom

8. Habitavitque Esau in monte Seir. Ipse est Edom.

9. hæ sunt generationes Esau patris Edom in monte Seir

9. Hae autem sunt generationes Esau patris Edom in monte Seir,

10. et hæc nomina filiorum ejus Eliphaz filius Ada uxoris Esau Rauhel quoque filius Basemath uxoris ejus

10. et haec nomina filiorum eius: Eliphaz filius Ada uxoris Esau, Rahuel quoque filius Basemath uxoris eius.

11. fueruntque filii Eliphaz Theman Omar Sephu et Gatham et Cenez

11. Fueruntque Eliphaz filii: Theman, Omar, Sepho et Gatham et Cenez.

12. erat autem Thamna concubina Eliphaz filii Esau quæ peperit ei Amalech hii sunt filii Adæ uxoris Esau

12. Erat autem Thamna concubina Eliphaz filii Esau, quae peperit ei Amalec. Hi sunt filii Ada uxoris Esau.

13. filii autem Rauhel Naath et Zara Semma et Meza hii filii Basemath uxoris Esau

13. Filii autem Rahuel: Nahath et Zara, Samma et Meza; hi filii Basemath uxoris Esau.

14. isti quoque erant filii Oolibama filiæ Ana filiæ Sebeon uxoris Esau quos genuit ei Hieus et Hielom et Core

14. Isti erant filii Oolibama filiae Ana filii Sebeon uxoris Esau, quos genuit ei: Iehus et Ialam et Core.

15. hii duces filiorum Esau filii Eliphaz primogeniti Esau dux Theman dux Omar dux Sephu dux Cenez

15. Hi duces filiorum Esau. Filii Eliphaz primogeniti Esau: dux Theman, dux Omar, dux Sepho, dux Cenez,

16. dux Core dux Gatham dux Amalech hii filii Eliphaz in terra Edom et hii filii Adæ

16. dux Core, dux Gatham, dux Amalec. Hi duces Eliphaz in terra Edom; hi filii Ada.

17. hii quoque filii Rauhel filii Esau dux Naath dux Zara dux Semma dux Meza hii duces Rauhel in terra Edom isti filii Basemath uxoris Esau

17. Hi filii Rahuel filii Esau: dux Nahath, dux Zara, dux Samma, dux Meza. Hi duces Rahuel in terra Edom; isti filii Basemath uxoris Esau.

18. hii autem filii Oolibama uxoris Esau dux Hieus dux Hielom dux Core hii duces Oolibama filiæ Ana uxoris Esau

18. Hi filii Oolibama uxoris Esau: dux Iehus, dux Ialam, dux Core. Hi duces Oolibama filiae Ana uxoris Esau.

19. isti filii Esau et hii duces eorum ipse est Edom

19. Isti sunt filii Esau et hi duces eorum. Ipse est Edom.

20. isti filii Seir Horrei habitatores terræ Lotham et Sobal et Sebeon et Anan

20. Isti sunt filii Seir Horraei habitatores terrae: Lotan et Sobal et Sebeon et Ana

21. Dison et Eser et Disan hii duces Horrei filii Seir in terra Edom

21. et Dison et Eser et Disan; hi duces Horraei filii Seir in terra Edom.

22. facti sunt autem filii Lotham Horrei et Heman erat autem soror Lotham Thamna

22. Facti sunt autem filii Lotan: Hori et Hemam; erat autem soror Lotan Thamna.

23. et isti filii Sobal Alvam et Maneeth et Hebal Sephi et Onam

23. Et isti filii Sobal: Alvan et Manahath et Ebal, Sepho et Onam.

24. et hii filii Sebeon Ahaja et Anam iste est Ana qui invenit aquas calidas in solitudine cum pasceret asinos Sebeon patris sui

24. Et hi filii Sebeon: Aia et Ana. Iste est Ana, qui invenit aquas calidas in solitudine, cum pasceret asinos Sebeon patris sui.

25. habuitque filium Disan et filiam Oolibama

25. Habuitque filium Dison et filiam Oolibama.

26. et isti filii Disan Amdan et Esban et Jethran et Charan

26. Et isti filii Dison: Hemdan et Eseban et Iethran et Charran.

27. hii quoque filii Eser Balaan et Zevan et Acham

27. Hi filii Eser: Bilhan et Zavan et Iacan.

28. habuit autem filios Disan Hus et Aran

28. Habuit autem filios Disan: Us et Aran.

29. isti duces Horreorum dux Lothan dux Sobal dux Sebeon dux Ana

29. Isti duces Horraeorum: dux Lotan, dux Sobal, dux Sebeon, dux Ana,

30. dux Dison dux Eser dux Disan isti duces Horreorum qui imperaverunt in terra Seir

30. dux Dison, dux Eser, dux Disan; isti duces Horraeorum secundum tribus eorum in terra Seir.

31. reges autem qui regnaverunt in terra Edom antequam haberent regem filii Israël fuerunt hii

31. Reges autem, qui regnaverunt in terra Edom, antequam haberent regem filii Israel, fuerunt hi.

32. Bale filius Beor nomenque urbis ejus Denaba

32. Regnavit in Edom Bela filius Beor, nomenque urbis eius Denaba.

33. mortuus est autem Bale et regnavit pro eo Jobab filius Zare de Bosra

33. Mortuus est autem Bela, et regnavit pro eo Iobab filius Zarae de Bosra.

34. cumque mortuus esset Jobab regnavit pro eo Husan de terra Themanorum

34. Cumque mortuus esset Iobab, regnavit pro eo Husam de terra Themanorum.

35. hoc quoque mortuo regnavit pro eo Adad filius Badadi qui percussit Madian in regione Moab et nomen urbis ejus Ahuith

35. Hoc quoque mortuo, regnavit pro eo Adad filius Badad, qui percussit Madian in regione Moab; et nomen urbis eius Avith.

36. cumque mortuus esset Adad regnavit pro eo Semla de Maserecha

36. Cumque mortuus esset Adad, regnavit pro eo Semla de Masreca.

37. hoc quoque mortuo regnavit pro eo Saul de fluvio Rooboth

37. Hoc quoque mortuo, regnavit pro eo Saul de Rohoboth iuxta fluvium.

38. cumque et hic obisset successit in regnum Baalanam filius Achobor

38. Cumque et hic obiisset, successit in regnum Baalhanan filius Achobor.

39. isto quoque mortuo regnavit pro eo Adad nomenque urbis ejus Phau et appellabatur uxor illius Meezabel filia Matred filiæ Mizaab

39. Isto quoque mortuo, regnavit pro eo Adad, nomenque urbis eius Phau; et appellabatur uxor eius Meetabel filia Matred filiae Mezaab.

40. hæc ergo nomina Esau in cognationibus et locis et vocabulis suis dux Thamna dux Alva dux Jetheth

40. Haec ergo nomina ducum Esau in cognationibus et locis et vocabulis suis: dux Thamna, dux Alva, dux Ietheth,

41. dux Oolibama dux Ela dux Phinon

41. dux Oolibama, dux Ela, dux Phinon,

42. dux Cenez dux Theman dux Mabsar

42. dux Cenez, dux Theman, dux Mabsar,

43. dux Mabdiel dux Iram hii duces Edom habitantes in terra imperii sui ipse est Esau pater Idumeorum

43. dux Magdiel, dux Iram. Hi duces Edom habitantes in terra imperii sui. Ipse est Esau pater Idumaeorum.