Evangelium secundum Lucam, 23

1. et surgens omnis multitudo eorum duxerunt illum ad Pilatum

1. Et surgens omnis multitudo eorum duxerunt illum ad Pi latum.

2. cœperunt autem accusare illum dicentes hunc invenimus subvertentem gentem nostram et prohibentem tributa dari Cæsari et dicentem se Christum regem esse

2. Coeperunt autem accusare illum dicentes: “Hunc invenimus subvertentem gentem nostram et prohibentem tributa dare Caesari et dicentem se Christum regem esse”.

3. Pilatus autem interrogavit eum dicens tu es rex Judæorum at ille respondens ait tu dicis

3. Pilatus autem interrogavit eum dicens: “Tu es rex Iudaeorum?”. At ille respondens ait: “Tu dicis”.

4. ait autem Pilatus ad principes sacerdotum et turbas nihil invenio causæ in hoc homine

4. Ait autem Pilatus ad principes sacerdotum et turbas: “Nihil invenio causae in hoc homine”.

5. at illi invalescebant dicentes commovet populum docens per universam Judæam et incipiens a Galilæa usque huc

5. At illi invalescebant dicentes: “Commovet populum docens per universam Iudaeam et in cipiens a Galilaea usque huc!”.

6. Pilatus autem audiens Galilæam interrogavit si homo Galilæus esset

6. Pilatus autem audiens interrogavit si homo Galilaeus esset;

7. et ut cognovit quod de Herodis potestate esset remisit eum ad Herodem qui et ipse Hierosolymis erat illis diebus

7. et ut cognovit quod de Herodis potestate esset, remisit eum ad Herodem, qui et ipse Hierosolymis erat illis diebus.

8. Herodes autem viso Jesu gavisus est valde erat enim cupiens ex multo tempore videre eum eo quod audiret multa de illo et sperabat signum aliquod videre ab eo fieri

8. Herodes autem, viso Iesu, gavisus est valde; erat enim cupiens ex multo tempore videre eum, eo quod audiret de illo et sperabat signum aliquod videre ab eo fieri.

9. interrogabat autem illum multis sermonibus at ipse nihil illi respondebat

9. Interrogabat autem illum multis sermonibus; at ipse nihil illi respondebat.

10. stabant etiam principes sacerdotum et scribæ constanter accusantes eum

10. Stabant etiam principes sacerdotum et scribae constanter accusantes eum.

11. sprevit autem illum Herodes cum exercitu suo et inlusit indutum veste alba et remisit ad Pilatum

11. Sprevit autem illum Herodes cum exercitu suo et illusit indutum veste alba et remisit ad Pilatum.

12. et facti sunt amici Herodes et Pilatus in ipsa die nam antea inimici erant ad invicem

12. Facti sunt autem amici inter se Herodes et Pilatus in ipsa die; nam antea inimici erant ad invicem.

13. Pilatus autem convocatis principibus sacerdotum et magistratibus et plebe

13. Pilatus autem, convocatis principibus sacerdotum et magistratibus et plebe,

14. dixit ad illos obtulistis mihi hunc hominem quasi avertentem populum et ecce ego coram vobis interrogans nullam causam inveni in homine isto ex his in quibus eum accusatis

14. dixit ad illos: “Obtulistis mihi hunc hominem quasi avertentem populum, et ecce ego coram vobis interrogans nullam causam inveni in homine isto ex his, in quibus eum accusatis,

15. sed neque Herodes nam remisi vos ad illum et ecce nihil dignum morte actum est ei

15. sed neque Herodes; remisit enim illum ad nos. Et ecce nihil dignum morte actum est ei.

16. emendatum ergo illum dimittam

16. Emendatum ergo illum dimittam”.

17. necesse autem habebat dimittere eis per diem festum unum

17. Exclamavit autem universa turba dicens: “Tolle hunc et dimitte nobis Barabbam!”,

18. exclamavit autem simul universa turba dicens tolle hunc et dimitte nobis Barabban

18. []

19. qui erat propter seditionem quandam factam in civitate et homicidium missus in carcerem

19. qui erat propter seditionem quandam factam in civitate et homicidium missus in carcerem.

20. iterum autem Pilatus locutus est ad illos volens dimittere Jesum

20. Iterum autem Pilatus locutus est ad illos volens dimittere Iesum,

21. at illi succlamabant dicentes crucifige crucifige illum

21. at illi succlamabant dicentes: “Crucifige, crucifige illum!”.

22. ille autem tertio dixit ad illos quid enim mali fecit iste nullam causam mortis invenio in eo corripiam ergo illum et dimittam

22. Ille autem tertio dixit ad illos: “Quid enim mali fecit iste? Nullam causam mortis invenio in eo; corripiam ergo illum et dimittam”.

23. at illi instabant vocibus magnis postulantes ut crucifigeretur et invalescebant voces eorum

23. At illi instabant vocibus magnis postulantes, ut crucifigeretur, et invalescebant voces eorum.

24. et Pilatus adiudicavit fieri petitionem eorum

24. Et Pilatus adiudicavit fieri petitionem eorum:

25. dimisit autem illis eum qui propter homicidium et seditionem missus fuerat in carcerem quem petebant Jesum vero tradidit voluntati eorum

25. dimisit autem eum, qui propter seditionem et homicidium missus fuerat in carcerem, quem petebant; Iesum vero tradidit voluntati eorum.

26. et cum ducerent eum adprehenderunt Simonem quendam Cyrenensem venientem de villa et inposuerunt illi crucem portare post Jesum

26. Et cum abducerent eum, apprehenderunt Simonem quendam Cyrenensem venientem de villa et imposuerunt illi crucem portare post Iesum.

27. sequebatur autem illum multa turba populi et mulierum quæ plangebant et lamentabant eum

27. Sequebatur autem illum multa turba populi et mulierum, quae plangebant et lamentabant eum.

28. conversus autem ad illas Jesus dixit filiæ Hierusalem nolite flere super me sed super vos ipsas flete et super filios vestros

28. Conversus autem ad illas Iesus dixit: “Filiae Ierusalem, nolite flere super me, sed super vos ipsas flete et super filios vestros,

29. quoniam ecce venient dies in quibus dicent beatæ steriles et ventres qui non genuerunt et ubera quæ non lactaverunt

29. quoniam ecce venient dies, in quibus dicent: “Beatae steriles et ventres, qui non genuerunt, et ubera, quae non lactaverunt!”.

30. tunc incipient dicere montibus cadite super nos et collibus operite nos

30. Tunc incipient dicere montibus: “Cadite super nos!”, et collibus: “Operite nos!”,

31. quia si in viridi ligno hæc faciunt in arido quid fiet

31. quia si in viridi ligno haec faciunt, in arido quid fiet?”.

32. ducebantur autem et alii duo nequam cum eo ut interficerentur

32. Ducebantur autem et alii duo nequam cum eo, ut interficerentur.

33. et postquam venerunt in locum qui vocatur Calvariæ ibi crucifixerunt eum et latrones unum a dextris et alterum a sinistris

33. Et postquam venerunt in locum, qui vocatur Calvariae, ibi crucifixerunt eum et latrones, unum a dextris et alterum a sinistris.

34. Jesus autem dicebat Pater dimitte illis non enim sciunt quid faciunt dividentes vero vestimenta ejus miserunt sortes

34. Iesus autem dicebat: “Pater, dimitte illis, non enim sciunt quid faciunt”. Dividentes vero vestimenta eius miserunt sortes.

35. et stabat populus expectans et deridebant illum principes cum eis dicentes alios salvos fecit se salvum faciat si hic est Christus Dei electus

35. Et stabat populus exspectans. Et deridebant illum et principes dicentes: “Alios salvos fecit; se salvum faciat, si hic est Christus Dei electus!”.

36. inludebant autem ei et milites accedentes et acetum offerentes illi

36. Illudebant autem ei et milites accedentes, acetum offerentes illi

37. dicentes si tu es rex Judæorum salvum te fac

37. et dicentes: “Si tu es rex Iudaeorum, salvum te fac!”.

38. erat autem et superscriptio inscripta super illum litteris græcis et latinis et hebraicis hic est rex Judæorum

38. Erat autem et superscriptio super illum: “Hic est rex Iudaeorum”.

39. unus autem de his qui pendebant latronibus blasphemabat eum dicens si tu es Christus salvum fac temet ipsum et nos

39. Unus autem de his, qui pendebant, latronibus blasphemabat eum dicens: “Nonne tu es Christus? Salvum fac temetipsum et nos!”.

40. respondens autem alter increpabat illum dicens neque tu times Deum quod in eadem damnatione es

40. Respondens autem alter increpabat illum dicens: “Neque tu times Deum, quod in eadem damnatione es?

41. et nos quidem juste nam digna factis recipimus hic vero nihil mali gessit

41. Et nos quidem iuste, nam digna factis recipimus! Hic vero nihil mali gessit”.

42. et dicebat ad Jesum Domine memento mei cum veneris in regnum tuum

42. Et dicebat: “Iesu, memento mei, cum veneris in regnum tuum”.

43. et dixit illi Jesus amen dico tibi hodie mecum eris in paradiso

43. Et dixit illi: “Amen dico tibi: Hodie mecum eris in paradiso”.

44. erat autem fere hora sexta et tenebræ factæ sunt in universa terra usque in nonam horam

44. Et erat iam fere hora sexta, et tenebrae factae sunt in universa terra usque in horam nonam,

45. et obscuratus est sol et velum templi scissum est medium

45. et obscuratus est sol, et velum templi scissum est medium.

46. et clamans voce magna Jesus ait Pater in manus tuas commendo spiritum meum et hæc dicens exspiravit

46. Et clamans voce magna Iesus ait: “Pater, in manus tuas commendo spiritum meum”; et haec dicens exspiravit.

47. videns autem centurio quod factum fuerat glorificavit Deum dicens vere hic homo justus erat

47. Videns autem centurio, quod factum fuerat, glorificavit Deum dicens: “Vere hic homo iustus erat!”.

48. et omnis turba eorum qui simul aderant ad spectaculum istud et videbant quæ fiebant percutientes pectora sua revertebantur

48. Et omnis turba eorum, qui simul aderant ad spectaculum istud et videbant, quae fiebant, percutientes pectora sua revertebantur.

49. stabant autem omnes noti ejus a longe et mulieres quæ secutæ erant eum a Galilæa hæc videntes

49. Stabant autem omnes noti eius a longe et mulieres, quae secutae erant eum a Galilaea, haec videntes.

50. et ecce vir nomine Joseph qui erat decurio vir bonus et justus

50. Et ecce vir nomine Ioseph, qui erat decurio, vir bonus et iustus

51. hic non consenserat consilio et actibus eorum ab Arimathia civitate Judææ qui expectabat et ipse regnum Dei

51. Chic non consenserat consilio et actibus eorum — ab Arimathaea civitate Iudaeorum, qui exspectabat regnum Dei,

52. hic accessit ad Pilatum et petiit corpus Jesu

52. hic accessit ad Pilatum et petiit corpus Iesu

53. et depositum involvit sindone et posuit eum in monumento exciso in quo nondum quisquam positus fuerat

53. et depositum involvit sindone et posuit eum in monumento exciso, in quo nondum quisquam positus fuerat.

54. et dies erat parasceves et sabbatum inlucescebat

54. Et dies erat Parasceves, et sabbatum illucescebat.

55. subsecutæ autem mulieres quæ cum ipso venerant de Galilæa viderunt monumentum et quemadmodum positum erat corpus ejus

55. Subsecutae autem mulieres, quae cum ipso venerant de Galilaea, viderunt monumentum et quemadmodum positum erat corpus eius;

56. et revertentes paraverunt aromata et unguenta et sabbato quidem siluerunt secundum mandatum

56. et revertentes paraverunt aromata et unguenta et sabbato quidem siluerunt secundum mandatum.