Found 971 Results for: David Et Uriam
et venit Urias ad David quæsivitque David quam recte ageret Joab et populus et quomodo administraretur bellum (Liber II Samuelis 11, 7)
et dixit David ad Uriam vade in domum tuam et lava pedes tuos egressus est Urias de domo regis secutusque est eum cibus regius (Liber II Samuelis 11, 8)
nuntiatumque est David a dicentibus non ivit Urias ad domum suam et ait David ad Uriam numquid non de via venisti quare non descendisti ad domum tuam (Liber II Samuelis 11, 10)
et ait Urias ad David arca et Israël et Juda habitant in papilionibus et dominus meus Joab et servi domini mei super faciem terræ manent et ego ingrediar domum meam ut comedam et bibam et dormiam cum uxore mea per salutem tuam et per salutem animæ tuæ quod non faciam rem hanc (Liber II Samuelis 11, 11)
ait ergo David ad Uriam mane hic etiam hodie et cras dimittam te mansit Urias in Hierusalem die illa et altera (Liber II Samuelis 11, 12)
et vocavit eum David ut comederet coram se et biberet et inebriavit eum qui egressus vespere dormivit in stratu suo cum servis domini sui et in domum suam non descendit (Liber II Samuelis 11, 13)
factum est ergo mane et scripsit David epistulam ad Joab misitque per manum Uriæ (Liber II Samuelis 11, 14)
scribens in epistula ponite Uriam ex adverso belli ubi fortissimum prœlium est et derelinquite eum ut percussus intereat (Liber II Samuelis 11, 15)
igitur cum Joab obsideret urbem posuit Uriam in loco quo sciebat viros esse fortissimos (Liber II Samuelis 11, 16)
egressique viri de civitate bellabant adversum Joab et ceciderunt de populo servorum David et mortuus est etiam Urias Hettheus (Liber II Samuelis 11, 17)
misit itaque Joab et nuntiavit David omnia verba prœlii (Liber II Samuelis 11, 18)
abiit ergo nuntius et venit et narravit David omnia quæ ei præceperat Joab (Liber II Samuelis 11, 22)
