1. igitur Heliu hæc rursum locutus est

2. numquid æqua tibi videtur tua cogitatio ut diceres justior Deo sum

3. dixisti enim non tibi placet quod rectum est vel quid tibi proderit si ego peccavero

4. itaque ego respondebo sermonibus tuis et amicis tuis tecum

5. suspice cælum et intuere et contemplare æthera quod altior te sit

6. si peccaveris quid ei nocebis et si multiplicatæ fuerint iniquitates tuæ quid facies contra eum

7. porro si juste egeris quid donabis ei aut quid de manu tua accipiet

8. homini qui similis tui est nocebit impietas tua et filium hominis adiuvabit justitia tua

9. propter multitudinem calumniatorum clamabunt et hejulabunt propter vim brachii tyrannorum

10. et non dixit ubi est Deus qui fecit me qui dedit carmina in nocte

11. qui docet nos super jumenta terræ et super volucres cæli erudit nos

12. ibi clamabunt et non exaudiet propter superbiam malorum

13. non ergo frustra audiet Deus et Omnipotens singulorum causas intuebitur

14. etiam cum dixeris non considerat judicare coram eo et expecta eum

15. nunc enim non infert furorem suum nec ulciscitur scelus valde

16. ergo Job frustra aperit os suum et absque scientia verba multiplicat



Livros sugeridos


“O Senhor sempre orienta e chama; mas não se quer segui-lo e responder-lhe, pois só se vê os próprios interesses. Às vezes, pelo fato de se ouvir sempre a Sua voz, ninguém mais se apercebe dela; mas o Senhor ilumina e chama. São os homens que se colocam na posição de não conseguir mais escutar.” São Padre Pio de Pietrelcina

Newsletter

Receba as novidades, artigos e noticias deste portal.