Evangelium secundum Matthaeum, 7

1. nolite judicare ut non judicemini

1. Nolite iudicare, ut non iudice mini;

2. in quo enim judicio judicaveritis judicabimini et in qua mensura mensi fueritis metietur vobis

2. in quo enim iudicio iudi caveritis, iudicabimini, et in qua mensura mensi fueritis, metietur vobis.

3. quid autem vides festucam in oculo fratris tui et trabem in oculo tuo non vides

3. Quid autem vides festucam in oculo fratris tui, et trabem in oculo tuo non vides?

4. aut quomodo dicis fratri tuo sine eiciam festucam de oculo tuo et ecce trabis est in oculo tuo

4. Aut quomodo dices fratri tuo: “Sine, eiciam festucam de oculo tuo”, et ecce trabes est in oculo tuo?

5. hypocrita eice primum trabem de oculo tuo et tunc videbis eicere festucam de oculo fratris tui

5. Hypocrita, eice primum trabem de oculo tuo, et tunc videbis eicere festucam de oculo fratris tui.

6. nolite dare sanctum canibus neque mittatis margaritas vestras ante porcos ne forte conculcent eas pedibus suis et conversi disrumpant vos

6. Nolite dare sanctum canibus neque mittatis margaritas vestras ante porcos, ne forte conculcent eas pedibus suis et conversi dirumpant vos.

7. petite et dabitur vobis quærite et invenietis pulsate et aperietur vobis

7. Petite, et dabitur vobis; quaerite et invenietis; pulsate, et aperietur vobis.

8. omnis enim qui petit accipit et qui quærit invenit et pulsanti aperietur

8. Omnis enim qui petit, accipit; et, qui quaerit, invenit; et pulsanti aperietur.

9. aut quis est ex vobis homo quem si petierit filius suus panem numquid lapidem porriget ei

9. Aut quis est ex vobis homo, quem si petierit filius suus panem, numquid lapidem porriget ei?

10. aut si piscem petet numquid serpentem porriget ei

10. Aut si piscem petierit, numquid serpentem porriget ei?

11. si ergo vos cum sitis mali nostis bona dare filiis vestris quanto magis Pater vester qui in cælis est dabit bona petentibus se

11. Si ergo vos, cum sitis mali, nostis dona bona dare filiis vestris, quanto magis Pater vester, qui in caelis est, dabit bona petentibus se.

12. omnia ergo quæcumque vultis ut faciant vobis homines et vos facite eis hæc est enim lex et prophetæ

12. Omnia ergo, quaecumque vultis ut faciant vobis homines, ita et vos facite eis; haec est enim Lex et Prophetae.

13. intrate per angustam portam quia lata porta et spatiosa via quæ ducit ad perditionem et multi sunt qui intrant per eam

13. Intrate per angustam portam, quia lata porta et spatiosa via, quae ducit ad perditionem, et multi sunt, qui intrant per eam;

14. quam angusta porta et arta via quæ ducit ad vitam et pauci sunt qui inveniunt eam

14. quam angusta porta et arta via, quae ducit ad vitam, et pauci sunt, qui inveniunt eam!

15. adtendite a falsis prophetis qui veniunt ad vos in vestimentis ovium intrinsecus autem sunt lupi rapaces

15. Attendite a falsis prophetis, qui veniunt ad vos in vestimentis ovium, intrinsecus autem sunt lupi rapaces.

16. a fructibus eorum cognoscetis eos numquid colligunt de spinis uvas aut de tribulis ficus

16. A fructibus eorum cognoscetis eos; numquid colligunt de spinis uvas aut de tribulis ficus?

17. sic omnis arbor bona fructus bonos facit mala autem arbor fructus malos facit

17. Sic omnis arbor bona fructus bonos facit, mala autem arbor fructus malos facit;

18. non potest arbor bona fructus malos facere neque arbor mala fructus bonos facere

18. non potest arbor bona fructus malos facere, neque arbor mala fructus bonos facere.

19. omnis arbor quæ non facit fructum bonum exciditur et in ignem mittitur

19. Omnis arbor, quae non facit fructum bonum, exciditur et in ignem mittitur.

20. igitur ex fructibus eorum cognoscetis eos

20. Igitur ex fructibus eorum cognoscetis eos.

21. non omnis qui dicit mihi Domine Domine intrabit in regnum cælorum sed qui facit voluntatem Patris mei qui in cælis est ipse intrabit in regnum cælorum

21. Non omnis, qui dicit mihi: “Domine, Domine”, intrabit in regnum caelorum, sed qui facit voluntatem Patris mei, qui in caelis est.

22. multi dicent mihi in illa die Domine Domine nonne in nomine tuo prophetavimus et in tuo nomine dæmonia ejecimus et in tuo nomine virtutes multas fecimus

22. Multi dicent mihi in illa die: “Domine, Domine, nonne in tuo nomine prophetavimus, et in tuo nomine daemonia eiecimus, et in tuo nomine virtutes multas fecimus?”.

23. et tunc confitebor illis quia numquam novi vos discedite a me qui operamini iniquitatem

23. Et tunc confitebor illis: Numquam novi vos; discedite a me, qui operamini iniquitatem.

24. omnis ergo qui audit verba mea hæc et facit ea adsimilabitur viro sapienti qui ædificavit domum suam supra petram

24. Omnis ergo, qui audit verba mea haec et facit ea, assimilabitur viro sapienti, qui aedificavit domum suam supra petram.

25. et descendit pluvia et venerunt flumina et flaverunt venti et inruerunt in domum illam et non cecidit fundata enim erat super petram

25. Et descendit pluvia, et venerunt flumina, et flaverunt venti et irruerunt in domum illam, et non cecidit; fundata enim erat supra petram.

26. et omnis qui audit verba mea hæc et non facit ea similis erit viro stulto qui ædificavit domum suam supra harenam

26. Et omnis, qui audit verba mea haec et non facit ea, similis erit viro stulto, qui aedificavit domum suam supra arenam.

27. et descendit pluvia et venerunt flumina et flaverunt venti et inruerunt in domum illam et cecidit et fuit ruina ejus magna

27. Et descendit pluvia, et venerunt flumina, et flaverunt venti et irruerunt in domum illam, et cecidit, et fuit ruina eius magna”.

28. et factum est cum consummasset Jesus verba hæc admirabantur turbæ super doctrinam ejus

28. Et factum est, cum consummasset Iesus verba haec, admirabantur turbae super doctrinam eius;

29. erat enim docens eos sicut potestatem habens non sicut scribæ eorum et Pharisæi

29. erat enim docens eos sicut potestatem habens, et non sicut scribae eorum.