Fundar 25898 Resultados para: Um

• Et in conspectu sedis tamquam mare vitreum simile crystallo: et in medio sedis, et in circuitu sedis quatuor animalia plena oculis ante et retro. (Apocalypsis Ioannis 4, 6)

• Et animal primum simile leoni, et secundum animal simile vitulo, et tertium animal habens faciem quasi hominis, et quartum animal simile aquilæ volanti. (Apocalypsis Ioannis 4, 7)

• Et quatuor animalia, singula eorum habebant alas senas: et in circuitu, et intus plena sunt oculis: et requiem non habebant die ac nocte, dicentia: Sanctus, Sanctus, Sanctus Dominus Deus omnipotens, qui erat, et qui est, et qui venturus est. (Apocalypsis Ioannis 4, 8)

• Et cum darent illa animalia gloriam, et honorem, et benedictionem sedenti super thronum, viventi in sæcula sæculorum, (Apocalypsis Ioannis 4, 9)

• procidebant viginti quatuor seniores ante sedentem in throno, et adorabant viventem in sæcula sæculorum, et mittebant coronas suas ante thronum, dicentes: (Apocalypsis Ioannis 4, 10)

• Et vidi in dextera sedentis supra thronum, librum scriptum intus et foris, signatum sigillis septem. (Apocalypsis Ioannis 5, 1)

• Et vidi angelum fortem, prædicantem voce magna: Quis est dignus aperire librum, et solvere signacula ejus? (Apocalypsis Ioannis 5, 2)

• Et nemo poterat neque in cælo, neque in terra, neque subtus terram aperire librum, neque respicere illum. (Apocalypsis Ioannis 5, 3)

• Et ego flebam multum, quoniam nemo dignus inventus est aperire librum, nec videre eum. (Apocalypsis Ioannis 5, 4)

• Et unus de senioribus dixit mihi: Ne fleveris: ecce vicit leo de tribu Juda, radix David, aperire librum, et solvere septem signacula ejus. (Apocalypsis Ioannis 5, 5)

• Et vidi: et ecce in medio throni et quatuor animalium, et in medio seniorum, Agnum stantem tamquam occisum, habentem cornua septem, et oculos septem: qui sunt septem spiritus Dei, missi in omnem terram. (Apocalypsis Ioannis 5, 6)

• Et venit: et accepit de dextera sedentis in throno librum. (Apocalypsis Ioannis 5, 7)