1. PSALMUS. David. Dominus pascit me, et nihil mihi deerit:

2. in pascuis virentibus me collocavit, super aquas quietis eduxit me,

3. animam meam refecit. Deduxit me super semitas iustitiae propter nomen suum.

4. Nam et si ambulavero in valle umbrae mortis, non timebo mala, quoniam tu mecum es. Virga tua et baculus tuus, ipsa me consolata sunt.

5. Parasti in conspectu meo mensam adversus eos, qui tribulant me; impinguasti in oleo caput meum, et calix meus redundat.

6. Etenim benignitas et misericordia subsequentur me omnibus diebus vitae meae, et inhabitabo in domo Domini in longitudinem dierum.





“Diante de Deus ajoelhe-se sempre.” São Padre Pio de Pietrelcina