Talált 22502 Eredmények: És
Dixitque Deus: Fiat lux. Et facta est lux. (Liber Genesis 1, 3)
Et vidit Deus lucem quod esset bona: et divisit lucem a tenebris. (Liber Genesis 1, 4)
Appellavitque lucem Diem, et tenebras Noctem: factumque est vespere et mane, dies unus. (Liber Genesis 1, 5)
Et fecit Deus firmamentum, divisitque aquas, quæ erant sub firmamento, ab his, quæ erant super firmamentum. Et factum est ita. (Liber Genesis 1, 7)
Vocavitque Deus firmamentum, Cælum: et factum est vespere et mane, dies secundus. (Liber Genesis 1, 8)
Dixit vero Deus: Congregentur aquæ, quæ sub cælo sunt, in locum unum: et appareat arida. Et factum est ita. (Liber Genesis 1, 9)
Et vocavit Deus aridam Terram, congregationesque aquarum appellavit Maria. Et vidit Deus quod esset bonum. (Liber Genesis 1, 10)
Et ait: Germinet terra herbam virentem, et facientem semen, et lignum pomiferum faciens fructum juxta genus suum, cujus semen in semetipso sit super terram. Et factum est ita. (Liber Genesis 1, 11)
Et protulit terra herbam virentem, et facientem semen juxta genus suum, lignumque faciens fructum, et habens unumquodque sementem secundum speciem suam. Et vidit Deus quod esset bonum. (Liber Genesis 1, 12)
Et factum est vespere et mane, dies tertius. (Liber Genesis 1, 13)
Dixit autem Deus: Fiant luminaria in firmamento cæli, et dividant diem ac noctem, et sint in signa et tempora, et dies et annos: (Liber Genesis 1, 14)
ut luceant in firmamento cæli, et illuminent terram. Et factum est ita. (Liber Genesis 1, 15)
