Löydetty 8660 Tulokset: Dom
Et erit in omni terra, dicit Dominus: partes duae in ea dispergentur et deficient, et tertia pars relinquetur in ea; (Prophetia Zachariae 13, 8)
et ducam tertiam partem per ignem et purgabo eos, sicut purgatur argentum, et probabo eos, sicut probatur aurum: ipse vocabit nomen meum, et ego exaudiam eum. Dicam: Populus meus est ille; et ipse dicet: “Dominus est Deus meus”. (Prophetia Zachariae 13, 9)
Ecce venit dies Domino, et dividentur spolia tua in me dio tui, (Prophetia Zachariae 14, 1)
et congregabo omnes gentes ad Ierusalem in proelium, et capietur civitas, et vastabuntur domus, et mulieres violabuntur; et egredietur media pars civitatis in captivitatem, et reliquum populi non auferetur ex urbe. (Prophetia Zachariae 14, 2)
Et egredietur Dominus et proeliabitur contra gentes illas, sicut proeliatus est in die certaminis. (Prophetia Zachariae 14, 3)
Et fugietis ad vallem montium eorum, quoniam vallis montium pertinget usque ad Iasol; et fugietis, sicut fugistis a facie terraemotus in diebus Oziae regis Iudae, et veniet Dominus Deus meus, omnesque sancti cum eo. (Prophetia Zachariae 14, 5)
et erit dies una, quae nota est Domino, non dies neque nox; et in tempore vesperi erit lux. (Prophetia Zachariae 14, 7)
Et erit Dominus rex super omnem terram: in die illa erit Dominus unus, et erit nomen eius unum. (Prophetia Zachariae 14, 9)
Et haec erit plaga, qua percutiet Dominus omnes gentes, quae pugnaverunt adversus Ierusalem: tabescet caro uniuscuiusque stantis super pedes suos, et oculi eius contabescent in foraminibus suis, et lingua eius contabescet in ore suo. (Prophetia Zachariae 14, 12)
In die illa erit tumultus Domini magnus in eis, et apprehendet vir manum proximi sui, et elevabitur manus eius super manum proximi sui. (Prophetia Zachariae 14, 13)
Et omnes, qui reliqui fuerint de universis gentibus, quae venerunt contra Ierusalem, ascendent ab anno in annum, ut adorent Regem, Dominum exercituum, et celebrent festivitatem Tabernaculorum. (Prophetia Zachariae 14, 16)
Et erit: qui non ascenderit de familiis terrae ad Ierusalem, ut adoret Regem, Dominum exercituum, non erit super eos imber. (Prophetia Zachariae 14, 17)
