1. filii quoque Ruben primogeniti Israël ipse quippe fuit primogenitus ejus sed cum violasset torum patris sui data sunt primogenita ejus filiis Joseph filii Israël et non est ille reputatus in primogenitum

2. porro Judas qui erat fortissimus inter fratres suos de stirpe ejus principes germinati sunt primogenita autem reputata sunt Joseph

3. filii ergo Ruben primogeniti Israël Enoch et Phallu Esrom et Charmi

4. filii Johel Samaja filius ejus Gog filius ejus Semei filius ejus

5. Micha filius ejus Reeja filius ejus Baal filius ejus

6. Beera filius ejus quem captivum duxit Theglathphalnasar rex Assyriorum et fuit princeps in tribu Ruben

7. fratres autem ejus et universa cognatio quando numerabantur per familias suas habuerunt principes Jeihel et Zacchariam

8. porro Bala filius Azaz filii Samma filii Johel ipse habitavit in Arœr usque ad Nebo et Beelmeon

9. contra orientalem quoque plagam habitavit usque ad introitum heremi et flumen Eufraten multum quippe jumentorum numerum possidebat in terra Galaad

10. in diebus autem Saul prœliati sunt contra Agareos et interfecerunt illos habitaveruntque pro eis in tabernaculis eorum in omni plaga quæ respicit ad orientem Galaad

11. filii vero Gad e regione eorum habitaverunt in terra Basan usque Selcha

12. Johel in capite et Saphan secundus Janai autem et Saphat in Basan

13. fratres vero eorum secundum domos cognationum suarum Michaël et Mosollam et Sebe et Jori et Jachan et Zie et Heber septem

14. hii filii Abiahil filii Uri filii Jaro filii Galaad filii Michaël filii Jesesi filii Jeddo filii Buz

15. fratres quoque filii Abdihel filii Guni princeps domus in familiis suis

16. et habitaverunt in Galaad et in Basan et in viculis ejus et in cunctis suburbanis Saron usque ad terminos

17. omnes hii numerati sunt in diebus Joatham regis Juda et in diebus Hieroboam regis Israël

18. filii Ruben et Gad et dimidiæ tribus Manasse viri bellatores scuta portantes et gladios et tendentes arcum eruditique ad prœlia quadraginta quattuor milia et septingenti sexaginta procedentes ad pugnam

19. dimicaverunt contra Agarenos Iturei vero et Naphei et Nodab

20. præbuerunt eis auxilium traditique sunt in manus eorum Agareni et universi qui fuerant cum eis quia Deum invocaverunt cum prœliarentur et exaudivit eos eo quod credidissent in eum

21. ceperuntque omnia quæ possederant camelorum quinquaginta milia et ovium ducenta quinquaginta milia asinos duo milia et animas hominum centum milia

22. vulnerati autem multi corruerunt fuit enim bellum Domini habitaveruntque pro eis usque ad transmigrationem

23. filii quoque dimidiæ tribus Manasse possederunt terram a finibus Basan usque Baalhermon et Sanir et montem Hermon ingens quippe numerus erat

24. et hii fuerunt principes domus cognationis eorum Epher et Jesi et Helihel Ezrihel et Hieremia et Odoja et Jedihel viri fortissimi et potentes et nominati duces in familiis suis

25. reliquerunt autem Deum patrum suorum et fornicati sunt post deos populorum terræ quos abstulit Dominus coram eis

26. et suscitavit Deus Israël spiritum Ful regis Assyriorum et spiritum Theglathphalnasar regis Assur et transtulit Ruben et Gad et dimidium tribus Manasse et adduxit eos in Alæ et Abor et Ara et fluvium Gozan usque ad diem hanc



Livros sugeridos


“O Senhor sempre orienta e chama; mas não se quer segui-lo e responder-lhe, pois só se vê os próprios interesses. Às vezes, pelo fato de se ouvir sempre a Sua voz, ninguém mais se apercebe dela; mas o Senhor ilumina e chama. São os homens que se colocam na posição de não conseguir mais escutar.” São Padre Pio de Pietrelcina

Newsletter

Receba as novidades, artigos e noticias deste portal.