Fondare 12906 Risultati per: Ut
Pulsante autem eo ostium januæ, processit puella ad audiendum, nomine Rhode. (Actus Apostolorum 12, 13)
Et ut cognovit vocem Petri, præ gaudio non aperuit januam, sed intro currens nuntiavit stare Petrum ante januam. (Actus Apostolorum 12, 14)
At illi dixerunt ad eam: Insanis. Illa autem affirmabat sic se habere. Illi autem dicebant: Angelus ejus est. (Actus Apostolorum 12, 15)
Petrus autem perseverabat pulsans. Cum autem aperuissent, viderunt eum, et obstupuerunt. (Actus Apostolorum 12, 16)
Annuens autem eis manu ut tacerent, narravit quomodo Dominus eduxisset eum de carcere, dixitque: Nuntiate Jacobo et fratribus hæc. Et egressus abiit in alium locum. (Actus Apostolorum 12, 17)
Facta autem die, erat non parva turbatio inter milites, quidnam factum esset de Petro. (Actus Apostolorum 12, 18)
Herodes autem cum requisisset eum et non invenisset, inquisitione facta de custodibus, jussit eos duci: descendensque a Judæa in Cæsaream, ibi commoratus est. (Actus Apostolorum 12, 19)
Erat autem iratus Tyriis et Sidoniis. At illi unanimes venerunt ad eum, et persuaso Blasto, qui erat super cubiculum regis, postulabant pacem, eo quod alerentur regiones eorum ab illo. (Actus Apostolorum 12, 20)
Statuto autem die Herodes vestitus veste regia sedit pro tribunali, et concionabatur ad eos. (Actus Apostolorum 12, 21)
Populus autem acclamabat: Dei voces, et non hominis. (Actus Apostolorum 12, 22)
Confestim autem percussit eum angelus Domini, eo quod non dedisset honorem Deo: et consumptus a vermibus, expiravit. (Actus Apostolorum 12, 23)
Verbum autem Domini crescebat, et multiplicabatur. (Actus Apostolorum 12, 24)
