1 verbum quod locutus est Hieremias propheta ad Baruch filium Neri cum scripsisset verba hæc in libro de ore Hieremiæ anno quarto Joachim filii Josiæ regis Juda dicens
2 hæc dicit Dominus Deus Israël ad te Baruch
3 dixisti væ misero mihi quoniam addidit Dominus dolorem dolori meo laboravi in gemitu meo et requiem non inveni
4 hæc dices ad eum sic dicit Dominus ecce quos ædificavi ego destruo et quos plantavi ego evello et universam terram hanc
5 et tu quæris tibi grandia noli quærere quia ecce ego adducam malum super omnem carnem ait Dominus et dabo tibi animam tuam in salutem in omnibus locis ad quæcumque perrexeris
Luvut: