Found 12906 Results for: Ut
Iis autem qui matrimonio juncti sunt, præcipio non ego, sed Dominus, uxorem a viro non discedere: (Epistula I ad Corinthios 7, 10)
quod si discesserit, manere innuptam, aut viro suo reconciliari. Et vir uxorem non dimittat. (Epistula I ad Corinthios 7, 11)
sanctificatus est enim vir infidelis per mulierem fidelem, et sanctificata est mulier infidelis per virum fidelem: alioquin filii vestri immundi essent, nunc autem sancti sunt. (Epistula I ad Corinthios 7, 14)
Quod si infidelis discedit, discedat: non enim servituti subjectus est frater, aut soror in hujusmodi: in pace autem vocavit nos Deus. (Epistula I ad Corinthios 7, 15)
Unde enim scis mulier, si virum salvum facies? aut unde scis vir, si mulierem salvam facies? (Epistula I ad Corinthios 7, 16)
Nisi unicuique sicut divisit Dominus, unumquemque sicut vocavit Deus, ita ambulet, et sicut in omnibus ecclesiis doceo. (Epistula I ad Corinthios 7, 17)
Circumcisus aliquis vocatus est? non adducat præputium. In præputio aliquis vocatus est? non circumcidatur. (Epistula I ad Corinthios 7, 18)
Circumcisio nihil est, et præputium nihil est: sed observatio mandatorum Dei. (Epistula I ad Corinthios 7, 19)
Servus vocatus es? non sit tibi curæ: sed et si potes fieri liber, magis utere. (Epistula I ad Corinthios 7, 21)
De virginibus autem præceptum Domini non habeo: consilium autem do, tamquam misericordiam consecutus a Domino, ut sim fidelis. (Epistula I ad Corinthios 7, 25)
Alligatus es uxori? noli quærere solutionem. Solutus es ab uxore? noli quærere uxorem. (Epistula I ad Corinthios 7, 27)
Si autem acceperis uxorem, non peccasti. Et si nupserit virgo, non peccavit: tribulationem tamen carnis habebunt hujusmodi. Ego autem vobis parco. (Epistula I ad Corinthios 7, 28)
