1 signatores autem fuerunt Neemias Athersatha filius Achelai et Sedecias
2 Sarajas Azarias Hieremias
3 Phessur Amaria Melchia
4 Attus Sebenia Melluc
5 Arem Mermuth Obdias
6 Danihel Genton Baruch
7 Mosollam Abia Miamin
8 Mazia Belga Semaja hii sacerdotes
9 porro Levitæ Josue filius Azaniæ Bennui de filiis Enadad Cedmihel
10 et fratres eorum Sechenia Odevia Celita Phalaja Anan
11 Micha Roob Asebia
12 Zacchur Serebia Sabania
13 Odia Bani Baninu
14 capita populi Pheros Phæthmoab Helam Zethu Bani
15 Bonni Azgad Bebai
16 Adonia Beggoai Adin
17 Ater Ezechia Azur
18 Odevia Asum Besai
19 Ares Anathoth Nebai
20 Mecphia Mosollam Azir
21 Mesizabel Sadoc Jeddua
22 Felthia Anan Ania
23 Osee Anania Asub
24 Alœs Phaleam Sobec
25 Reum Asebna Madsia
26 et Haja Hanam Anan
27 Melluc Arem Baana
28 et reliqui de populo sacerdotes Levitæ janitores et cantores Nathinnei et omnes qui se separaverunt de populis terrarum ad legem Dei uxores eorum filii eorum et filiæ eorum
29 omnis qui poterat sapere spondentes pro fratribus suis optimates eorum et qui veniebant ad pollicendum et jurandum ut ambularent in lege Dei quam dederat in manu Mosi servi Dei ut facerent et custodirent universa mandata Domini Dei nostri et judicia ejus et cærimonias ejus
30 et ut non daremus filias nostras populo terræ et filias eorum non acciperemus filiis nostris
31 populi quoque terræ qui inportant venalia et omnia ad usum per diem sabbati ut vendant non accipiemus ab eis in sabbato et in die sanctificata et dimittemus annum septimum et exactionem universæ manus
32 et statuemus super nos præcepta ut demus tertiam partem sicli per annum ad opus domus Dei nostri
33 ad panes propositionis et ad sacrificium sempiternum et in holocaustum sempiternum in sabbatis in kalendis in sollemnitatibus et in sanctificatis et pro peccato ut exoretur pro Israël et in omnem usum domus Dei nostri
34 sortes ergo misimus super oblatione lignorum inter sacerdotes et Levitas et populos ut inferrentur in domum Dei nostri per domos patrum nostrorum per tempora a temporibus anni usque ad annum ut arderent super altare Domini Dei nostri sicut scriptum est in lege Mosi
35 et ut adferremus primogenita terræ nostræ et primitiva universi fructus omnis ligni ab anno in annum in domo Domini
36 et primitiva filiorum nostrorum et pecorum nostrorum sicut scriptum est in lege et primitiva boum nostrorum et ovium nostrarum ut offerrentur in domo Dei nostri sacerdotibus qui ministrant in domo Dei nostri
37 et primitias ciborum nostrorum et libaminum nostrorum et poma omnis ligni vindemiæ quoque et olei adferemus sacerdotibus ad gazofilacium Dei nostri et decimam partem terræ nostræ Levitis ipsi Levitæ decimas accipient ex omnibus civitatibus operum nostrorum
38 erit autem sacerdos filius Aaron cum Levitis in decimis Levitarum et Levitæ offerent decimam partem decimæ suæ in domum Dei nostri ad gazofilacium in domo thesauri
39 ad gazofilacium enim deportabunt filii Israël et filii Levi primitias frumenti vini et olei et ibi erunt vasa sanctificata et sacerdotes et cantores et janitores et ministri et non dimittemus domum Dei nostri
Kapitel: