1. hæ generationes filiorum Nœ Sem Ham Jafeth natique sunt eis filii post diluvium

2. filii Jafeth Gomer Magog et Madai Javan et Thubal et Mosoch et Thiras

3. porro filii Gomer Aschenez et Rifath et Thogorma

4. filii autem Javan Elisa et Tharsis Cetthim et Dodanim

5. ab his divisæ sunt insulæ gentium in regionibus suis unusquisque secundum linguam et familias in nationibus suis

6. filii autem Ham Chus et Mesraim et Fut et Chanaan

7. filii Chus Saba et Hevila et Sabatha et Regma et Sabathaca filii Regma Saba et Dadan

8. porro Chus genuit Nemrod ipse cœpit esse potens in terra

9. et erat robustus venator coram Domino ab hoc exivit proverbium quasi Nemrod robustus venator coram Domino

10. fuit autem principium regni ejus Babylon et Arach et Archad et Chalanne in terra Sennaar

11. de terra illa egressus est Assur et ædificavit Nineven et plateas civitatis et Chale

12. Resen quoque inter Nineven et Chale hæc est civitas magna

13. at vero Mesraim genuit Ludim et Anamim et Laabim Nepthuim

14. et Phetrusim et Cesluim de quibus egressi sunt Philisthim et Capthurim

15. Chanaan autem genuit Sidonem primogenitum suum Ettheum

16. et Jebuseum et Amorreum Gergeseum

17. Eveum et Araceum Sineum

18. et Aradium Samariten et Amatheum et post hæc disseminati sunt populi Chananeorum

19. factique sunt termini Chanaan venientibus a Sidone Geraram usque Gazam donec ingrediaris Sodomam et Gomorram et Adama et Seboim usque Lesa

20. hii filii Ham in cognationibus et linguis et generationibus terrisque et gentibus suis

21. de Sem quoque nati sunt patre omnium filiorum Eber fratre Jafeth majore

22. filii Sem Ælam et Assur et Arfaxad et Lud et Aram

23. filii Aram Us et Hul et Gether et Mes

24. at vero Arfaxad genuit Sala de quo ortus est Eber

25. natique sunt Eber filii duo nomen uni Faleg eo quod in diebus ejus divisa sit terra et nomen fratris ejus Jectan

26. qui Jectan genuit Helmodad et Saleph et Asarmoth Jare

27. et Aduram et Uzal Decla

28. et Ebal et Abimaël Saba

29. et Ophir et Evila et Jobab omnes isti filii Jectan

30. et facta est habitatio eorum de Messa pergentibus usque Sephar montem orientalem

31. isti filii Sem secundum cognationes et linguas et regiones in gentibus suis

32. hæ familiæ Nœ juxta populos et nationes suas ab his divisæ sunt gentes in terra post diluvium



Livros sugeridos


“O amor tudo esquece, tudo perdoa, sem reservas.” São Padre Pio de Pietrelcina

Newsletter

Receba as novidades, artigos e noticias deste portal.